Пачынальнікі
| «Пачынальнікі» | |
|---|---|
| Жанр | зборнік дакументаў і матэрыялаў |
| Аўтар | Г. В. Кісялёў (укладальнік) |
| Мова арыгінала | беларуская |
| Дата першай публікацыі | 1977 |
| Выдавецтва | «Навука і тэхніка» |
| Колькасць старонак | 544 |
«Пачына́льнікі» — зборнік гісторыка-літаратурных дакументаў і матэрыялаў, прысвечаных жыццю і дзейнасці беларускіх пісьменнікаў XIX стагоддзя. Выдадзены ў Мінску ў 1977 годзе выдавецтвам «Навука і тэхніка». Падрыхтаваны гісторыкам і літаратуразнаўцам Генадзем Кісялёвым.
Змест
[правіць | правіць зыходнік]У зборніку апублікаваны дакументы, якія тычацца дзейнасці беларускіх пісьменнікаў XIX стагоддзя (Альгерд Абуховіч, Паўлюк Багрым, Францішак Багушэвіч, Ян Баршчэўскі, Арцём Вярыга-Дарэўскі, Адам Гурыновіч, Вінцэнт Дунін-Марцінкевіч, Аляксандр Ельскі, Вінцэсь Каратынскі, Янка Лучына, Аляксандр Рыпінскі, Вайніслаў Савіч-Заблоцкі, Ян Чачот). Змешчаны матэрыялы пра тагачаснае літаратурнае жыццё, паказаны ўклад творцаў у вызваленчы рух, іх удзел у грамадскім жыцці. У кнізе сустракаюцца пісьмы, артыкулы, рэцэнзіі, успаміны, цэнзурныя матэрыялы і іншая інфармацыя. Выкарыстаны новыя матэрыялы з сховішчаў Мінска, Вільні, Санкт-Пецярбурга, Масквы, Кіева, Кракава[1].
Тэксты ў кнізе падзяляюцца на беларускамоўныя, рускамоўныя і польскамоўныя. Польскамоўныя дакументы перакладзены на беларускую мову, пры гэтым польскамоўныя вершы надрукаваны на мове арыгінала. У зборніку ёсць інфармацыя пра дакументы, якія не ўвайшлі ў выданне, яна прысутнічае ў каментарыях. У дадатку прыведзена бібліяграфія дакументальных публікацый за 1923—1976 гады. У кнізе змешчаны 33 ілюстрацыі, ёсць імянны паказальнік[1].
Публікацыі
[правіць | правіць зыходнік]- Пачынальнікі: З гіст.-літар. матэрыялаў XIX ст. / Уклад. Г. В. Кісялёў; Рэд. В. В. Барысенка, А. І. Мальдзіс. — Мн., «Навука і тэхніка», 1977. — 544 с. з іл.
- Пачынальнікі: З гіст.-літар. матэрыялаў XIX ст. / Уклад. Г. В. Кісялёў; Рэд. В. В. Барысенка, А. І. Мальдзіс. — 2-е выд. — Мн.: Бел. навука, 2003. — 549 с. — ISBN 985-08-0570-6.
Крыніцы
[правіць | правіць зыходнік]- ↑ а б Віталь Скалабан. «Пачынальнікі» // Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — С. 459. — 10 000 экз. — ISBN 985-11-0141-9.
Літаратура
[правіць | правіць зыходнік]- Мархель У. Дакумент дасягненняў // Полымя. — 1978. — № 3.
- Скалабан В. «Пачынальнікі» // Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — С. 459. — 10 000 экз. — ISBN 985-11-0141-9.
Спасылкі
[правіць | правіць зыходнік]- Пачынальнікі. Электронный каталог Национальной библиотеки Беларуси. Праверана 12 верасня 2025.