Троіцкая лінія

Троіцкая лінія
Маскоўскі метрапалітэн
Адкрыццё першага ўчастку:	2024
Даўжыня, км:	15,5
Колькасць станцый:	7
Максімальная колькасць вагонаў у складзе цягніка:	8
Колькасць вагонаў у саставе цягніка:	8
Электрадэпо:	«Сталбова»

Троіцкая лінія (руск.: Троицкая линия) (у перспектыве — Троіцка-Някрасаўская) — шаснаццатая па афіцыйнай нумарацыі і пятнаццатая па парадкавым вылічэнні лінія Маскоўскага метрапалітэна. Бярэ пачатак ад Маскоўскага цэнтральнага кальца і ідзе ў Новамаскоўскую адміністрацыйную акругу (Новую Маскву) да пасёлка Камунарка, і далей у 2029 годзе будзе працягнута да Троіцка. Пасля адкрыцця ўсіх участкаў стане адным з самых доўгіх радыусаў Маскоўскага метрапалітэна пасля Калінінска-Сонцаўскай лініі (у выпадку рэалізацыі праекта аб’яднання Калінінскай лініі з Сонцаўскай) і самай працяглай лініяй, размешчанай за МКАД, — агульная даўжыня складзе 43 км.

Першы пускавы ўчастак «Наватарская» — «Цютчаўская» працягласцю 8,8 км з 4 станцыямі адкрыты 7 верасня 2024 года. Другі пускавы ўчастак «Карнілаўская» — «Новамаскоўская» працягласцю 6,7 км з 3 станцыямі адкрыты 28 снежня 2024 года. Трэці пускавы ўчастак «ЗІЛ» — «Наватарская» працягласцю 9,7 км з 4 станцыямі плануецца адкрыць у 2025 годзе. Даўжыня чацвёртага пускавога ўчастка да Троіцка з 6 станцыямі складзе яшчэ 15,2 км, ён будзе адкрыты ў 2029 годзе.

Да 2021 года мела назву — Камунарская лінія.

Праект

Агульная працягласць лініі пасля адкрыцця ўсіх запланаваных 17 станцый будзе складаць 43,4 км.