Паліна Сьцепаненка
| Паліна Сьцепаненка | |
 | |
| Асабістыя зьвесткі | |
|---|---|
| Імя пры нараджэньні | Паліна Качаткова |
| Нарадзілася | 26 лютага 1968 Ворша, Беларусь |
| Літаратурная дзейнасьць | |
| Род дзейнасьці | Пісьменьніца, літаратуразнаўца, праваабаронца |
| Мова | беларуская |
| Дэбют | 1990 |
| Значныя творы | Матылі (2012) |
| Творы на сайце Kamunikat.org | |
Палíна Сьцепанéнка, па нараджэньні Паліна Уладзіміраўна Качаткова (нар. 26 лютага 1968, Ворша, Віцебская вобласьць, Беларусь) — беларуская празаіца, літаратуразнаўца, дасьледніца творчасьці Максіма Багдановіча[1].
Жыцьцяпіс
[рэдагаваць | рэдагаваць крыніцу]Скончыла філялягічны факультэт БДУ. Падчас навучаньня (1985—1990) удзельнічала ў дзейнасьці незарэгістраваных нацыянальна арыентаваных маладзёвых аб’яднаньняў. У 1990—1998 гадах працавала ў Літаратурным музэі Максіма Багдановіча ў Менску[2]. У жніўні 1998 годзе звольнілася з музэю і пачала працаваць у праваабарончым цэнтры «Вясна», да дзейнасьці якога далучылася раней[3].
Сябра Саюзу беларускіх пісьменьнікаў і Беларускага ПЭН-цэнтру[4].
Творчасьць
[рэдагаваць | рэдагаваць крыніцу]Падчас працы ў музэі ўдзельнічала ў распрацоўцы канцэпцыі экспазыцыі Літаратурнага музэю Максіма Багдановіча, філіялу музэю ў Ракуцёўшчыне, падрыхтоўцы да друку мэмуараў бацькі паэта, Адама Багдановіча — «Мои воспоминания», арганізацыі навуковай канфэрэнцыі «Лёс нацыянальнай культуру на паваротах гісторыі» (1993), укладаньні выданьняў музэю. Адна з аўтарак артыкула па музэязнаўстве, дзе абагулены досьвед стварэньня экспазыцыі Літаратурнага музэю Максіма Багдановіча, даведніка па музэі[5].
Друкавалася ў калектыўных зборніках «Перад маімі вачыма» (1990), «Жанчыны выходзяць з-пад кантролю» (2007) і «Пакахай мяне, калі ласка» (2009)[6].
Аўтарка аповесьці «Паэт. Аповесьць пра Максіма Багдановіча» пра юнацкія гады Максіма Багдановіча, а таксама зборнікаў апавяданьняў «Матылі» (2012), «Гняздо-2» (2016)[7].
Творы
[рэдагаваць | рэдагаваць крыніцу]• «Матылі» (2012)
• «Міхась Кукабака» (2016)
• «Гняздо-2» (2016)
Крыніцы
[рэдагаваць | рэдагаваць крыніцу]- ^ Мікута В., Качаткова П., Шубіна Т. Літаратурны музей Максіма. Багдановіча. — Мн., 1996.
- ^ Мікута В., Качаткова П., Шубіна Т. Літаратурны музей Максіма. Багдановіча. — Мн., 1996.
- ^ Скобла М. Паліна Качаткова: Быць праваабаронцам для пісьменьніка карысна — www.svaboda.org, 16.04.2013
- ^ Наталка Бабіна, Матылі і камяні Паліны Качатковай, Наша Ніва, 16.02.2013, https://nashaniva.com/104173/
- ^ Мікута В., Качаткова П., Шубіна Т. Літаратурны музей Максіма. Багдановіча. — Мн., 1996.
- ^ Паліна Качаткова на Kamunikat.org, https://kamunikat.org/kaczatkova-palina
- ^ Наталка Бабіна, Матылі і камяні Паліны Качатковай, Наша Ніва, 16.02.2013, https://nashaniva.com/104173/