Черниче

Черниче
Черниче;
	Плоштадот на селото
	Черниче
	Местоположба во областа Черниче Местоположба на Черниче во Општина Симитли и Благоевградската област
	Координати: 41°51′N 23°08′E / 41.850°N 23.133°E
Земја	Бугарија
Област	Благоевградска
Општина	Симитли
Надм. вис.	274 м
Население (2024)
• Вкупно	1.001
Час. појас	EET (UTC+2)
• Лето (ЛСВ)	EEST (UTC+3)
Пошт. бр.	2741

Черниче — село во Горноџумајско, Пиринска Македонија, денес во општината Симитли на Благоевградската област, Бугарија. Населението брои 1.001 жител (2024).

Географија и местоположба

Убавото мало село Черниче е опколено од планини. Се наоѓа во котлината на реката Струма. Веднаш до селото се наоѓа планината Пирин. Други села,што се во близина на селото се Крупник, Полето , Полена и гр.Симитли.

Историја

Во близина на селото, во атарот на Костово Орниште, во 1978-1979 и во 1982 година биле вршени ископувања на некропола од 9-11 век, изградена со антички тули. Биле откриени 31 гроб, а се верува дека друг дел бил уништен пред ископувањето.

Селото е формирано во 1955 година од населено место Черниче, одвоено од селото Крупник.^[1]

Стопанство

Селото Черниче има релативно добро развиена економија. Тоа е дом центар за рециклирање на старо железо - Е.Т. „Инвито - Христо Миленков“. Во селото има самопослуги, мини-маркети, кафулиња и други продавници.

Демографија

На табелата е прикажан бројот на населението во Черниче за периодот 1956-2011:

година	1956	1965	1975	1985	1992	2001	2011
население	760	940	1012	1169	1228	1156	1083

Етнички состав

Број и удел на етничките групи според пописот од 2011 година:

националност	број	%
Бугари	995	94,76
Роми	46	4,38
Турци	-	-
други	-	-
не се самоопределиле	-	-
не одговориле	9	0,86
Вкупно	1050	100

Во селото и околината живеат голем број Македонци, кои од страна на бугарската држава не се признаваат како посебна етничка заедница и голем дел од нив се запишуваат како Бугари.^[2]

Општествени установи

Во селото има црква „Св Георги“, градинка и училиште „Св. Кирил и Методиј“.

Редовни настани

Секоја година на христијанскиот празник Духовден се организира средба во селото. На храмовиот празник „Св. Георги“, се организира гозба и фестивал.

Секоја година на 1 јануари селото го изведува ритуалот „Сурва“. Луѓе маскирани во кукери и секакви ликови го обиколуваат целото село за да ги избркаат злите духови и да посакаат мирна и плодна година. На овој ден не се пропушта ниту една куќа, бидејќи жителите и гостите на селото стануваат едно. Прославата продолжува на селскиот плоштад со музика до доцните вечерни часови.

Галерија

Поглед на селото Черниче
Црквата „Св. Георги Победоносец“
Детска градинка во селото
Парк во селото

Наводи

↑ Мичев, Николай, Петър Коледаров. „Речник на селищата и селищните имена в България 1878 – 1987“, София, 1989, с 289.
↑ Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.

[1] Мичев, Николай, Петър Коледаров. „Речник на селищата и селищните имена в България 1878 – 1987“, София, 1989, с 289.

[БИМ2-2] Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.

[1]

[2]