Славамір Антановіч

Славамір Антановіч
Асабістыя звесткі
Дата нараджэння	9 студзеня 1955(1955-01-09)
Месца нараджэння	Піляўсі, Каменскі сельсавет, Шчучынскі раён, Гродзенская вобласць, Беларуская ССР, СССР
Дата смерці	15 лістапада 2020(2020-11-15) (65 гадоў)
Месца смерці	Шчучынскі раён, Гродзенская вобласць, Беларусь
Грамадзянства	СССР  Беларусь
Прафесійная дзейнасць
Род дзейнасці	пісьменнік, паэт, юрыст, журналістыка
Мова твораў	беларуская і руская

Славамір Валяр’янавіч Антановіч (9 студзеня 1955(1955-01-09), Піляўсі, Гродзенская вобласць — 15 лістапада 2020(2020-11-15), Шчучынскі раён, Гродзенская вобласць) — беларускі пісьменнік, паэт, журналіст.

Біяграфія

Нарадзіўся ў 1955 годзе ў вёсцы Піляўсі (зараз — Шчучынскі раён). У 1972 годзе скончыў з залатым медалём Каменскую школу.

Вучыўся ў Мінскім радыётэхнічным інстытуце, на юрыдычным факультэце БДУ.

Працаваў энергетыкам на шчучынскім масласырзаводзе, інструктарам Шчучынскага райкама КПБ, карэспандэнтам газет «Мінская праўда» і «Звязда». У працоўнай біяграфіі — пасады саветніка Старшыні Вярхоўнага Суда, начальніка ўпраўлення Дзяржаўнага мытнага камітэта, галоўнага саветніка Прэм’ер-міністра.

Аўтар гістарычных і біяграфічных раманаў.

Лаўрэат прэміі «Залатое пяро» Беларускага саюза журналістаў.

У 2019 годзе С. Антановіча выключылі з Саюза пісьменнікаў Беларусі на падставе рашэння суда Смалявіцкага раёна за распаўсюд звестак, якія ганьбяць гонар М. Чаргінца.

Памёр у 2020 годзе ў Піляўсях.