Сцяпан Уладзіміравіч Скальскі

Сцяпан Уладзіміравіч Скальскі
Месца нараджэння	Мінск, Беларуская ССР, СССР
Дата смерці	29 снежня 1972(1972-12-29)
Прафесія	акцёр
Тэатр	Нацыянальны акадэмічны драматычны тэатр імя Якуба Коласа
Узнагароды

Сцяпан Уладзіміравіч Скальскі (15 студзеня 1899, Мінск — 29 снежня 1972) — беларускі акцёр. Заслужаны артыст Беларускай ССР (1940).

Біяграфія

Скончыў Беларускую драматычную студыю ў Маскве (1926). Працаваў у тэатрах Харкава і інш. гарадоў (1917—19), на Беларускім радыё (1932—35, маст. кіраўнік), у Белдзяржэстрадзе (1948—52), Беларускім тэатры імя Якуба Коласа (1926—32, 1937—48, 1952—65).

Характарны акцёр. Сярод роляў у тэатры імя Я.Коласа: Мартын Рыль, Шышла («У пушчах Палесся», «Вайна вайне» Якуба Коласа), Дубавец («Проба агнём» К.Крапівы), пан Бараноўскі («Несцерка» В.Вольскага), Абабурка («Пагібель воўка» Эдуарда Самуйлёнка), Мікола Барановіч («Каля тэрасы» М.Грамыкі), Пётр, поп Паўлін («Мяшчане», «Ягор Булычоў і іншыя» М.Горкага), Косця («Дзеці Ванюшына» С.Найдзёнава), Астап («Астап» А.Глобы), Павел Паўлавіч («Рэйкі гудуць» У.Кіршона), фон Штубэ («Разлом» Б.Лаўранёва), Сысоеў («Першая конная» У.Вішнеўскага).

Літаратура

• Скальскі Сцяпан Уладзіміравіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 433. — 10 000 экз. — ISBN 985-11-0035-8. — ISBN 985-11-0238-5 (т. 14).
• Тэатральная Беларусь : энцыклапедыя : [у 2 т.]. — Мінск, 2003. — Т. 2. — С.349.