Уладзімір Сяргеевіч Сярогін

Уладзімір Сяргеевіч Сярогін
Род дзейнасці	лётчык, ваенны
Дата нараджэння	7 ліпеня 1922(1922-07-07)
Месца нараджэння	Масква, Маскоўская губерня, РСФСР
Дата смерці	27 сакавіка 1968(1968-03-27) (45 гадоў)
Месца смерці	Кіржацкі раён[d], Уладзімірская вобласць, РСФСР, СССР
Месца пахавання	Некропаль каля Крамлёўскай сцяны
Грамадзянства	СССР
Альма-матар	Tambov Military Aviation School of Pilots[d] (1943)
Партыя	КПСС
Прыналежнасць	СССР
Бітвы/войны	Другая сусветная вайна Вялікая Айчынная вайна
Узнагароды і прэміі
Медыяфайлы на Вікісховішчы

Уладзімір Сяргеевіч Сярогін (руск.: Влади́мир Серге́евич Серёгин; 7 ліпеня 1922, Масква — 27 сакавіка 1968, Кіржацкі раён, Уладзімірская вобласць, РСФСР) — ваенны лётчык-выпрабавальнік 1 класа, інжынер-палкоўнік, Герой Савецкага Саюза. Загінуў у авіякатастрофе разам з Ю. А. Гагарыным.

Біяграфія

Пасля заканчэння сярэдняй школы ў 1940 годзе добраахвотнікам пайшоў служыць у Чырвоную Армію. У 1943 годзе скончыў Тамбоўскую ваенную авіяцыйную школу пілотаў і быў адпраўлены на фронт.

Удзельнік Вялікай Айчыннай вайны, лётчык штурмавой авіяцыі, ваяваў у складзе войскаў 17 паветранай арміі, лётаў на нізкавышынным Іл-2. Выконваў баявыя заданні пры вызваленні Аўстрыі, Балгарыі, Венгрыі, Румыніі, Югаславіі. Здзейсніў 140 вылетаў баявога значэння са штурмам варожых войскаў, 50 выведвальных вылетаў з фатаграфаваннем аб’ектаў суперніка. Правёў 19 паветраных баёў. За ўзорнае выкананне баявых заданняў 19 чэрвеня 1945 года ўдастоены звання Героя Савецкага Саюза.

Член ВКП(б)/КПСС з 1945 года. Пасля заканчэння вайны Уладзімір Сярогін застаўся служыць у ВПС СССР.

У 1953 годзе скончыў інжынерны факультэт Ваенна-паветранай акадэміі імя М. Я. Жукоўскага. З 1953 года працаваў у выпрабавальнай авіяцыі, асвойваў МіГ-15 і МіГ-17. У 1964 годзе прысвоена кваліфікацыя лётчыка-выпрабавальніка 1 класа.

З сакавіка 1967 года быў камандзірам палка пры Цэнтры падрыхтоўкі касманаўтаў ВПС, які займаўся лётнай трэніроўкай касманаўтаў.