Юрый Уладзіміравіч Каласоўскі

Юрый Уладзіміравіч Каласоўскі
Дата нараджэння	20 кастрычніка 1960(1960-10-20) (64 гады)
Месца нараджэння	Унеча, Унецкі раён, Бранская вобласць, РСФСР, СССР
Род дзейнасці	археолаг
Месца працы	Інстытут гісторыі НАНБ Беларуская энцыклапедыя імя Петруся Броўкі
Альма-матар	Ніжагародскі дзяржаўны ўніверсітэт імя М. І. Лабачэўскага (1982)

Юрый Уладзіміравіч Каласо́ўскі (нар. 20 кастрычніка 1960, Унеча, Бранская вобласць, Расія) — беларускі археолаг.

Біяграфія

Нарадзіўся 20 кастрычніка 1960 года ва Унечы Бранскай вобласці (Расія). У 1982 годзе скончыў Горкаўскі ўніверсітэт. З 1984 года працаваў у Інстытуце гісторыі НАН Беларусі, з 2008 года — у выдавецтве «Беларуская Энцыклапедыя імя П. Броўкі».

Навуковая дзейнасць

Даследуе помнікі жалезнага веку і ранняга сярэднявечча Верхняга Падняпроўя: кіеўскай культуры III—V стст. тыпу Гарадка—Заазер’е ў Віцебскім Падзвінні, тыпу Абідні ў Верхнім Падняпроўі і калочынскай культуры V—VII стст. тыпу Кісялі—Вежкі ў Аршанска-Магілёўскім Падняпроўі. Удзельнік шэрагу беларускіх і расійскіх навуковых праектаў па археалогіі ранніх славян.

Даследаваў археалагічны комплекс Вежкі, гарадзішчы Германы, Ірвяніца, Панізоўе, Чырына ў Дубровенскім раёне Віцебскай вобласці, гарадзішча Кімбараўка і дзяцінец Гара Камунараў у Мазыры, археалагічныя помнікі ў Віцебску і Мінску.

Выявіў і абследаваў помнікі кіеўскай культуры ў Аршанскім Падняпроўі (разам з А. С. Курапаткіным).

Публікацыі

Аўтар шэрагу навуковых прац:

• Штрихованная керамика на северо-востоке Беларуси (по материалам городищ Оршанского Поднепровья) // Гістарычныя лёсы Верхняга Падняпроўя. — Магілёў, 1989. — Ч. 1.
• Плямёны калочынскай культуры // Гісторыя Беларусі. — Мінск, 2000. — Т. 1.
• Памятники киевской культуры в Оршанском Поднепровье (у сааўт. з А. С. Курапаткіным) // Раннеславянский мир. — Москва, 2002. — Вып. 4. — Верхнее Поднепровье и Подвинье в III—V вв. н.э.
• Раскопки городища у д. Кисели (Дымокуры) Толочинского р-на и у д. Черкасово Оршанского р-на Витебской области (у сааўт.) // Матэрыялы па археалогіі Беларусі. — 2003. — № 8.

Літаратура

• В. А. Кавальчук. Каласоўскі Юрый Уладзіміравіч // Археалогія Беларусі: энцыклапедыя. У 2 т. / [склад. Ю. У. Каласоўскі; рэдкалегія: Т. У. Бялова (гал. рэд.) і інш.]. — Мінск: Беларуская Энцыклапедыя імя П. Броўкі, 2009. — Т. 1: А―К. — 496 с. — ISBN 978-985-11-0354-2.

Спасылкі

• Юрый Уладзіміравіч Каласоўскі на сайце анлайн-энцыклапедыі «Беларусь у асобах і падзеях»