Саламярэцкія

Саламярэцкія
Герб «Равіч»
Тытулы	князі
Роданачальнік	Іван Дзмітрыевіч
Падданства	Смаленскае княства
Апошні з роду	Ян Уладзіслаў
Дом паходжання	Расціславічы Смаленскія

Саламярэцкія — княжацкі род, галіна Рурыкавічаў з Расціславічаў Смаленскіх.

Прозвішча паходзіць ад маёнтка Саламярэч у Менскім павеце (цяпер — в. Саламярэчча Мінскага раёна).

Гісторыя

Пачынальнікам роду лічыцца князь Іван Дзмітрыевіч Шах, праўнук смаленскага князя Святаслава Іванавіча, які загінуў у бітве на Віхры ў 1386 годзе. Іван Дзмітрыевіч меў сыноў Юрыя, Фёдара і Сямёна. Сын Юрыя — Васіль, на думку некаторых даследчыкаў, быў пачынальнікам маскоўскага дваранскага роду Тацішчавых. Ад Фёдара або Сямёна паходзіць уласна род Саламярэцкіх.

Прадстаўнікі роду ў асноўным займалі ўрады на ўсходзе ВКЛ (Мсціслаў, Магілёў, Крычаў). Пазней адна галіна роду перасялілася ў Пінскі павет. Былі праваслаўнымі, але ў XVII ст. перайшлі ў каталіцтва.

Род згас у 1641 годзе са смерцю князя Яна Уладзіслава Саламярэцкага.

Радавод

• Васіль Іванавіч (?—1540), дзяржаўца магілёўскі з 1520; ∞ Ганна (?—1560), дачка Івана Уладыкі
  • Андрэй Васілевіч (?—1541); ∞ Таміла (? — 1555), дачка князя Міхаіла Мсціслаўскага
  • Іван Васілевіч (?—1582), першы кашталян мсціслаўскі з 1566; ∞ 1) Багдана (? — да 1550), дачка Паўла Сапегі, 2) Ганна (? — пасля 1593), дачка Яна Глябовіча
    • (2) Багдан Іванавіч (?—1602), староста крычаўскі з 1580; ∞ Ева, дачка Баркулаба Корсака
      • Багдан Багданавіч (1589—1630), староста крычаўскі з 1620
  • Фёдар Васілевіч (? — каля 1540), староста медніцкі
  • Багдан Васілевіч (?—1565), староста рагачоўскі з 1560; ∞ Фядора (? — каля 1576), дачка князя Юрыя Гальшанскага-Дубровіцкага
    • Іван Багданавіч (?—1602), перасяліўся ў Пінскі павет; ∞ 1) Беата з Дольскіх, 2) Малгажата, дачка Мікалая Лысакоўскага
      • Мікалай Леў (?—1626), кашталян смаленскі з 1623; ∞ Рэгіна, дачка Габрыэля Госцкага
        • Ян Уладзіслаў (?—1641), маршалак пінскі з 1629; ∞ 1) невядомая, 2) Ганна Валовіч (?—1669), д. Пятра Валовіча
  • Юрый Васілевіч (?—1559), староста ашмянскі ў 1549—1550; ∞ Ганна, дачка князя Сямёна Адзінцэвіча

Літаратура

• Пазднякоў В. Саламярэцкія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 537. — 792 с. — ISBN 985-11-0378-0 (т. 2), ISBN 985-11-0315-2.
• Сліж Н. Сямейныя адносіны і шлюбныя стратэгіі Саламярэцкіх у 16 — першай палове 17 ст. // Гістарычны альманах. — 2005. — Т. 11. — С. 86-121.

Спасылкі

• Генеалогія Саламярэцкіх