Пронскія

Пронскія
Герб «Пагоня Руская»
Тытулы	князі
Роданачальнік	Міхаіл Яраславіч
Падданства	Разанскае княства
Дом паходжання	Ольгавічы[d]

Пронскія — княжацкі род, адгалінаванне Рурыкавічаў.

Гісторыя

Род пайшоў ад галіны Рурыкавічаў, якая ў XIV ст. атрымала ва ўладанне горад Пронск у Разанскім княстве. Прадстаўнікі роду зваліся князямі Пронскімі, але страцілі Пронск да 1483 года, калі ён ужо быў у складзе Разанскага княства (з 1521 у Вялікім княстве Маскоўскім). Пасля Пронскія былі баярамі пры двары вялікіх князёў маскоўскіх і рускіх цароў. Род згас у канцы XVII ст.

Адна з галін Пронскіх перайшла ў XV ст. на службу да вялікага князя літоўскага Казіміра і засталася ў Вялікім Княстве Літоўскім. Гэтая галіна карысталася гербам «Пагоня Руская» і згасла ў 1638 годзе.

Вядомыя прадстаўнікі літоўскай галіны

• Сямён Пронскі (? — 1555) — ваявода кіеўскі, перайшоў у каталіцтва пад імем Фрыдэрык.
• Андрэй Пронскі (? — каля 1548) — староста чаркаскі
• Аляксандр Пронскі (? — каля 1595) — кашталян троцкі.

Літаратура

• Пазднякоў В. Пронскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 466. — 792 с. — ISBN 985-11-0378-0 (т. 2), ISBN 985-11-0315-2.

Спасылкі

• Генеалогія літоўскай галіны Пронскіх Архівавана 21 кастрычніка 2013.
• Генеалогія Пронскіх