Сярго Закарыядзэ

Сярго Закарыядзэ
груз. სერგო ზაქარიაძე
Род дзейнасці	акцёр, палітык, кінаакцёр, тэатральны педагог
Дата нараджэння	18 чэрвеня 1909(1909-06-18) ці 1 ліпеня 1909(1909-07-01)
Месца нараджэння	Баку, Бакінскі павет[d], Бакінская губерня, Расійская імперыя
Дата смерці	12 ліпеня 1971(1971-07-12) (62 гады) ці 13 красавіка 1971(1971-04-13) (61 год)
Месца смерці	Тбілісі, Грузінская ССР, СССР
Месца пахавання	Мтацмінда[d]
Грамадзянства	Расійская імперыя  СССР  Грузінская ССР
Альма-матар	Faculty of Philology, Tbilisi University[d]
Узнагароды і прэміі	народны артыст Грузінскай ССР[d]
Медыяфайлы на Вікісховішчы

Сярго Закарыядзэ (1909, Баку — 12 красавіка 1971, Тбілісі) — грузінскі акцёр тэатра і кіно, майстар мастацкага слова (чытальнік), педагог. Народны артыст СССР (1958). Лаўрэат Ленінскай прэміі (1966), дзвюх Сталінскіх прэмій (1946, 1952), прэміі Ленінскага камсамола (1965) і Дзяржаўнай прэміі Грузінскай ССР імя Ш. Руставелі (1971).

Вучыўся на філалагічным факультэце Тбіліскага ўніверсітэта. У 1926 годзе паступіў у Тыфліскі драматычны тэатр імя Ш. Руставелі як супрацоўнік дапаможнага складу.

У 1928—1956 гадах — акцёр 2-га Дзяржаўнага драматычнага тэатра ў Кутаісі (цяпер Тбіліскі акадэмічны тэатр імя К. Марджанішвілі), арганізаванага К. Марджанішвілі. У 1930 годзе тэатр быў пераведзены ў Тыфліс. Вучань К. А. Марджанішвілі і А. В. Ахметэлі.

У 1956 годзе вярнуўся ў Тбіліскі драматычны тэатр імя Ш. Руставелі. Шмат выступаў на эстрадзе. У яго рэпертуары было чытанне твораў грузінскіх празаікаў і паэтаў. У 1955—1960 гадах вёў педагагічную працу па сцэнічнай мове ў Тбіліскім тэатральным інстытуце.

Яго творчасць адзначана зацятасцю ў ажыццяўленні задум, глыбокім інтэлектам, смеласцю. Па-майстэрску знаходзіў выразныя рысы характару сваіх сцэнічных герояў. Удаваліся яму і драматычныя, і характэрныя, і камедыйныя ролі. Дэпутат Вярхоўнага Савета СССР 7-8 скліканняў з 1966 года.

Фільмаграфія

• (1964) «Бацька салдата» — Георгій Махарашвілі

Літаратура

• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).