Свята-Параскева-Пятніцкая царква (Садовы)

Праваслаўны храм
Свята-Параскева-Пятніцкая царква
Свята-Параскева-Пятніцкая царква
52°08′14,8″ пн. ш. 25°56′53,54″ у. д.
Краіна	Беларусь
Пасёлак	Садовы
Канфесія	Беларуская праваслаўная царква
Епархія	Пінская і Лунінецкая
Архітэктурны стыль	Заходнепалеская школа дойлідства
Заснавальнік	Красіцкі
Дата пабудовы	1788 год
Статус	Гісторыка-культурная каштоўнасць Беларусі, шыфр 113Г000722
Медыяфайлы на Вікісховішчы

Свята-Параскева-Пятніцкая царква — праваслаўны храм у пасёлку Садовы Пінскага раёна Брэсцкай вобласці. У многіх крыніцах аднесены да суседняй вёскі Жабчыцы.

Гісторыя

Знаходзіцца ў цэнтры пасёлка Садовы. Пабудавана ў 1788 г. з дрэва як уніяцкая. У 1863 адноўлена і пераведзена ў праваслаўе.

Архітэктура

Царква з боку апсіды

Помнік народнага дойлідства. Трохчасткавую аб'ёмна-прасторавую кампазіцыю храма складаюць прамавугольныя зрубы прытвора і малітоўнай залы, накрытыя агульным дахам, пяцігранная апсіда з бакавымі рызніцамі. Цэнтр двухсхільнага гонтавага даху завершаны двух'ярусным васьмігранным барабанам з цыбулепадобным купалам. Двух'ярусны прытвор (2-і ярус — званіца) накрыты больш нізкім двухсхільным дахам, франтон якога рытмічна спалучаецца з франтонам асноўнага аб'ёму. Вертыкальна ашаляваныя сцены прарэзаны прамавугольнымі аконнымі праёмамі ў простых ліштвах.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• На Вікісховішчы ёсць медыяфайлы па тэме Свята-Параскева-Пятніцкая царква (Садовы)
• Свята-Параскева-Пятніцкая царква (Садовы) на сайце Radzima.org
• Свята-Параскева-Пятніцкая царква (Садовы) на сайце Глобус Беларусі (руск.)
• Свята-Параскева-Пятніцкая царква (Садовы) на сайце «Архіварта»