Перайсці да зместу

Юрый Васільевіч Шатуноў

З Вікіпедыі, свабоднай энцыклапедыі
У Вікіпедыі ёсць артыкулы пра іншых людзей з прозвішчам Шатуноў.
Юрый Васільевіч Шатуноў
руск.: Юрий Васильевич Шатунов
Юрый Шатуноў.
Юрый Шатуноў.
Асноўная інфармацыя
Дата нараджэння 6 верасня 1973(1973-09-06)
Месца нараджэння
Дата смерці 23 чэрвеня 2022(2022-06-23)[1] (48 гадоў)
Месца смерці
Месца пахавання
Краіна
Месца працы
Музычная дзейнасць
Прафесіі спявак, аўтар песень, паэт-песеннік, гукарэжысёр, кампазітар
Гады актыўнасці 1986 — 2022
Пеўчы голас контратэнар[d]
Інструменты вакал, акардэон, гітара, сінтэзатар, гармонік[d], піяніна[d] і ударная ўстаноўка
Жанры дыска[d], поп-музыка, шансон і электронная музыка
Псеўданімы Шатун[3]
Грамадская дзейнасць
Член у
Узнагароды
Аўтограф Аўтограф
Лагатып Вікісховішча Медыяфайлы на Вікісховішчы
shatunov.com (руск.)​ (англ.)

Юрый Васільевіч Шатуноў (руск.: Юрий Васильевич Шатунов; 6 верасня 1973(1973-09-06), Кумяртаў, Башкірская Аўтаномная Савецкая Сацыялістычная Рэспубліка — 23 чэрвеня 2022(2022-06-23)[1], Дамадзедава, Маскоўская вобласць[2]) — савецкі і расійскі спявак, саліст групы «Ласкавы май» (1986—1991).

Біяграфія

[правіць | правіць зыходнік]

Нарадзіўся 6 верасня 1973 года ў сям’і Васіля Дзмітрыевіча Кліменкі (н. 1950) і Веры Гаўрылаўны Шатуновай (27.01.1955 — 7.11.1984) у горадзе Кумяртаў Башкірскай АССР[4].

Бацька і маці ажаніліся ва ўзросце 23 і 18 гадоў адпаведна. Стаўленне бацькі да сына было прахалодным, таму Юрый атрымаў прозвішча маці, а ранняе дзяцінства (да чатырох гадоў) правёў у бабулі з дзядулем па мацярынскай лініі — Кацярыны Іванаўны Шатуновай (05.12.1924 — 26.11.2002) і Гаўрылы Ягоравіча Шатунова (04.06.1923 — 20.01.1976) у паселку Пяткі (прыгарад Кумяртаў)[4]. Калі хлопчыку было тры гады, бацькі развяліся, а ў 1977 годзе ен разам з маці пераехаў у веску Савельеўка. Праз некаторы час маці выйшла замуж другі раз. Аднак айчым меў праблемы з алкаголем, і Юрый нярэдка збягаў з хаты да сваякоў, часцей за ўсе да дзядулі з бабуляй.

У 1980 годзе Шатуноў пачаў вучыцца ў школе ў весцы Старая Атрада (Куюргазінскі раён), але з верасня 1984 года (Юрыю у гэты час споўнілася 11 гадоў) маці ў сувязі з абвастрэннем хваробай перавяла сына ў школу-інтэрнат № 2 горада Кумяртаў, а праз два месяцы, 7 лістапада 1984 года, Вера Шатунова памерла ад сардэчнай недастатковасці. Бацька не выяўляў цікавасці да сына і Юрый быў узяты на выхаванне цеткай Нінай Гаўрылаўны з паселка Цюльган. Аднак і там Юрый пачаў ўцякаць з хаты і ў перыяд з лістапада 1984 года па кастрычнік 1985 года бадзяжыў па Башкірыі і Арэнбургскай вобласці[4].

У лістападзе 1985 года ў Арэнбургу адбылася камісія, дзе вырашаўся далейшы лес Шатунова. Там Юрыя ўбачыла дырэктар дзіцячага дома паселка Акбулак Валянціна Мікалаеўна Тазякенава. Адчуўшы спачуванне да лёсу падлетка, яна аказала ўплыў на рашэнне камісіі і аформіла яго ў кіраваны ёю дзіцячы дом. У кастрычніку 1986 года Тазекенаву прызначылі дырэктарам школы-інтэрната № 2 горада Арэнбурга і Юрый рушыў услед за ей. У арэнбургскім інтэрнаце ен пазнаеміўся з кіраўніком гуртка мастацкай самадзейнасці Сяргеем Барысавічам Кузняцовым, і пачынаецца гісторыя групы «Ласкавы май».

Памёр 23 чэрвеня 2022 года ў Маскве[5].

Сям’я і асабістае жыцце

[правіць | правіць зыходнік]
  • Жонка — Святлана Георгіеўна Шатунова, юрыст па прафесіі. Пазнаёміліся ў снежні 2000 года, 12 студзеня 2007 года ў Германіі адбылося вяселле[6].
  • Сын — Дэніс Юр’евіч Шатуноў (нар. 5 верасня 2006 года)[7]. Ахрышчаны 8 верасня 2007 года ў храме Андрэя Першазванага ў цэнтры Сочы, хросным бацькам стаў Андрэй Разін, а хроснай маці — старэйшая сястра Святланы Шатуновой Галіна[8][9][10].
  • Дачка — Эстэла Юр’еўна Шатунова (нар. 13 сакавіка 2013. у г. Бад-Хомбург, Германія)[11].

Зноскі

  1. ↑ а б Russian singer Yuri Shatunov dies aged 48 — 2022. Праверана 18 мая 2023.
  2. ↑ а б https://www.5-tv.ru/news/391427/nesvezij-infarkt-vraci-crb-domodedovo-15-casa-borolis-zazizn-uria-satunova/
  3. ↑ Пел «Белые розы» и отзывался на кличку Шатун: учителя и журналисты вспоминают Юрия Шатунова — 2022. Праверана 18 мая 2023.
  4. ↑ а б в Биография на официальном сайте Юрия Шатунова
  5. ↑ Памёр Юрый Шатуноў(недаступная спасылка). Архівавана з першакрыніцы 23 чэрвеня 2022. Праверана 23 чэрвеня 2022.
  6. ↑ Афіцыйная біяграфія
  7. ↑ Юрый Шатуноў — Пра сям’ю
  8. ↑ Юрый Шатуноў — біяграфія, фота, відэа, творчасць Архівавана 26 лістапада 2011.
  9. ↑ Андрэй Разін стаў хросным — Выдавецкі дом Вечерний Челябинск Архівавана 7 студзеня 2012.
  10. ↑ Хросным бацькам у сына Шатунова стаў Андрэй Разін — Навіны шоў-бізнэсу
  11. ↑ Навіна - У Юрыя Шатунова нарадзілася дачка(недаступная спасылка). Архівавана з першакрыніцы 16 сакавіка 2013. Праверана 14 сакавіка 2013.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Юрый_Васільевіч_Шатуноў&oldid=4861233"