Рэнэ Амель
фр.: René Hamel | |
![]() | |
Асабістая інфармацыя | |
Імя пры нараджэнні | фр.: René Nicolas Adrien Hamel[2] |
Грамадзянства | |
Дата нараджэння | 14 кастрычніка 1902[1][2] |
Месца нараджэння | |
Дата смерці | 7 лістапада 1992[1][2] (90 гадоў) |
Месца смерці | |
Інфармацыя пра гоншчыка | |
Спецыялізацыя | велагоншчык, веласіпедны спорт, |
Рэнэ Нікала Адрыен Амель (фр.: René Nicolas Adrien Hamel; 14 кастрычніка 1902, Орша, Магілёўская губерня, Расійская імперыя — 7 лістапада 1992, Гуўё, Санліс, Уаза, О-дэ-Франс, Францыя) — французскі велагоншчык, які выступаў на шашы. Чэмпіён (камандная гонка) і бронзавы прызёр летніх Алімпійскіх гульняў 1924 года[3][4][5].
Біяграфія
[правіць | правіць зыходнік]Нарадзіўся 14 кастрычніка 1902 года ў Оршы.
Выступаў у аматарскіх спаборніцтвах па веласпорце на шашы за «Рывалі Спартыф» (1922) і «Левалуа» (1924). У 1922 годзе стаў пераможцам шашэйнай гонкі Парыж — Дзьеп, у 1923 годзе заняў 2-е месца. У 1924 годзе стаў чэмпіёнам Францыі сярод аматараў.
У 1924 годзе ўвайшоў у склад зборнай Францыі на летніх Алімпійскіх гульнях у Парыжы. У шашэйнай гонцы з раздзельным стартам на 188 км Амель заваяваў бронзавы медаль, паказаўшы вынік 6 гадзін 30 хвілін 51,6 секунды і саступіўшы 10 хвілін 3,6 секунды пераможцу Арману Бланшанэ з Францыі. У камандным заліку гонкі з раздзельным стартам зборная Францыі, за якую таксама выступалі Арман Бланшанэ, Жорж Вамбст і Андрэ Лядзюк, заваявала залаты медаль з сумай 19 гадзін 30 хвілін 14,0 секунды.
У далейшым перайшоў у прафесійны веласпорт, выступаў за «Таман-Данлоп» (1926—1927), «Альцыён-Данлоп» (1927) і «Луве-Хатчынсан» (1928). У 1927 годзе заняў 7-е месца ў шашэйнай гонцы Парыж — Рубэ.
У час Другой сусветнай вайны далучыўся да патрыятычнага руха «Змагарная Францыя» і стаў членам Руху Супраціўлення[6].
Памёр 7 лістапада 1992 года ў г. Гуўё (Францыя).
Крыніцы
[правіць | правіць зыходнік]- ↑ а б René Hamel // GeneaStar
- ↑ а б в г д Fichier des personnes décédées mirror Праверана 5 лістапада 2021.
- ↑ René Hamel Profile(недаступная спасылка). www.sports-reference.com. Архівавана з першакрыніцы 17 красавіка 2020. Праверана 24 сакавіка 2013.
- ↑ René Hamel Profile(недаступная спасылка). www.databaseolympics.com. Архівавана з першакрыніцы 24 сакавіка 2013. Праверана 24 сакавіка 2013.
- ↑ John Nauright (6 красавіка 2012). Sports around the World. ABC-CLIO. p. 77. ISBN 978-1-59884-301-9.
- ↑ René HAMEL- Fiche Mémoire des hommes . www.memoiredeshommes.sga.defense.gouv.fr. Праверана 19 сакавіка 2021.
- Нарадзіліся 14 кастрычніка
- Нарадзіліся ў 1902 годзе
- Нарадзіліся ў Оршы
- Памерлі 7 лістапада
- Памерлі ў 1992 годзе
- Памерлі ў дэпартаменце Уаза
- Асобы
- Спартсмены паводле алфавіта
- Велагоншчыкі паводле алфавіта
- Памерлі ў Гуўё
- Велагоншчыкі Францыі
- Алімпійскія чэмпіёны ад Францыі
- Чэмпіёны летніх Алімпійскіх гульняў 1924 года
- Велагоншчыкі на летніх Алімпійскіх гульнях 1924 года