အက်ဖ်-၂၂ရက်ပ်တာ

F-22 Raptor
General information
အစွိုးအမျိုꩻ	ရေဒါထီႏကွင်ꩻအယောင်ꩻဆေ့ꩻ တွိုက်တလီꩻကွင်ႏ
ထေမာꩻသား	လော့ခ်ဟိမာတင် အေရိုနော့တစ် ဘိုးအင်း ရဲးကမ်းရေꩻစဲ့ꩻစာႏရင်ꩻ
သမဲင်ꩻ
ဖေႏသေငါꩻစလိုꩻအာနီꩻ	ဒီသိဉ်ဗာ ၁၅ ၂၀၀၅

လော့ခ်ဟိမာတင်/ဘိုးအင်း အက်ဖ်-၂၂ နီꩻလွုမ်ꩻနဝ်ꩻ လိုꩻတဖြာꩻစီႏယို ဒပ်ꩻအဲဥ်စဥ် ၂ဖြုံႏထွာ ပဉ္စမခွိုꩻသွုပ်ထိန်ꩻတီနွောင်ꩻစွန်ꩻအာႏအထိုသွတ်ꩻတွိုက်ꩻသင်္ဘောꩻကွင်ႏတဲင် (supermaneuverable) အဝ်ႏ ရေဒါထာꩻထီႏကွင်ꩻဆွမ်ꩻဖေႏကလꩻယပ်ꩻခုဲင်ႏတန်တဲင် ထီဒါလဲင်းပွုံႏယောင်ꩻဆေ့ꩻအနယ်ꩻပညာႏယို ကွပ်သွုံꩻခါꩻတွမ်ႏနဝ်ꩻစားသွူ (stealth technology) ။ အဓိကနဝ်ꩻတဲ့ ထွာတလီꩻခြောင်ꩻဖေႏကဒို့ꩻလꩻတွိုက်သင်္ဘောꩻကွင်ႏထွာခန်းလဲ့ ကထိုသွတ်ꩻဒါႏဝွေꩻသီးစွန်ꩻအာႏဆောင်ႏနဝ်ꩻ တွိုက်ꩻခꩻလွေꩻဟံႏတလင်ꩻလောင်း ၊ အီလက်ထရောနစ်စဲ့ꩻခင်လွေꩻတွမ်ႏထောင်ထွားလွေꩻတာႏဝွန်ႏဖုံႏယို ထေင်းထမ်ႏနွောင်ꩻသွူ။ လော့ခ်ဟိမာတင် အေရိုနော့တစ်နဝ်ꩻထွာဒျာႏ အဓိက ကန်ထရိုက်တာတဲင် သင်္‌ေဘာꩻကွင်ႏဖရိမ် အကွို့ꩻအခဝ်အာဖုံႏ၊ ခူစွုမ် စနစ်ဖုံႏတွမ်ႏ အက်ဖ်-၂၂ ယိုမာꩻထွူဒပ်ꩻဆင်လွေꩻအတာႏ ထူႏတာႏဝွန်ႏခွုမ်စံႏလွေꩻသွူ။ အစီႏအစဲဉ်ႏယို ပါတနာကထွာဒါႏ ဘိုးအင်း လိုမ်းဗိဥ်ႏရေꩻ၊ အာႏကာႏသတွမ်ႏလိုမ်းဗိဥ်ႏရေꩻမူ အဒေ့ꩻဖုံႏ၊ နမ်းခြုံဆꩻချာ၊ အေဗီရွန်းနစ် ဖျင်ဒပ်ꩻလွေꩻ ပိုင်းလော့တွမ်ႏ ဖျင်ဆင်ထိန်ꩻတီရေꩻ ဖေႏသွဉ်တန်ဖုံႏယို ထူႏတာႏဝွန်ႏခွုမ်စံႏမာꩻလွေꩻဗာႏသွူ။

သင်္ဘောꩻကွင်ႏနဝ်ꩻ အမေႏရိကန်ႏတလီꩻခြောင်ꩻတပ်ကို တရာꩻဝင်ႏခါးလားကသွုံꩻဒွိုန်းနေင်ႏ ၂၀၀၅ ဗာႏ ခါးလားဒီဇင်ဘာလာကတွိုႏ F-22 တွမ်ႏ F/A-22 စစွဉ်ႏယိုစား ဟဲ့ꩻစွယ်ꩻရောင်နဝ်ꩻစားတဲင် တယ်ႏကသွုံꩻစအခိန်ႏနဝ်ꩻမꩻ ဟဲ့ꩻရောင်လွေꩻယင်း F-22A သွူ။ ကတယ်ႏဆို့ꩻလွေꩻအခိန်ႏတဲ့ညတန်ငါႏတဲင် ကသွုံꩻလို့ဒါႏစရိပ်ဖုံႏနဝ်ꩻ အာငါႏရိုꩻကီလဲ့အမေႏရိကန်ႏတလီꩻခြောင်ꩻတပ်အနေႏနဝ်ꩻ F-22 ယိုနဝ်ꩻထွာဒျာႏအဓိကအနာႏဂါတ်တလီꩻခြောင်တပ်ကရိုꩻ မုဲင်တောင်ꩻခါꩻရောင်သွူ။ သင်္ဘောꩻကွင်ႏနဝ်ꩻ ဝွေꩻသီးကသေခါꩻကားကအဝ်ႏ တားလဲ့ ကတယ်ႏဆို့ꩻတွင်ꩻခိန်ႏခါႏ သင်္ဘောꩻကွင်ႏအဆွိုင်ꩻမုဲင်ꩻတရိုꩻတဝ်း တခေးပြဲင်ႏနွောင်ꩻတဝ်းဝွေꩻသီးကရိုꩻနဝ်ꩻ အမေႏရိကန်ႏသီးကေႏငြာႏခါꩻသွူ။ လော့ခ်ဟိမာတင်နဝ်ꩻ ရက်ပ်တာသီး အဝ်ႏထီဒါထာꩻထီႏကွင်ႏယို ဆွမ်ꩻအီတာႏကယပ်ငါႏထီဒါလဲင်ꩻပွုံႏယောင်ꩻဆေ့ꩻအနယ်ꩻပညာႏဖုံႏ၊ အလွဉ်ꩻ၊ထိန်ꩻတီယိုꩻယိုꩻဖေႏကတွိုႏသꩻ၊ တိဥ်ႏခြꩻမုတွမ်ႏ အသောင်အရင်ꩻအခေႏနေႏအလွောက်ꩻ ပြောင်ꩻလုဲင်ႏနွောင်ꩻမုဖုံႏယို တွိုက်ꩻခꩻနွောင်ꩻစွန်ꩻတလီꩻခြောင်ꩻတွမ်ႏဟံႏတလင်ꩻလောင်းယို စုခြွဉ်းဗူႏလို့ဝင်ꩻနဝ်ꩻတဲ့ ဝွေꩻသီးရိုꩻကမ္ဘာႏလောင်းယို အယံသွတ်ꩻတွိုက်ꩻခꩻသင်္ဘောꩻကွင်ႏနဝ်ꩻသွူ။ ဩစတြေးလျ လိုမ်းဗိဥ်ႏရေꩻအွဉ်ႏငါသားအတန်ကယ်ႏ အန်းဂတ် ဟူစတန်နဝ်ꩻ ၂၀၀၄ ဗာႏ "F-22 ယို ဗꩻတွိုႏယိုခါကမာꩻထွူဒါႏတွိုက်ꩻသင်္ဘောꩻကွင်ႏယို အယံသွတ်ꩻအရိုꩻနဝ်ꩻစားသွူ။ F -22 တပီတဝ်းဝင်ꩻနဝ်ꩻ တွိုက်သင်္ဘောꩻကွင်ႏသီးတအဝ်ႏလꩻတဝ်းဒွိုန်းအငဝ်းဖုံႏ၊ အမွိုင်လွိုဝင်ꩻဖုံႏစစွဥ်ႏ ကွင်ႏမွိုင်ကယ်ꩻနွောင်ꩻစွဉ်ႏအငဝ်းဖုံႏသွူ။

အခေႏခံႏအချက်အဗာႏဖုံႏ

• တလီꩻရုဲင်းသား = (၁)ဖြာꩻ
• တလီꩻကွင်ႏအဆွာꩻ = ၁၈.၉ မီတာ
• အဒေ့ꩻအလုဲင်း = ၁၃.၅၆ မီတာ
• အထို = ၅.၀၈ မီတာ
• အဒေ့ꩻ ဧရိယာႏ = ၇၈.၀၄ စတုရန်းမီတာ
• အဲဥ်ဂျဲင် = Pratt & Whitney F119-PW-100 အင်ဂျင် (၂)ဖြုံႏ
• အထိုသွတ်ꩻကျောင်ꩻဝုဲင်းနုံꩻ = လွိုကယ်ꩻအငဝ်း (၂.၂၃) ပွန်း
• အဝ်ႏကျောင်ႏဝုဲင်းပွုံႏမဲန်ႏနုံꩻ = လွိုအငဝ်း (၁.၈၂) ပွန်း
• ကဒပ်ꩻဆင်ဒါႏစူခွုမ်
  • စက်တနတ်
    • ၂၀ မမ စက်အမြောက် (၁) ဗာႏ
  • ဝေဟင် - ဝေဟင်တွိုက်ခꩻရေꩻအတာႏ
    • AIM - 120 AMRAAM (၆) ဖြုံႏ
    • AIM - 9 Sidewinder ( ၂ ) ဖြုံႏ
  • ဝေဟင် - တွိုက်ခꩻရေꩻဟံႏတလင်ꩻလောင်းအတာႏ
    • AIM - 120 AMRAAM ( ၂ ) ဖြုံႏ
    • AIM - 9 Sidewinder ( ၂ ) ဖြုံႏတွမ်ႏ
    • ပေါင် (၄၀၀) ဗုံး (၂) ဖြုံႏ (တားလဲ့ )
    • ပေါင် (၂၅၀) ဗုံး (၈) ဖြုံႏသွူ။