Трафім Мельнічэнка
| Трафім Мельнічэнка | ||
| Пэрсанальная інфармацыя | ||
|---|---|---|
| Нарадзіўся | 18 верасьня 2006[1] (18 гадоў) | |
| Рост | 184 см[1] | |
| Вага | 74 кг[1] | |
| Пазыцыя | паўабаронца | |
| Клюбная інфармацыя | ||
| Клюб | Порту Б[d] (у арэндзе з клюбу «Порту») | |
| Клюбы | ||
| Гады | Клюб | Гульні (галы)¹ |
| 2024 | Дынама Менск | 21 (2) |
| 2024 | → Дынама-2[d] | 1 (0) |
| 2025— | Порту | |
| 2025— | → Порту Б[d] | 9 (1) |
| Зборныя | ||
| 2024— | Беларусь (да 21) | 3 (0) |
| 2024— | Беларусь | 5 (2) |
|
¹ Колькасьць гульняў і галоў за прафэсійны клюб лічыцца толькі | ||
Трафі́м Мельнічэ́нка (нар. 18 верасьня 2006 году) — беларускі футбаліст, нападнік клюбу «Порту Б».
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец прыватнай акадэміі футболу Мікалая Мурашкі. Пасьля далучыўся да акадэміі «Менску», але неўзабаве перайшоў у структуру сталічнага «Дынама»[2]. У сэзоне 2023 году пачаў абараняць колеры дынамаўцаў у дублюючым складзе каманды. Перад пачаткам сэзону 2024 году быў далучаны да асноўнай дружыны клюбу. Запачаткаваў прафэсійную кар’еру 2 сакавіка ў матчы Супэркубка Беларусі 2024 году супраць жодзінскага «Тарпэда-БелАЗ»[3]. Дэбютным голам адзначыўся ў матчы Кубка Беларусі супраць барысаўскага БАТЭ, які ладзіўся 10 сакавіка. Першы матч у Найвышэйшай лізе згуляў 16 сакавіка, зьявіўшыся ў стартавым складзе сустрэчы з «Смаргоньню».
15 студзеня 2025 году Мельнічэнка далучыўся да каманды «Порту» паводле трохгадовай працоўнай угоды, але быў адпраўлены ў другую каманду клюбу дзеля здабыцьця гульнёвай практыкі[4]. Сума адступных за футбаліста склала 20 мільёнаў эўра[5]. Першае галявое дзеяньне зрабіў у матчы супраць «Тандэлы», аддаўшы галявую перадачу.
Міжнародная
[рэдагаваць | рэдагаваць крыніцу]У лютым 2022 году ў складзе зборнай Беларусі (да 16 гадоў) браў удзел у Кубку Разьвіцьця. У кастрычніку таго ж году атрымаў выклік у зборную Беларусі (да 17 гадоў), у складзе якой дэбютаваў у матчы адборачнага турніру да чэмпіянату Эўропы супраць зборнай Нарвэгіі. Ужо празь месяц абараняў колеры зборнай Беларусі (да 18 гадоў) у таварыскім матчы супраць зборнай Расеі. У лістападзе 2023 году дэбютаваў у складзе зборнай Беларусі (да 19 гадоў) у матчы супраць зборнай Грэцыі.
5 верасьня 2024 году запачаткаваў кар’еру ў складзе нацыянальнай зборнай Беларусі, зьявіўшыся на 83-й хвіліне матчу Лігі нацыяў супраць зборнай Баўгарыі. Такім чынам, нападнік стаў наймаладзейшым дэбютантам зборнай, перакрэсьліўшы папярэдні рэкорд Леаніда Ковеля[6].
Крыніцы
[рэдагаваць | рэдагаваць крыніцу]- ^ а б в г д е ё ж з https://dinamo-minsk.by/osnovnoj-sostav/2024/trofim-melnichenko
- ^ Один начинал во дворе, второй дважды рвал кресты, третий мечтал сыграть против «Динамо». Что за молодежь зажигала в «класико» (рас.) Bel.Football.
- ^ «Торпедо-БелАЗ» — обладатель Суперкубка Беларуси (рас.) Football.by.
- ^ «Trofim Melnichenko reforça o FC Porto B». FC Porto.
- ^ 20 миллионов евро — сумма отступных за Трофима Мельниченко (рас.). Прессбол (2025-03-01). Праверана 2025-03-02 г.
- ^ Трофим Мельниченко — самый молодой дебютант в истории сборной Беларуси (рас.). Прессбол (2024-09-06). Праверана 2025-03-02 г.
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо»(недаступная спасылка) (рас.)
- Профіль (анг.) на Transfermarkt
- Профіль (анг.) на Soccerway