跳去內容

霍格華茲教職員

出自維基百科，自由嘅百科全書

霍格華茲教職員（英文：Hogwarts staff）列出咗J·K·羅琳嘅小說同電影系列《哈利波特》入面，霍格華茲魔法與巫術學院嘅教職員，包括咗教授、校內教職員同埋校工。

職位簡介

[編輯]
職位 人數 簡介 任命者
校長Headmaster／Headmistress 1 綜合去處理霍格華茲嘅事，仲領導全校師生。校長有最極大嘅權力，喺必要嗰陣時保護學校，仲可以決定教授嘅任免。霍格華茲嘅校長室裡面亦都有魔法，唔係合法校長嘅人冇辦法用嗰度嚟做辦公室。桃樂絲·恩不里居就係例子，雖然佢曾經係霍格華茲嘅代理校長，但因為佢係畀魔法部任命，而唔係由霍格華茲理事會指派，所以佢並唔係正式嘅校長，佢亦因為咁而冇得去用校長室，佢嘅臨時校長室係黑魔法防禦術教授辦公室。 霍格華茲學校理事會決議
副校長Deputy headmaster／Deputy Headmistress 1 副校長係校長嘅助手，平時用教授嘅身份嚟教學生，喺特殊情況（例如校長唔喺度）嗰陣擔任代理校長或者繼任，直到學校理事會任命到新校長。 校長
學院導師Dean(s) 4 學院導師屬於教授職位嘅延伸範疇，而４大學院各有１個學院導師。學院導師要對自己嘅學院全權負責，負責自己學院嘅學生喺學校裡面嘅生活、功課作業嘅情況，仲有升學就業嘅輔導，仲要帶領自己學院嘅學生同其他學院一齊合作。 校長
教授Professor(s) 12
（包括學院導師） 		一班教授都係普通老師，佢哋將自己嘅專業學科嚟教學生，有權獎勵或者懲罰學生。呢啲教授都係強大嘅巫師同女巫[註 1]。可以講嘅係，霍格華茲嘅一班教職員都係精英巫師同女巫，而大部分教授亦都喺霍格華茲大戰入面倖存咗落嚟。 校長
護士長Matron(s) 1 負責照顧傷病嘅師生。 校長
管理員Administrator 1 學校嘅職員，唔會參與嘅教學事務，喺霍格華茲城堡負責做校工嘅嘢、打掃同埋捉啲犯規學生。 校長
理事Governor(s) 12 負責組成霍格華茲嘅學校理事會，做啲有關任免校內行政人員嘅事。
獵場看守人Gamekeeper 1 阿不思·鄧不利多喺魯霸·海格畀霍格華茲踢出校之後，為咗令佢可以繼續留喺學校而說服時任校長阿曼多·狄劈特別為佢開設嘅職位。呢個職位冇實際嘅職權，平時淨係負責看守住禁忌森林，確保唔畀學生入去。 校長
總督察Chief Inspector 1
（特殊職位） 		由英國魔法部喺霍格華茲設立嘅職位，桃樂絲·恩不里居入駐嗰陣可以修改校規[註 2]、依法監察學校嘅內政，仲可以喺校長冇辦法搵到適合嘅人選嗰陣代替校長決定教授嘅人選。呢個職位後嚟被廢除咗。 英國魔法部

教職員及職位

[編輯]

以下係《哈利波特》系列裡面出名嘅教職員。

姓名 在任期間 任教科目／職位 簡介
阿不思·鄧不利多Albus Dumbledore 1955-1995年
1996年6月-1997年6月 		變形學（之前兼任黑魔法防禦術）
副校長→校長 		鄧不利多喺1955年接任做霍格華茲校長之前曾經教過變形學，佢同時做埋黑魔法防禦術教授，亦都係葛萊分多學院嘅前學院導師，後嚟因為做校長而退任。鄧不利多亦都係鳳凰會嘅創立人，佢喺創立鳳凰會之前嘅幾廿年之前就已經係霍格華茲嘅校長（哈利·波特出世之前幾十年）。鄧不利多教授接任做校長之前係個教授，當時亦都係葛萊分多嘅學院導師同埋副校長。鄧不利多被授予咗好多銜頭，入面大部分都畀魔法部部長康尼留斯·夫子話鄧不利多密謀接管魔法部而撤佢職。鄧不利多因為做咗校長而唔教書，不過佢喺1996年嗰陣時曾經親自去教哈利·波特，仲帶佢去睇吓佛地魔嘅過去，同埋引導佢去搵兼摧毀分靈體，為對方喺霍格華茲大戰毀滅佛地魔建立咗基礎。鄧不利多最後喺哈利·波特６年級嗰陣時過身。
阿拉特·穆敵Alastor Moody
（瘋眼穆敵"Mad-Eye" Moody） 		1960年-
1998年5月2號 		黑魔法防禦術 穆敵喺《哈利波特：火盃的考驗》入面被任命做黑魔法防禦術教授（哈利·波特４年級嗰陣時），不過佢唔會真正咁教書。穆敵係個前正氣師，佢個花名係因為佢喺做嘢嗰陣冇咗隻眼而裝咗隻魔法義眼而嚟。喺嗰輯小說嘅尾聲，真正嘅穆敵畀小巴堤·柯羅奇用變身水嚟冒充，佢計劃活捉哈利·波特畀佛地魔嚟幫佢主人重生。真正嘅穆敵後嚟喺嗰個系列入面重新出現做個活躍嘅鳳凰會成員，佢喺《哈利波特：死神的聖物》裡面嘅「７個波特」行動入面唔好彩咁畀佛地魔殺死咗。
艾米克·卡羅Amycus Carrow

艾朵·卡羅Alecto Carrow 		1997-1998年 黑魔法防禦術／副校長

麻瓜研究／副校長 		卡羅兄妹係孖生嘅食死人兄妹，佢哋兩個喺《哈利波特：死神的聖物》入面畀人任命做副校長，而上司係做咗霍格華茲校長嘅石內卜，佢哋負責保持恐懼嘅管治同埋懲處嘅事，嚟去繼續維持食死人對霍格華茲嘅控制。
艾米克·卡羅負責教黑魔法防禦術，不過因為嗰科已經改名做黑魔法，所以佢所教嘅都已經唔涉及到防禦術，搞到佢成日將啲不赦咒去教學生[1]，艾米克·卡羅仲公開鼓勵學生喺畀自己懲罰嘅同學身上嚟練習；

艾朵·卡羅係接替波八吉去做麻瓜研究嘅教授，呢科係而家嘅必修科；不過，佢教嘅係意識形態，並唔係鼓勵學生去理解麻瓜，仲話麻瓜唔會好得過動物。喺《死神的聖物》入面，艾朵·卡羅喺雷文克勞交誼廳裡面畀露娜·羅古德打暈咗。哈利·波特喺艾米克·卡羅向住麥教授塊面度𦧲loe1口水嗰陣對佢施展酷刑咒，呢個搞到艾朵·卡羅Ｏ晒嘴。麥教授後嚟估計佢哋兩個會留低喺霍格華茲，於是就對佢哋兩個施展蠻橫咒仲攞走埋佢哋兩兄妹支魔杖，仲將艾米克同佢冇咗意識嘅細妹綁埋喺一齊。

阿各·飛鼠Argus Filch 1973年至而家 管理員 飛鼠喺成個系列入面係霍格華茲裡面嘅爆竹管理員，佢有隻叫做拿樂絲太太Mrs. Norris嘅貓。飛鼠對學校裡面嘅所有學生都有強烈嘅恨意，仲為自己冇魔法天份而覺得好痛苦。哈利·波特喺《哈利波特：消失的密室》裡面，佢喺飛鼠嘅辦公室裡面無意中發現佢辦公枱嘅櫃桶裡面擺咗本速成咒術課程嘅書。飛鼠最大嘅夢想係可以用鐵鍊將學生吊喺天花板上面嚟鞭打，亦即係得到校長親自簽嘅《鞭打許可》。不過鄧不利多喺度嗰陣始終唔畀飛鼠體罰學生，佢淨係喺桃樂絲·恩不里居做代理校長嗰陣短暫批准佢咁做。不過隨住恩不里居被趕出霍格華茲，呢個許可亦都跟住失效。
奧羅拉·辛尼區Aurora Sinistra 唔清楚 天文學 辛尼區係成個系列入面嘅天文學教授。辛尼區喺《哈利波特：消失的密室》入面幫孚立維教授將啲石化咗嘅學生賈斯汀·方列里送去霍格華茲嘅醫院側翼；佢喺成個系列入面淨係偶爾被提到。
芭斯謝達·巴布林Bathsheda Babbling 唔清楚 古代神秘文字研究 巴布林教授係妙麗·格蘭傑選修古代神秘文字研究呢個課程嘅教授，不過哈利·波特同榮恩·衛斯理就冇揀呢科嚟讀。巴布林教授並冇出現喺呢個系列嘅電影入面。
慈恩·波八吉Charity Burbage 唔清楚 麻瓜研究 哈利·波特喺７年級之前嘅麻瓜研究教授；佢喺《哈利波特：死神的聖物》之前都冇出現過（哈利同榮恩冇選修呢科）。由於波八吉教授係教關於麻瓜嘅科目，所以佢對麻瓜有種幾好嘅印象，甚至喺《預言家日報》度撰文嚟讚佢哋，呢個同食死人嘅哲學認為純血巫師擁有至高無上嘅地位有衝突。
波八吉喺第７集入面畀佛地魔韞wan3住咗；波八吉喺死之前畀佛地魔折磨仲用索命咒殺死，跟住就畀娜吉妮食咗落肚。波八吉嘅角色喺電影《哈利波特：死神的聖物1》裡面短暫咁出現，由卡羅琳·皮寇斯（英文：Carolyn Pickles）去做。
卡斯伯特·丙斯Cuthbert Binns 唔清楚 魔法史 丙斯教授係成個系列入面嘅魔法史教授。丙斯教授係霍格華茲裡面唯一嘅幽靈教授，據講佢有日喺教授休息室嘅凳上面瞌hap1咗一陣，喺睡夢之中因為火燭而過身；佢後嚟只係就咁起身去教佢下一堂嗰陣，佢嘅靈魂咁就「離開咗身體」。佢嘅堂被形容做出晒名咁齋同無聊，仲據講佢嘅堂上面最令人興奮嘅係佢「喺黑板度入課室」。作為幽靈，丙斯教授似乎意識唔到自己由生存到死亡嘅變化。

喺第２輯小說度，佢畀啲學生問到就講吓消失的密室嘅傳說，不過喺電影版被問到嘅人係麥教授，因為丙斯並冇喺任何電影裡面出現。丙斯教授成日都心不在焉咁搞錯晒啲學生嘅名，如果見到課堂上坐滿晒學生嘅話會令佢覺得好驚訝。

桃樂絲·恩不里居Dolores Umbridge 1995年-
1996年6月 		黑魔法防禦術
總督察
代理校長 		恩不里居喺《哈利波特：鳳凰會的密令》入面成為咗５年級嘅黑魔法防禦術教授。佢畀魔法部任命去處理嗰年暑假延續落嚟關於佛地魔返生仲返咗嚟嘅傳聞。恩不里居喺魔法部夾硬去介入霍格華茲嗰陣做咗年幾嘅代理校長，成為嗰度嘅首席同埋唯一嘅最高調查員。佢企圖去霸住霍格華茲嘅控制權仲企圖去取代鄧不利多。恩不里居喺在位嗰陣利用魔法部畀佢嘅額外職權去組成霍格華茲督察小組，仲夾硬去審查啲教授講書嘅專業程度，又喺未經校長同意之下私自咁炒咗佢認為「唔合格」嘅教授（佢甚至趕鄧不利多教授出學校），亦都做咗好多無視霍格華茲校規嘅行為，引嚟啲教授嘅不滿。最後，魔法部部長康尼留斯·夫子喺神秘部門親眼見證住佛地魔復活返嚟之後，命令佢離開霍格華茲。
菲力·孚立維Filius Flitwick 1970年代到而家 符咒學 孚立維係成個系列入面嘅符咒學教授，同埋雷文克勞學院嘅負責人。佢亦都喺《哈利波特：阿茲卡班的逃犯》同埋《哈利波特：鳳凰會的密令》裡面係學校合唱團嘅指揮。
翡冷翠Firenze 1997-1998年 占卜學 翡冷翠係隻人馬，佢同佢嘅族群住喺禁忌森林裡面。喺《哈利波特：鳳凰會的密令》入面，當西碧·崔老妮畀桃樂絲·恩不里居炒咗之後，鄧不利多就請咗佢嚟代課去教占卜學課程。其他人馬發現咗呢件事之後就認為佢做咗件唔光彩嘅事而將佢趕出族群。崔老妮教授喺《哈利波特：混血王子的背叛》入面返番去教書，但由於翡冷翠同佢族群嘅狀況，鄧不利多於是畀佢哋兩個同時分擔占卜學課程嘅教務，直到翡冷翠喺霍格華茲大戰之後返番去禁忌森林。
吉德羅·洛哈Gilderoy Lockhart 1992-1993年 黑魔法防禦術 洛哈係《哈利波特：消失的密室》裡面嘅黑魔法防禦術教授（哈利·波特２年級嗰陣時）。佢嘅魅力同埋喺巫師界嘅人氣都好受啲女學生嘅崇拜，但事實上佢係個懦夫同埋騙子，佢喺其他巫師身上攞到啲故事，然後利用記憶咒嚟清除佢哋嘅記憶。佢後嚟喺通去蛇妖嘅地道裡面，企圖向哈利同榮恩施展記憶咒，但係因為榮恩嗰支斷咗嘅魔杖搞到佢畀自己所施嘅記憶咒逆火反彈打中自己，搞到佢失憶完全唔記得晒曾經發生過嘅事，佢去到而家仲留喺聖蒙果醫院裡面接受長期治療。
赫瑞司·史拉轟Horace Slughorn 1981年之前
1995年之後 		魔藥學 史拉轟係霍格華茲嘅前魔藥學教授同埋史萊哲林學院嘅前學院導師（1981年以前），佢喺《哈利波特：混血王子的背叛》開學之前嘅暑假嗰時同意喺退休入面返出嚟教書再做魔藥學教授。史拉轟喺佛地魔接管霍格華茲仲任命石內卜做校長嗰陣仍然繼續做魔藥學教授，仲重新掌管史萊哲林學院負責教授嘅職務。佢後嚟喺《哈利波特：死神的聖物》裡面同其他同事一齊堅定不移咁同佛地魔對抗。
厄瑪·平斯Irma Pince 唔清楚 圖書館管理員 平斯喺成個系列入面嘅霍格華茲圖書館管理員。佢對圖書館藏書嘅佔有慾同保護性都非常之強，就好似「食唔飽嘅禿鷲」咁，鄧不利多亦都認同呢一點，佢仲好多次對唔小心去用圖書館藏書嘅榮恩同哈利去尖叫。鄧不利多話，雖然平斯同意用特殊嘅傳真副本保存而將《穿越歷史的魁地奇》呢本書交出嚟，但呢個同佢嘅天性背道而馳，以至於佢畀一種唔尋常嘅癱瘓形式打中，搞到鄧不利多冇得唔手動咁將本書喺佢手指罅度撬返出嚟。
米奈娃·麥Minerva McGonagall 1956年-1998年 變形學
副校長→校長 		麥教授係成個系列入面嘅變形學教授，同埋葛萊分多學院嘅學院導師，佢喺佛地魔接管霍格華茲之前同時兼任副校長嘅職位。當鄧不利多喺《哈利波特：消失的密室》入面被炒嗰陣時做代理校長，因為做校長而唔去教書。當鄧不利多喺《哈利波特：混血王子的背叛》入面過身嗰時又再做代理校長。麥教授喺《哈利波特：被詛咒的孩子》入面被透露正式做咗霍格華茲嘅校長。
帕莫娜·芽菜Pomona Sprout 唔清楚 草藥學 芽菜教授喺成個系列入面都係草藥學教授，同埋赫夫帕夫嘅學院導師。佢做咗呢個職位好多年，喺霍格華茲大戰之後仍然留喺呢個崗位，直到她退休就由佢嘅學生奈威·隆巴頓接任，據講奈威·隆巴頓喺結局嘅尾段入面做咗草藥學教授。
帕琵·龐芮Poppy Pomfrey 唔清楚 護士長 龐芮夫人喺成個系列入面係負責霍格華茲醫院側翼嘅護士長，佢喺幾十年嚟都係做呢個職位。小說曾經提到佢以前曾經喺聖蒙果醫院裡面做嘢，後來轉職去到霍格華茲。佢有做嘢嚴格嘅聲譽[2]，當佢面對住桃樂絲·恩不里居同埋後嚟嘅食死人去虐待學生，龐芮夫人從來都冇諗過要辭職，唔肯喺學生最需要佢嗰陣離開佢哋。
奎里纳斯·奎若Quirinus Quirrell 唔清楚 麻瓜研究→黑魔法防禦術 奎若教授喺《哈利波特：神秘的魔法石》裡面係哈利·波特１年級嗰時嘅黑魔法防禦術教授，佢屬於雷文克勞學院。奎若後嚟投靠佛地魔陣營，企圖幫佛地魔去偷魔法石，仲搞到最後喺嗰集死埋。
雷木思·路平Remus Lupin 1980年-1998年5月2號 黑魔法防禦術 路平教授喺《哈利波特：阿茲卡班的逃犯》裡面係哈利·波特３年級嗰陣時嘅黑魔法防禦術教授，深受學生愛戴嘅佢（除咗史萊哲林嘅學生之外）做咗當時最好嘅黑魔法防禦術教授。路平教授喺嗰輯嘅尾聲嗰陣時因為石內卜透露已經知道咗佢嘅狼人身分而辭職。
路平後嚟喺《哈利波特：鳳凰會的密令》入面做咗鳳凰會嘅成員，仲同小仙女·東施喺《哈利波特：死神的聖物》入面結婚，佢哋兩個生咗個仔──泰迪·路平Teddy Lupin，哈利·波特仲做埋泰迪嘅契爺。路平兩公婆最後喺霍格華茲大戰裡面畀食死人殺死，哈利透過重生石嚟同佢同埋哈利嘅契爺—天狼星·布萊克，仲有哈利·波特嘅阿爸阿媽傾計，佢哋幾個都係路平喺霍格華茲讀書嗰陣時嘅老友。
羅蘭達·胡奇Rolanda Hooch 唔清楚 飛行學 胡奇夫人係哈利·波特１年級嘅飛行學教練，同埋成個系列入面嘅魁地奇球賽嘅裁判。胡奇夫人被形容有短而尖嘢灰白色頭髮，喺護目鏡下面埋藏住佢嗰對好似黃鷹咁銳利嘅雙眼。胡奇夫人曾經同孚立維教授一齊去測試哈利·波特嗰把火閃電掃把係咪有黑魔法嘅存在。
魯霸·海格Rubeus Hagrid 唔清楚 奇獸飼育學／
鎖匙管理員／
獵場看守員 		海格喺霍格華茲讀３年級嗰陣時被指控釋放怪物去謀殺麻瓜出身嘅後代（事實上係湯姆·瑞斗將消失的密室裡面嘅蛇妖放出嚟先至搞成咁），因為咁而畀魔法部拗斷佢支魔杖仲將佢踢出霍格華茲。海格後嚟喺鄧不利多嘅幫手之下做咗霍格華茲嘅鎖匙管理員兼獵場看守員。海格喺哈利·波特３年級嗰時接替焦壺教授做咗奇獸飼育學嘅教授。海格習慣向學生介紹一啲佢自己認為冇傷害性嘅危險生物。

哈利、榮恩同妙麗喺攞到普等巫測嘅合格證書之後，佢哋３個喺超勞巫測嘅進階課程入面都冇選修呢科。

塞蒂瑪‧薇朵Septima Vector 唔清楚 算命學 薇朵教授係成個系列入面嘅算命學教授，據講佢會畀學生大量嘅功課。薇朵教授淨係被形容到佢所教嘅算命學係妙麗·格蘭傑最鍾意嘅堂，但係哈利同榮恩並冇選修呢科。
賽佛勒斯·石內卜Severus Snape 1981年-1997年 魔藥學→黑魔法防禦術→校長 哈利·波特喺１-５年級嗰陣時嘅魔藥學教授，佢亦都係哈利喺１-６年級嗰陣時嘅史萊哲林學院導師。由於退咗休嘅史拉轟教授返嚟做返魔藥學教授，所以石內卜喺哈利６年級嗰時轉任做黑魔法防禦術教授。石內卜喺《哈利波特：死神的聖物》入面畀佛地魔操控嘅魔法執法部部長派厄思·希克尼Pius Thicknesse任命做校長，直到佢喺最終章裡面畀佛地魔殺死。
西碧·崔老妮Sybill Trelawney 1980年代到而家 占卜學 崔老妮教授係自1980年代起做占卜學教授，直至佢喺《哈利波特：鳳凰會的密令》入面畀桃樂絲·恩不里居炒魷。呢段時間由人馬翡冷翠暫時代課，崔老妮教授喺《哈利波特：混血王子的背叛》同《哈利波特：死神的聖物》入面返去教書，仲同翡冷翠一齊分擔教務。
佛地魔Voldemort
（湯姆·瑞斗Tom Riddle） 		1995-1998年
—
 佛地魔嘅勢力喺1997年霍格華茲大戰爆發前夕滲入學校。佢命令石內卜教授做校長，再安排卡羅兄妹去到學校做教授仲兼任副校長，用呢個方法嚟向啲學生灌輸黑魔法思想。佛地魔雖然從來未擔任過教職，但係控制咗霍格華茲嘅校務足足一年咁耐。
薇米·葛柏蘭Wilhelmina Grubbly-Plank 唔清楚 奇獸飼育學 葛柏蘭教授係奇獸飼育學嘅代課教授，佢第１次出現喺魯霸·海格喺《哈利波特：火盃的考驗》上唔到堂嗰陣接替佢個位，仲喺《哈利波特：鳳凰會的密令》海格去執行鳳凰會嘅任務嗰陣代替佢上堂。哈利同屆嘅大部分學生因為佢唔似魯霸·海格咁樣，葛柏蘭教授比較樂意去教啲無毒牙同埋唔係攞命利爪嘅生物。雖然哈利最初唔多信任佢嘅能力係可以同海格去比，不過佢係個稱職嘅教授：因為佢可以知道嘿美受傷嘅原因，雖然有啲難但係仲可以醫返好佢。

以前嘅教職員

[編輯]
姓名 在任期間 任教科目／職位 簡介
嘉拉堤·美思Galatea Merrythought 唔清楚 黑魔法防禦術 ５０年前嘅黑魔法防禦術教授。
西納華·焦壺Silvanus Kettleburn 唔清楚 奇獸飼育學 鄧不利多嘅前任校長──阿曼多·狄劈Armando Dippet喺度嗰陣嘅奇獸飼育學教授，佢最後喺《哈利波特：阿茲卡班的逃犯》嘅開學禮之前退休去「同佢剩返嘅幾肢（動物）共度時間」，佢嘅職位後嚟由魯霸·海格補上。
阿破·普哥Apollyon Pringle 唔清楚 亞瑟·衛斯理時代嘅鑰匙管理員。
歐哥Ogg 唔清楚 前鑰匙管理員。

未來嘅教職員

[編輯]
姓名 在任期間 任教科目／職位 簡介
奈威·隆巴頓Neville Longbottom 19年之後 草藥學 １９年後嘅藥草學教授。
哈利·波特Harry Potter 19年之後 黑魔法防禦術 哈利·波特喺１９年之後偶爾都會返到去霍格華茲，向師弟妹講授吓佢喺黑魔法防禦術嘅知識同經驗[3]。
  • 註：鄧不利多喺好多年之前由於唔肯畀佛地魔做黑魔法防禦術嘅教授開始，呢科每年都會換教授，懷疑係因為佛地魔落咗詛咒，呢個職務喺佛地魔死咗之後先至恢復返正常。

出名嘅教授同教職員

[編輯]

飛鼠先生

[編輯]

雅各·飛鼠Argus Filch係由1973年以嚟一直擔任霍格華茲嘅學校管理員[4][5]，佢頭髮啲灰白色，身型駝背，患有風濕嘅病。雖然飛鼠並唔係一個奸角，但係佢脾氣暴躁，又好鍾意去處罰啲犯咗校規嘅學生，因為咁而搞到飛鼠喺學校裡面唔受學生歡迎，有啲仲好討厭佢[4]，偶爾佢仲會引起啲教授同其他教職員覺得緊張或者忟憎。飛鼠對霍格華茲城堡裡面嘅秘密同捷徑幾乎無人夠佢熟，除咗係劫盜地圖嘅用家例如係衛斯理孖仔、榮恩·衛斯理、哈利·波特、妙麗·格蘭傑，同埋佛地魔本人之外，佢亦都係唯一喺暑假期間留喺霍格華茲嘅職員[6]。飛鼠好鍾意嚴厲咁懲罰啲學生，佢因為咁就好興高采烈去同桃樂絲·恩不里居結盟。飛鼠對泥土、動畫玩具，去到晒所有其他可能會干擾佢渴望創造出一個乾淨企理同一塵不染嘅霍格華茲佢都憎。飛鼠仲好鍾意夜晚同埋佢隻貓—拿樂絲太太Mrs. Norris喺霍格華茲嘅走廊度漫步，大概係想捉到正嗰啲半夜唔喺床上面瞓覺嘅學生。飛鼠亦都形容做對惡作劇皮皮鬼帶有持續嘅敵意，飛鼠不斷對抗住皮皮鬼嘈喧巴閉嘅惡作劇，仲成日同鄧不利多講應該將皮皮鬼趕出霍格華茲。

飛鼠佢本身係個爆竹，佢個名雅各Argus係希臘神話裡面百眼巨人（英文：Argus Panoptes）嘅名，而佢嘅姓氏飛鼠Filch喺英文動詞（英文：English_verbs）裡面係「偷」嘅意思[4]。雖然飛鼠係個爆竹，不過佢都可以用到帶魔法嘅巫師裝置，就好似佢喺《混血王子的背叛》裡面用過秘密感應器。哈利喺《哈利波特：消失的密室》偶然咁發現飛鼠正喺度用速成咒語術Kwikspell嘅初學者函授課程嚟自學魔法，榮恩‧衛斯理因為咁就推測到飛鼠憎啲學生係因為佢自己唔識用魔法[7]。

飛鼠多年嚟都想試吓恢復返例如鞭刑咁嘅體罰但係始終都唔成功。恩不里居喺《鳳凰會的密令》入面掌管霍格華茲嗰陣時，飛鼠嘅願望幾乎實現到，於是佢成為咗霍格華茲裡面唯一支持恩不里居嘅教職員，幫佢去對付整惡作劇嘅學生，甚至喺衛斯理孖仔將走廊變成沼澤之後，佢好高興咁拎住條馬鞭想執行鞭刑。當鄧不利多復職嗰陣同恩不里居畀人趕出學校嗰陣，飛鼠十分之難過，因為佢認為恩不里居係「霍格華茲有史以嚟最好嘅人」[8]。

飛鼠喺《哈利波特：死神的聖物》嘅霍格華茲大戰之前，阿各·飛鼠負責疏散霍格華茲嘅嗰啲低年級學生離開學校。

拿樂絲太太

[編輯]

拿樂絲太太Mrs. Norris係飛鼠養嘅一隻瘦到皮包骨同埋毛色黯淡冇光嘅貓。呢隻貓成日喺霍格華茲裡面跟着佢主人或者自己一個喺學校嘅走廊度巡邏，當發現犯咗校規嘅學生就會火速去通報飛鼠嚟去處理，所以搞到大多數學生同海格都唔鍾意佢[9]。飛鼠成日叫呢隻貓做「我嘅甜心」，佢對呢隻貓有強烈嘅佔有慾[9]。

拿樂絲太太喺《消失的密室》裡面透過地下嘅積水睇見史萊哲林嘅蛇妖嘅眼所以被石化咗，做咗蛇妖嘅第１個受害者，飛鼠知道咗呢個消息之後傷心到喊。芽菜教授喺幾個月之後用魔蘋果嚟幫拿樂絲太太復原[7]。皮皮鬼喺《鳳凰會的密令》入面將拿樂絲太太塞入去一副盔甲裡面，搞到嬲到爆嘅飛鼠急急腳咁趕到去將拿樂斯太太救返出嚟[8]。

拿樂絲太太嘅名嚟自珍·柯士甸嘅小說《曼斯菲特莊園（英文：Mansfield_Park）》裡面嘅同名角色[4][10]，呢本小說入面嘅拿樂絲太太係個勢利嘅寡婦[11]。羅琳曾經話，拿樂絲太太無乜特別嘅魔法能力，佢只係「一隻特別聰明又令人唔高興嘅貓」[12]。曾經有讀者問到如果拿樂絲太太同埋歪腿（妙麗嘅寵物貓）打交嘅話邊個會贏，羅琳就答話歪腿嘅獅尾貓血統會令佢可以贏到[13]。

雅各·飛鼠嘅角色喺《哈利波特系列電影》裡面係由大衛·畢利（英文：David_Bradley_(English_actor)）嚟飾演[14][15][16]，而拿樂絲太太就由分別由３隻緬因貓（英文：Maine_Coon）去做[17][18]。每隻貓都受過訓練，可以執行啲特定動作，例如跳到上演員嘅膊頭又或者瞓喺度唔郁[19]。

喺《哈利波特：火盃的考驗》電影嘅舞會場景入面可以見到阿各·飛鼠抱住拿樂絲太太做出跳舞嘅動作；阿各·飛鼠同埋恩不里居同埋督察小組嘅成員喺《哈利波特：鳳凰會的密令》裡面一齊闖入去鄧不利多的軍隊嘅聚會場地。《哈利波特：死神的聖物2》裡面，可以見到飛鼠喺霍格華茲大戰完咗之後攞住支掃把喺度清理瓦礫[20]。做呢個角色嘅大衛·畢利形容飛鼠呢個角色嘅「自大同脆弱令佢覺得好可笑，但佢從來都唔覺得自己可笑。畢利覺得可笑係因為飛鼠將自己同份工睇得太重要喇[21]:64。」電影嘅服裝部門將呢個角色打扮成「中世紀嘅扒手」同埋「狂野嘅西部人」之間加起上嚟嘅總和[22][23]。

孚立維教授

[編輯]
《哈利波特巡迴展》裡面展出嘅孚立維套裝。

菲力·孚立維Filius Flitwick係個混血妖精巫師，佢係霍格華茲嘅符咒學教授兼雷文克勞嘅學院導師[24]，小說入面嘅佢被形容做身材好細粒，就好似侏儒／矮人咁樣。小說亦都提到當年孚立維入去霍格華茲讀書嗰陣被派到雷文克勞學院，係個聰明嘅年輕巫師同模範生，佢曾經仲係學校嘅決鬥比賽嘅前冠軍。佢喺畢咗業一段時間之後返番去霍格華茲教書，成為咗符咒學大師Charm Master。

孚立維嘅生日係1958年10月17號[25][26][27]。佢喺不列顛群島某處嘅一個巫師家庭嗰度出世，佢嘅遠祖有妖精嘅血統，呢個就係佢身材細粒特徵嘅原因。由於佢嘅血統係人類同妖精混血嘅關係，呢個令到佢喺霍格華茲讀書嗰陣好容易受到啲同學嘅排擠，分類帽曾經為咗將佢分派去雷文克勞定係葛萊分多學院嘅問題猶豫咗好耐，最後都係派佢去雷文克勞學院。孚立維對符咒學有相當深嘅造詣，喺決鬥社比賽贏到冠軍，仲喺普等試同埋超勞試都攞到高分。孚立維喺霍格華茲畢業之後，佢繼續不斷咁磨練自己嘅魔法技能，佢最後成為咗精通各種咒語嘅決鬥高手。孚立維喺1970年代返番去霍格華茲擔任符咒學教授[4]。由於佢身材好細粒嘅關係，所以孚立維教授喺授課嗰時因為咁就由於佢身材矮嘅關係，佢教書嗰陣時因為咁就需要企喺一大疊書上面[4]。

作為霍格華茲嘅教授，菲力·孚立維教授一向都平和冷靜，好少有失控嘅時候，唯獨係第１次啱啱見到哈利·波特嗰陣喺疊高咗嘅一堆書上面跌咗落嚟就係佢少數唔冷靜嘅狀態。佢喺《神秘的魔法石》裡面每當聖誕節嗰陣時，佢會用自己嘅魔法技能嚟負責幫學校裡面嘅環境同埋霍格華茲交誼廳去佈置聖誕裝飾。孚立維亦都係守護魔法石嘅其中一個教授，佢透過施咒令到大約１００條鎖匙夠同時飛起嘅關卡嚟保護魔法石，用嚟令外來嘅人好難去搵到通去下一間密室嘅門匙。

孚立維教授喺哈利２年級嗰陣幫奧羅拉·辛尼區教授，將石化咗嘅學生—賈斯汀·方列里送到去學校裡面嘅醫院側翼；天狼星·布萊克喺《阿茲卡班的逃犯》裡面第２次潛入去霍格華茲之後，孚立維教前門去認出天狼星張相，如果佢試吓闖入嚟就即刻封鎖。孚立維喺《火盃的考驗》哈利４年級嗰時舉行嘅三巫鬥法大賽嘅第３項任務入面，佢幫手喺迷宮周圍嘅地方巡邏嚟防止參賽者遇到危險[28]。孚立維教授喺教學之餘仲鍾意去三根掃把旅館嘅酒吧嗰度飲返兩杯。

孚立維教授喺校務上面一般都贊成麥教授嘅意見。當魔法部喺《鳳凰會嘅密令》派咗桃樂絲·恩不里居全面去接管仲控制霍格華茲嗰時，孚立維教授對恩不里居嘅所作所為好厭惡，尤其係恩不里居曾經喺課堂上面直接用捲尺去度佢身高嚟羞辱佢嘅行為；佢私下靜靜咁支持住哈利·波特同阿不思·鄧不利多，當哈利喺《謬論家》雜誌上面披露咗佛地魔重生嘅事之後，孚立維教授喺課堂上暗中將一盒「糖老鼠」塞入去哈利嘅手裡面嚟表示鼓勵[29]；當衛斯理孖仔用煙火嚟惡搞恩不里居嗰陣時，佢更加私下幫佢哋兩個歡呼；對於衛斯理孖仔喺學校裡面創造嘅活動沼澤Portable Swamp，雖然孚立維清除咗大部分，不過佢之前為咗激嬲桃樂絲·恩不里居而冇去掂佢嗰塊活動沼澤嚟等佢原封不動，之但係孚立維認為嗰個係「一個精彩嘅魔法」，仲作為向衛斯理孖仔嘅致敬而揀咗留低一細塊喺原位度。

當一班食死人喺《混血王子的背叛》裡面入侵霍格華茲，麥教授派孚立維教授去幫手鳳凰會去對抗入侵嘅食死人。喺嗰輯小說同電影接近尾聲嗰陣時提出叫孚立維教授去囈ngai1作為校長嘅石內卜幫鳳凰會去對抗入侵校園嘅食死人，孚立維喺霍格華茲大戰入面請石內卜幫手之後佢就崩潰而冧低咗，唔可以及時去支援鄧不利多。事後佢就算身上有傷都仍然去幫手照顧細啲嘅學生，可以見到佢認真咁作為教授嘅一面。

孚立維教授喺《死神的聖物》裡面堅持咁認為羅威娜·雷文克勞嘅王冕係唔見咗，而哈利同埋鄧不利多形容佢做模範生，據講佢從來都未入過去萬應室，所以佢從來都冇諗過嗰個王冕可能係收埋仲隱藏喺嗰度。喺霍格華茲大戰之前，孚立維教授仲留喺學校教書仲保護學生，佢先係同麥教授仲有芽菜教授將石內卜趕出霍格華茲城堡，後嚟亦喺城堡周圍落咗防護性嘅咒語嚟阻擋住佛地魔同埋即將嚟到嘅食死人，仲利用佢嘅符咒學力量喺霍格華茲城堡周圍施展保護咒嚟守衛成個校園去阻止迎面而嚟嘅佛地魔仲有對方嘅食死人。孚立維後嚟又同入侵者作戰，喺佢同牙克厲正面交鋒嗰時單人匹馬去打贏咗食死人杜魯哈。

喺改編電影嘅版本入面，孚立維嘅角色係由瓦維克·戴維斯（英文：Warwick Davis）去做[30]。羅琳話：「我一定要承認，當我喺電影入面睇到孚立維嗰陣被嚇咗一跳，佢睇落好似一個妖精／矮人我從來都無真正咁問過製片人佢係點嘅樣，因為喺我嘅想像入面，孚立維簡直就好似一個好矮嘅老男人[31]。」不過，羅琳喺佢嘅官方網站上提到孚立維係個「有啲妖精血統嘅」人類。孚立維嘅角色喺《阿茲卡班嘅逃犯》入面銀幕上嘅外觀有明顯嘅變化，佢喺入面留咗光滑嘅深色頭髮同埋鬍鬚，呈現出一種更加人性化嘅外觀而減少咗矮人咁樣嘅特徵。根據演員戴維斯嘅講法，呢個留住鬍鬚仔嘅角色原本唔應該係孚立維；孚立維原本喺《阿茲卡班的逃犯》嘅劇本入面係唔存在嘅，但係製片人（大概係大衛·海曼（英文：David Heyman））新加咗作為學校裡面合唱團同埋管弦樂團指揮嘅新角色，所以戴維斯能夠喺電影裡面出現。《火盃的考驗》嘅導演米克·紐維爾（英文：Mike_Newell_(director)）比較鍾意佢嘅新外貌，「呢個角色仲從嗰一刻起就被人識得就係『菲力·孚立維』[32]。」

翡冷翠

[編輯]

翡冷翠Firenze係一直生活喺霍格華茲周邊嘅禁忌森林嘅半人馬族群成員，佢哋嘅上半身係男性嘅身體，而腰以下就係馬身，有四隻腳同尾巴，而佢就有白金色嘅頭髮同埋對眼係藍色。翡冷翠同一般人馬同樣十分之敬畏天命而且感覺到生命嘅無定，充滿智慧但又長期處於旁觀者心態，但比起其他人馬對巫師嘅厭惡，佢對人類無咁大嘅排斥心，並唔孤寒去伸出援手。

翡冷翠喺《神秘的魔法石》裡面出場，佢曾經短暫咁現身去警告哈利·波特關於佛地魔嘅事，仲保護佢唔好受到奎若教授嘅攻擊；翡冷翠後嚟喺第五輯《鳳凰會的密令》入面接受咗鄧不利多校長嘅邀請，去接替俾桃樂絲·恩不里居炒魷嘅崔老妮教授去教占卜學呢門學科。不過由於呢次嘅邀請，翡冷翠俾其他同類認為佢係族群嘅背叛者而作攻擊，好彩嘅係佢得到魯霸·海格去救佢，翡冷翠因為咁就喺一次占卜課之後請哈利話返俾海格知佢對海格命運占卜嘅結果[33]。

喺桃樂絲·恩不里居被趕出霍格華茲之後，由於翡冷翠已經返唔到去半人馬族群裡面生活，佢因為咁就同崔老妮教授共同分擔教占卜學課程嘅工作。不過翡冷翠似乎喺《死神的聖物》度出面去勸半人馬族群參與霍格華茲大戰，同霍格華茲嘅師生一齊去抵禦食死人。

根據作者羅琳喺訪問入面話，翡冷翠已經重新得到人馬族群嘅接受，仲揀咗離職返番去禁忌森林入面生活。喺成個《哈利波特系列電影》入面，翡冷翠嘅角色由雷·費隆（英文：Ray Fearon）去做。

洛哈教授

[編輯]

吉德羅·洛哈Gilderoy Lockhart係個受歡迎嘅作家，佢寫咗好多關於佢遇到黑暗生物嘅冒險小說，係個矯揉造作嘅巫師界名人。洛哈嘅性格自戀又貪慕虛榮，佢成日將自己係梅林爵士團３級勳章得主同埋反黑魔法聯盟榮譽會員，仲有５次攞到《女巫周刊》「最迷人微笑獎」嘅銜頭掛喺口唇邊。

洛哈出現喺《消失的密室》嘅開頭，仲喺斜角巷嘅華麗與污痕書店舉行宣傳佢新書嘅簽書會，仲喺簽書會上面同哈利·波特佢哋一班人先至第１次見。最鍾意出風頭嘅洛哈喺知道哈利咁啱喺嗰度就順勢將對方拉埋去佢自己身邊，畀喺旁邊嘅巫師報章雜誌記者去影佢哋兩個嘅合照。

洛哈後嚟去到霍格華茲做２年級嘅黑魔法防禦術教授，仲受到好多學校裡面嘅人青睞，尤其係嗰啲認為佢好有吸引力嘅女性（包括妙麗同埋衛斯理幾兄妹嘅阿媽—茉莉·衛斯理），不過佢唔太受學校裡面大部分教職員嘅觀迎，尤其係石內卜同埋哈利。榮恩曾經喺私底下話洛哈係「最識竄走同拍馬屁嘅嘢」，就連海格亦曾經喺洛哈去過佢間木屋仔之後都認為佢講嘅嘢可信度相當之差，仲話如果佢講嘅嘢「其中一句係真嘅話，佢就將個茶壺食咗去。」

哈利亦都有好多唔鍾意佢嘅原因，包括：

  • 洛哈嘅傲慢同埋佢對哈利嘅誤解，佢認為哈利坐衛斯理先生嘅飛天汽車去霍格華茲係想尋求進一步嘅關注；
  • 洛哈好鍾意親自去派自己嘅親筆簽名相；
  • 洛哈喺課堂上面為咗實地教學而將韞住喺籠裡面嘅幾百隻綠仙Pixie放出嚟但係又壓制唔到佢哋，搞到班上面陷入一片混亂；
  • 就算洛哈用簡單嘅魔法亦可以帶嚟麻煩事，包括佢試吓去處理哈利喺魁地奇比賽入面手腕嘅骨折，但係因為佢嘅唔小心，結果反而搞到哈利手臂裡面嘅骨頭消失咗。最後就搞到哈利被送去學校嘅醫院側翼去醫，仲要去飲由龐芮夫人提供嘅生骨水Skelegro先至恢復到原狀；

洛哈喺《消失嘅密室》裡面唔肯入去密室，後嚟佢喺通去密室嘅通道裡面向哈利同榮恩透露佢自己從來都無執行過喺佢啲書裡面所記錄嘅嗰啲驚人壯舉，仲揭露佢自己濫用記憶咒Memory Charm，實際上係佢喺其他巫師同女巫口中套取佢哋嘅冒險經歷始末之後就當成佢自己嘅經歷，再用佢擅長嘅記憶咒嚟抹走咗當事人嘅記憶嚟偷咗再褫奪當事人嘅記憶嚟防止佢哋將真相揭露出嚟，再將佢哋嘅功績據為己有仲收錄喺佢自己嘅作品入面，咁樣就講明咗佢係一個騙子同懦夫，哈利同榮恩私底下亦都係咁樣鬧佢。當洛哈後尾決定畀知道真相嘅佢哋兩個落記憶咒嗰陣時，佢用榮恩嗰支已經斷過又成日失靈嘅魔杖嚟對哈利同榮恩落記憶咒消除佢哋嘅記憶，點知嗰個記憶咒反彈去佢自己身上（因為壞咗嗰支魔杖嘅尾會令魔法大大減弱咗，任何方法去黏住就會搞到咒語反彈），結果搞到洛哈幾乎患咗完全嘅失憶症。洛哈後尾被送到去聖蒙果醫院嘅符咒傷害科接受治療，成為咗嗰間醫院裡面嘅長期病患[34]。呢件事之後，鄧不利多校長喺學期尾嘅晚宴入面宣佈洛哈因為失憶而離職嘅消息嗰陣時，在場嘅全體學生同埋部分嘅教職員啲歡呼聲好似雷響一樣。

吉德羅·洛哈嘅角色喺《消失的密室》裡面係由簡尼夫·班納去做[35]。喺片尾嘅字幕之後嘅一個場景裡面，嗰段片講述洛哈喺斜角巷做緊新書發售；佢最新出版嘅書叫做《我是誰？Who Am I?》，封面印住一幅顯示著住件約束衣（英文：Straitjacket）嘅佢正喺度心不在焉咁哼住歌嘅相[36]。留喺聖蒙果醫院嘅洛哈並冇失去佢嘅寫作能力，佢仲喺嗰段期間推出咗佢嘅自傳小說《神奇的我Magical Me》。

哈利３人組喺《鳳凰會的密令》嘅聖誕節嗰排去聖蒙果醫院去探受咗重傷嘅衛斯理先生嗰陣撞返洛哈，雖然洛哈仲未恢復到佢嘅任何記憶，但係連佢自己都唔明點解會咁樣都好，佢仍然好享受仲收到粉絲嘅來信同埋去簽佢嘅親筆簽名相[37]，佢仲為自己能夠寫得到連體字母（中文：手寫體）而好似細路仔咁樣覺得好自豪。對哈利嚟講，佢為洛哈嘅失憶而覺得一絲嘅內咎，但係佢安慰自己話呢個事實係洛哈個人犯錯而造成嘅後果。就算醫院方面盡晒全力去醫佢，不過洛哈嘅失憶症始終亦冇辦法完全好返，截至而家為止佢仍然留喺聖蒙果醫院嘅長期護理病房接受治療[38]，而哈利同榮恩從來都無向外透露過佢嘅欺詐行為[39]。

羅琳話洛哈係佢唯一根據現實生活嘅人物做原型而寫嘅角色[21]:54。呢個角色嘅靈感係嚟自一個未透露姓名嘅熟人──「比起佢呢個虛構嘅反派更加令人反感」，同埋「舊時成日設計利用啲大話用嚟講述同組織嚟去掩飾佢以前嘅生活，呢啲所有嘢都係為咗證明佢自己係一個幾咁巴閉、勇敢同有才華嘅人[40][41]。」吉德羅Gilderoy呢個名係羅琳喺《成語與寓言字典》入面搵到嘅名，而洛哈Lockhart就係喺第一次世界大戰嘅一個紀念碑上面發現嘅[42]:36。《消失的密室》嘅電影導演基斯·哥倫布（英文：Chris Columbus (filmmaker)）喺同羅琳商量過之後，就決定畀洛哈呢個角色著住用絲綢為主嘅服裝嚟突出佢貪慕虛榮嘅一面[43]，負責佈景嘅工作人員亦都將洛哈嘅課室營造出一種自我吹噓嘅風格[21]。

關於洛哈嘅背景，淨係知道佢係個混血巫師—佢阿爸係個麻瓜，而阿媽就係女巫，佢有兩個麻瓜家姐。當洛哈喺霍格華茲學生時代，佢就已經因為虛榮而令其他師生反感：當時佢為咗得到關注而做過好多嘗試，例如係為咗睇見佢自己個名被打印出嚟而曾經請求校長創辦校報；另外，佢亦曾經將自己個名雕刻喺魁地奇球場上面（佢因為咁而令佢被罰韞住咗一個禮拜）；佢將自己嘅肖像好似係黑魔標記咁投射去到天空度；佢仲曾經將800張情人節賀卡寄返畀自己，由於有大量嘅貓頭鷹屎同羽毛跌咗落去早餐嘅麥片粥裡面，所以搞到早餐因為咁而被迫取消咗。呢啲唔單止冇為佢自己帶嚟啲咩好處，反而仲令佢成為咗令人發忟嘅麻煩製造者。洛哈亦都唔肯認真去對待自己嘅學業搞到啲教授睇佢唔起。當洛哈喺學校畢業嗰時，成間學校嘅教職員都鬆咗一口氣[11]。

其實鄧不利多喺當初決定請洛哈做教授嗰陣，好多教授都覺得好困惑仲反對呢件事。麥教授曾經問鄧不利多校長話啲學生可以喺洛哈身上學到啲咩嗰時，鄧不利多話答佢話啲學生可以喺個好差嘅教授身上學識自己應該做個點樣嘅人，仲會學識明辨是非[11]。

《IGN（英文：IGN）》嘅祖·烏迪奇Joe Utichi話吉德羅係佢最鍾意嘅哈利波特角色列表（中文：哈利波特角色列表）第９位，仲話呢個角色係嗰個系列入面最受歡迎嘅腐敗角色之一[44]；吉德羅喺《帝國雜誌（英文：Empire_(magazine)）》嘅「哈利波特人物」入面位列第２８位[45]。

洛哈嘅作品

[編輯]

吉德羅·洛哈嘅作品喺魔法世界好受歡迎，定價因為咁就非常之貴。喺洛哈做咗霍格華茲嘅黑魔法防禦術教授之後，霍格華茲就將佢嘅其中７本作品指定做黑魔法防禦術嘅教科書[4]。

吉德羅·洛哈喺小說裡面寫咗唔少著作形容佢神奇嘅冒險經歷（其實幾乎都係透過偷咗人哋嘅經歷得嚟嘅），嗰啲作品包括：

  • 《吉德羅·洛哈的家庭害獸指南Gilderoy Lockhart's Guide to Household Pests》；
  • 《與巫婆共度假期Holidays With Hags》；
  • 《與報喪女妖共享休閒時光Break with a Banshee》；
  • 《與惡鬼四處遊蕩Gadding With Ghouls》；
  • 《與山怪共遊Travels With Trolls》；
  • 《與吸血鬼同行Voyages With Vampires》；
  • 《與狼人結伴浪跡天涯Wanderings with Werewolves》；
  • 《與雪人相伴的歲月Year with the Yeti》；
  • 《我是誰Who am I？》；
  • 《神奇的我Magical Me》；

史拉轟教授

[編輯]

赫瑞司·史拉轟Horace Slughorn係喺《混血王子的背叛》登場嘅新角色，史拉轟至少喺1940年代起就一直擔任住霍格華茲嘅魔藥學教授兼史萊哲林嘅學院導師，直至1981-1982學年退休。史拉轟喺佢自己退休同佛地魔復活之後就匿埋咗，喺魔法世界日漸激烈嘅衝突入面向正邪兩邊隱瞞佢自己嘅下落。

史拉轟喺《哈利波特》系列入面係個積極挑戰史萊哲林學院刻板印象嘅角色：雖然佢自私自利，但係並唔卑鄙或者唔分是非，佢對哈利亦都好友善。更重要嘅係，佢重視學生嘅才華大過佢哋嘅出身，又冇對血統嘅歧視，每當佢遇到才華洋溢嘅麻瓜出身巫師同女巫（例如妙麗）都會覺得非常之驚喜，佢亦都好多次同哈利講莉莉·波特係佢最欣賞同最鍾意嘅其中一個學生。

史拉轟好鍾意做喺背後嘅幕後操縱者（英文：Back-seat_driver），透過人脈關係嚟攞到佢想要嘅嘢。史拉轟會邀請嗰啲佢睇得起嘅學生（包括背景顯赫同擁有特別才能嘅學生）去加入佢嘅「史拉轟會Slug Club」，由嗰度建立佢堅實嘅人脈網絡，而史拉轟就邀請咗哈利參與喺霍格華茲特快列車上面搞嘅史拉轟俱樂部第１次聚會。不過，史拉轟會忽略嗰啲佢認為唔重要嘅學生，就當佢哋完全冇到咁樣（就好似佢對榮恩咁樣）。

史拉轟教授喺《哈利波特：混血王子的背叛》入面嘅服裝同魔藥學課室嘅場景。

喺《混血王子的背叛》入面，因為桃樂絲·恩不里居喺好多非議之下離開咗霍格華茲，學校裡面因為咁就多咗個空缺嘅教席，鄧不利多打算畀史拉轟返番嚟教書，於是就將石內卜調任做黑魔法防禦術嘅教授。鄧不利多喺搵到史拉轟之後就用哈利嚟做誘因，說服佢返去學校做魔藥學教授。隱居喺屋企嘅史拉轟喺發現到有人喺半夜三更嗰陣嚟探佢之後就精心設計咗一個兇殺現場，仲將自己變咗做一張脹卜卜有扶手嘅梳化。睇見呢個「兇殺現場」搞到非常之驚恐嘅哈利，佢以為食死人曾經去過嗰度仲將史拉轟挾走咗。不過鄧不利多好輕易咁就發現到破綻，史拉轟迫話無奈亦冇得唔現身。史拉轟啱啱開始嗰陣對於返去霍格華茲表現得好唔情願咁樣，不過鄧不利多同哈利再三咁強調學校已經加強咗安全措施，史拉轟先至肯去接呢個職位。哈利曾經一度以為史拉轟係新任嘅黑魔法防禦術教授，直到鄧不利多喺開學晚宴上面正式宣佈嗰個學年嘅教授變動嗰陣先至知個真相。

史拉轟教授將高階魔藥學課程嘅評級由「優秀O」降低去到「超乎期待E」，呢個最後一刻嘅更改畀哈利同榮恩可以去選修超勞巫測嘅魔藥學課程。哈利由於冇諗過會批准佢選修魔藥學，所以佢冇去準備必要嘅教科書，史拉轟教授於是就借咗本舊嘅教科書畀佢，直到哈利有屬於佢自己嘅教科書。史拉轟教授喺第１堂度，畀調製出最好嘅一飲活死水嘅學生攞到一細樽嘅「幸運藥」—福來福喜嚟做獎勵。哈利靠住嗰本舊嘅教科書上面手寫嘅筆記而贏到個獎勵，不過佢唔知道嘅係，嗰本教科書曾經係屬於石內卜嘅。哈利後嚟喺斜角巷裡面嘅華麗與污痕書店買咗本全新嘅教科書《進階魔藥調配學Advanced Potion-Making》，佢喺調換咗封面之後再將本新嘅教科書還返畀史拉轟教授。

後嚟當榮恩做咗愛情魔藥嘅受害者嗰陣，哈利去請史拉轟教授去幫榮恩，史拉轟於是調配咗解毒劑畀榮恩去飲，但係榮恩跟手飲咗一啖有毒嘅蜂蜜酒之後差啲就瓜咗，而史拉轟唔知道嘅係，嗰樽有毒嘅蜂蜜酒其實係跩哥·馬份為咗殺死鄧不利多而準備嘅。哈利用咗福來福喜嚟喺史拉轟嗰度套咗一段記憶出嚟，入面詳細咁描述咗史拉轟教授同湯姆·瑞斗（仲未係佛地魔）之間關於分靈體嘅對話內容，同埋討論咗創造幾個分靈體嘅可能性。另外，史拉轟喺攞到啲珍稀嘅魔法物品上面係有啲小聰明。

史拉轟喺《死神嘅聖物》入面短暫咁出現，佢喺啱啱開始嗰陣對於係咪要參加霍格華茲大戰嘅戰鬥而猶豫不決，不過佢最後並冇走咗去，而係招募咗大量嘅援軍去為霍格華茲而戰，仲同其他教授集結嚟同一班食死人決戰。史拉轟教授喺石內卜做咗霍格華茲校長之後又再做史萊哲林嘅學院導師。史拉轟最後鼓起勇氣同麥教授、金利·俠鉤帽佢哋一齊同佛地魔決鬥。

赫瑞司·史拉轟教授嘅角色喺成個《哈利波特系列電影》裡面都係由演員占·博班特去做[46]，博班特形容呢個角色係「一個迷人又多姿多彩嘅人物」，不過「佢嘅過去存在住一個邪惡嘅秘密」。《哈利波特：混血王子的背叛》電影嘅服裝設計師珍妮·泰明Jany Temime就將呢個角色嘅形象諗成一個古怪嘅英國紳士[47]。

麥教授

[編輯]
内文：米奈娃·麥

米奈娃·麥Minerva McGonagall係霍格華茲嘅變形學教授兼葛萊分多嘅學院導師，一般嘅學生同教職員都會叫做「麥教授」。佢喺1956年12月開始喺霍格華茲度教書。佢係鄧不利多校長最忠誠嘅支持者，仲喺佢嘅手下做副校長，仲喺鄧不利多過咗身之後繼任做新校長。

麥教授喺《哈利波特：神秘的魔法石》裡面第１次登場，當時佢同鄧不利多校長一齊去哈利嘅佩妮姨媽Aunt Petunia同埋威農姨丈Vernon Dursley喺水蠟樹街４號嘅屋企門口。麥教授被形容做一個深啡色頭髮仲成日紮住一個好實嘅髮髻，高佻身材嘅佢睇落係個相當嚴肅嘅女士，而且仲係一個出名嘅嚴師。佢成日戴住一頂尖帽同埋著住件翡翠綠色嘅長袍，佢講嘅嘢帶有輕微嘅蘇格蘭口音。麥教授總係帶住一種非常之淑女咁樣嘅表達方式。根據作者所形容，佢係個年約７０歲而充滿活力嘅女巫[48]。麥教授喺成個系列裡面係第１個介紹嘅傑出化獸師，雖然佢好少會畀人睇到佢運用呢種能力，不過佢係嗰個世紀註冊咗嘅７位化獸師之一；佢所戴嘅方形眼鏡襯返佢嘅英國短毛貓（英文：British_Shorthair）同埋銀色嘅虎斑貓（英文：Tabby_cat）嘅化獸師造型。哈利對佢嘅直接印象係佢唔鍾意其他人干擾佢嘅教學，亦都唔畀其他人打斷佢講嘢。麥教授好鍾意蘇格蘭格仔款式（英文：Tartan），佢嘅手巾仔同埋至少有１頂帽，仲有晨褸同埋長袍都係有呢款構圖。麥教授喺電影系列裡面成日戴啲蘇格蘭心口針，仲伴埋啲特定蘇格蘭風格嘅瑪瑙同煙水晶。

麥教授喺《神秘的魔法石》裡面睇到哈利喺第１次用飛天掃把就可以靈活咁飛，於是佢就向葛萊分多學院嘅魁地奇隊建議由哈利去填補搜捕手嘅位置，仲送咗支飛天掃把畀佢（雖然１年級學生通常唔畀去玩呢項運動或者係擁有掃把）。事實上麥教授成日聽到李·喬丹喺比賽裡面帶偏見嘅評論，呢個間接咁透露咗麥教授本身係個狂熱嘅魁地奇球迷，令佢喺一啲場合放低佢平時嘅言行舉止。另外，雖然麥教授係個嚴守紀律嘅人，不過佢成日間接咁去幫哈利去做啲唔符合學校嚴格規則範圍裡面嘅活動，例如佢畀哈利同佢啲朋友喺變形學課室裡面為三巫鬥法大賽嘅任務而練習。麥教授雖然表面上好嚴厲，但係佢心裡面隱藏住一份濃厚嘅慈愛，仲帶住一系列嘅情緒，佢有時會非常之情緒化，呢個往往會令佢啲同事同埋學生覺得好驚訝。

麥教授喺《哈利波特：鳳凰會的密令》入面係鳳凰會嘅其中一個成員。魔法部官員桃樂絲·恩不里居喺魔法部嘅授權之下不斷咁干涉霍格華茲嘅校務，鄧不利多同麥教授更加尤其係對方嘅眼中釘，麥教授同佢兩個人都相處唔嚟仲非常之憎對方。麥教授甚至去幫皮皮鬼同埋啲學生對恩不里居做啲有破壞性嘅惡作劇。麥教授喺無形中反抗魔法部，主要係為咗抵制恩不里居同忽略對方，佢仲發誓話佢會盡能力去幫哈利達成做正氣師Auror嘅目標同願望[49]，。當麥教授試吓去阻止恩不里居仲有佢啲魔法部同事唔公正咁用武力將魯霸·海格帶走，喺麥教授拎出佢自己支魔杖之前就喺冇警告嘅情況下畀４個昏迷咒攻擊，而海格就走甩咗。麥教授喺昏迷嘅狀態下被送到去聖蒙果醫院，仲喺嗰度住咗一排先至好返。麥教授喺嗰輯小說尾聲嗰陣時先至返到去霍格華茲，佢喺嗰陣暫時需要用拐杖嚟扶住嚟行路。

鄧不利多喺《混血王子的背叛》裡面過咗身之後，麥教授就做咗霍格華茲嘅代理校長，後嚟喺《哈利波特：被詛咒的孩子》裡面轉做正式校長。鄧不利多過咗身之後，受到佛地魔用蠻橫咒操控嘅派厄思·希克尼Pius Thicknesse就用佛地魔代理人嘅身份做咗魔法部嘅新任部長，仲任命石內卜做校長。食死人嘅卡羅兄妹取代咗麥教授個職位做咗副校長。就算學校經過好多轉變都好，麥教授仍然仲係葛萊分多嘅學院導師。

喺霍格華茲大戰之前，當艾朵·卡羅話畀麥教授知佛地魔警告佢哋話哈利·波特就嚟闖入去雷文克勞塔，佢好嬲咁話畀艾朵知，話哈利係唔會去雷文克勞學院，因為哈利係屬於佢嘅葛萊分多學院，不過麥教授喺嬲怒之下收埋咗一絲嘅自豪。當艾米克表明要怪責雷文克勞嘅學生嚟推卸佢阿妹嘅狀況，麥教授就即刻干預，仲好嬲咁鬧卡羅兩兄妹「懦弱、無能同無知」。艾米克於是𦧲loe1口水落去麥教授塊面度，一直匿埋喺隱形斗篷下面嘅哈利現身嚟向艾米克施展酷刑咒Cruciatus Curse嚟保護佢嘅老師兼朋友。哈利跟住通知麥教授話佛地魔就嚟會到，於是佢哋就將嗰兩兄妹綁起，然後召喚３個護法出嚟，佢用化獸師嘅３種形式嚟通知其餘３位學院導師同埋所有教授，令學校盡快做好迎戰嘅準備[50]。當麥教授去搵其他學院負責人嗰陣，佢遇到咗石內卜，當石內卜問到哈利嘅下落嗰陣，佢唔知道石內卜真正嘅臥底身份，同埋佢並唔知道石內卜有重要嘅訊息畀哈利，於是麥教授就攻擊石內卜，佢哋兩個展開咗一場激烈嘅決鬥。喺芽菜教授同孚立維教授嘅協助之下，麥教授將石內卜成功咁打走咗。當麥教授重新咁行使返學校嘅管理權之後，佢為咗抵禦佛地魔嘅行動嚟確保哈利能夠完成到鄧不利多畀佢嘅任務，佢又再疏散學校裡面未成年嘅學生嚟確保佢哋嘅安全。跟住佢帶領住剩低嘅學生、教職員同埋鳳凰會嘅成員去同佛地魔戰鬥，佢喺戰鬥裡面畀人見到佢身上畀食死人劃咗一個好大嘅傷口。當哈利表面上畀人殺死之後，佢悲痛嘅尖叫聲引到貝拉·雷斯壯大笑起上嚟。最後，佢同金利·俠鉤帽同埋史拉轟教授一齊去對付佛地魔。

龐芮夫人

[編輯]

帕琵·龐芮Poppy Pomfrey係霍格華茲嘅醫院側翼裡面嘅護士長。龐芮夫人份人忠誠、技藝嫻熟，佢對醫院廂房嘅規定非常之嚴格，而且佢唔問病人嘅私事仲會非常之口密嘅聲譽。

龐芮夫人最叻治療各種由魔法引起事故嘅損傷，哈利亦成日受到佢嘅照顧，例如哈利喺《神秘的魔法石》裡面同奎若教授對峙之後喺病房昏迷咗三日；哈利喺《消失的密室》裡面俾洛哈教授搞到佢手臂裡面嘅骨頭消失咗，搞到佢過咗一個痛苦到好難頂嘅夜晚，呢樣嘢令到龐芮夫人非常之䒐mang4䒏zang2；龐芮夫人喺《阿茲卡班的逃犯》裡面分別照顧過哈利兩次，一次喺佢同赫夫帕夫學院嘅魁地奇比賽之後，而另一次就喺尖叫屋嘅事件之後；另外，佢贊同路平教授用朱古力嘅處方嚟減輕催狂魔嘅存在對學生嘅影響，仲評論話霍格華茲「終於有黑魔法防禦術教授知道呢樣嘢嘅治療方法」。龐芮夫人喺《火盃的考驗》裡面又再次治療哈利兩次，一次係龍嘅襲擊，而另一次就係佢同佛地魔對抗之後；喺《鳳凰會的密令》入面，龐芮夫人喺哈利喺魁地奇比賽期間俾搏格撞正頭骨之後就開始照顧哈利。

其他受過龐芮夫人照顧過嘅人最終都令佢暴露咗佢更多嘅個性：妙麗·格蘭傑喺《消失的密室》裡面因為變身水嘅事故搞到佢嘅上半身變成貓咁樣，搞到佢喺醫院側翼住咗一個月，而龐芮夫人亦都小心翼翼咁幫妙麗保守住呢個秘密；桃樂絲·恩不里居嘅黨羽喺《鳳凰會嘅密令》裡面打暈咗麥教授之後，龐芮夫人話自己如果唔係擔心自己唔喺度嗰陣時啲學生都唔知會變成點樣嘅話，佢就會辭職嚟表示抗議；喺《混血王子的背叛》入面，龐芮夫人試吓去醫返好比爾因為焚銳·灰背嘅襲擊而留低嘅疤痕，但係就無攞到幾大嘅成功；而當龐芮夫人喺知道咗鄧不利多嘅死訊嗰陣時淚流滿面。喺《死神的聖物》裡面，龐芮夫人同飛鼠先生喺大戰之前監督住霍格華茲入面嘅疏散，後嚟有人見到佢照顧住受傷嘅戰士。

喺成個《哈利波特系列電影》裡面，龐芮夫人嘅角色都係由女演員珍瑪·鍾斯（英文：Gemma_Jones）飾演[51]。

芽菜教授

[編輯]

帕莫娜·芽菜Pomona Sprout係霍格華茲嘅草藥學教授。佢被形容做一個又肥又矮而白髮飄飄嘅女巫，佢戴住頂縫縫補補磨損咗嘅帽同埋爛溶溶長袍，由於佢成日花時間喺霍格華茲嘅溫室照顧住啲植物，所以令到佢嘅長袍成日揩到啲泥土。芽菜教授喺《神秘的魔法石》裡面出場，但係直到佢喺《消失的密室》裡面教二年級學生關於魔蘋果嘅嘢之後先至開始做重要嘅角色。芽菜教授負責將啲魔蘋果培育到完全成熟，再將魔蘋果嘅汁液用嚟復活俾蛇妖石化咗嘅受害者。

芽菜教授跟住喺《阿茲卡班的逃犯》裡面出現，佢喺嗰度兼任負責赫夫帕夫學院嘅學院導師。當佢熟悉嘅赫夫帕夫學院嘅學生西追·迪哥里過咗身之後，佢安慰咗西追嘅阿爸阿媽—阿默·迪哥里同埋佢老婆。芽菜教授喺《鳳凰會的密令》入面係哈利嘅佛地魔復活事件嘅支持者。芽菜教授同好多霍格華茲嘅教授一樣咁厭惡恩不里居嘅存在，仲盡晒全力咁唔服從恩不里居。喺《混血王子嘅背叛》裡面嘅霍格華茲突襲之後，芽菜教授企硬咁擁護霍格華茲保持開放，佢亦支持鄧不利多應該喺霍格華茲安息嘅建議。芽菜教授參與咗鄧不利多嘅葬禮，佢喺嗰度睇落去比以前嘅任何時候都要乾淨企理。

芽菜教授喺《死神的聖物》入面同麥教授、孚立維教授一齊將石內卜趕出霍格華茲。喺知道咗佛地魔同食死人即將要圍攻霍格華茲之後，芽菜教授就利用佢自己對魔法植物嘅知識嚟製作咗攻擊性植物，仲喺幾個學生嘅幫手之下將魔蘋果同毒觸手Venomous Tentacula等等呢啲有毒嘅植物喺城堡嘅牆上面拋落嚟，用嚟迎接同打擊逐漸迫近嘅食死人。

《死神的聖物》結尾提到芽菜教授喺奈威·隆巴頓做咗咗霍格華茲嘅新任草藥學教授之後就退休，不過芽菜教授離職嘅情況就冇透露到。

喺成個《哈利波特系列電影》入面，芽菜教授嘅角色都係由女演員米瑞安·瑪格萊斯（英文：Miriam_Margolyes）去做[52]。

奎若教授

[編輯]

奎里納斯·奎若Quirinus Quirrell係哈利·波特一年級嘅黑魔法防禦術教授，佢喺背後亦係佛地魔嘅追隨者。奎若喺霍格華茲教書之前，海格曾經講過佢有個「聰明嘅頭腦」，而佢喺小說裡面係個好老師；喺哈利去到霍格華茲之前嘅一段時間，「佢休假一年嚟為咗得到啲第一手嘅經驗」。嗰個系列嘅作者羅琳喺2007年7月30號嘅網絡直播聊天入面話，奎若喺以前曾經有一段時間喺霍格華茲教麻瓜研究呢科，直至哈利入學嘅同一年先至轉職去到教受詛咒嘅黑魔法防禦術教授[53]。奎若為咗充實自己所識嘅嘢而喺哈利入學之前嘅暑假嗰陣時抽時間去佢嘅歐洲之旅，據講佢喺黑森林遇著幾個吸血鬼，又喺羅馬尼亞「遇到咗一個令人討厭嘅麻煩女巫」。奎若喺黑森林發現幾乎生存唔到落去嘅佛地魔，佢自從試過殺死仲係BB嘅哈利衰咗以嚟一直都匿埋。奎若被佛地魔所提供嘅力量迷惑到，仲加入去佢手下仲同黑魔王一齊返到去英國。奎若可以用佛地魔嘅名嚟叫佢，而唔係好似其他食死人咁要用黑魔王嚟稱呼佛地魔。

自從嗰時開始，奎若就「再唔係原來咁樣」：佢喺返咗嚟之後總係顯得好驚青咁，陷入咗極度焦慮嘅心理狀態，佢開始變得細膽又怕事，仲出現埋漏口同埋緊張嘅抽搐，海格甚至喺秋季學期開始之前就話佢「驚晒所有嘢，驚學生，甚至驚自己所教嗰科」。

佛地魔首先利用奎若嚟計劃潛入去鄧不利多擺喺古靈閣銀行金庫嗰度保管嘅魔法石，但係鄧不利多已經派咗海格去執行攞返魔法石嘅任務在先，然後海格同哈利先至喺破釜酒吧裡面撞見奎若。佛地魔最初俾奎若自主咁行動—奎若無戴頭巾，而且仲可以喺破釜酒吧裡面同哈利握手，呢個意味住佛地魔仲未佔有佢嘅身體（雖然呢樣嘢喺電影版本入面有啲出入：奎若喺破釜酒吧之前已經戴住頭巾，同埋唔肯同哈利握手）。

佛地魔自從奎若唔能夠喺古靈閣銀行嘅金庫嗰度搶走魔法石而為咗懲罰佢，佛地魔就密切咁關注著呢個新僕人。佛地魔決定侵佔奎若嘅身體仲寄生喺佢體內，咁樣就令到佛地魔塊面出現喺奎若嘅光頭後面。哈利喺《神秘的魔法石》裡面由海格護送去到斜角巷去買學習要用嘅嘢嗰陣時喺破釜酒吧第１次撞到奎若教授，跟住就係喺霍格華茲嘅開學宴會上面見到奎若同石內卜傾偈，然後再喺上黑魔法防禦術嘅課堂嗰陣定期咁見到佢。奎若之後就利用佢嘅一條新嘅紫色頭巾嘅裝束，佢聲稱呢樣嘢係非洲王子獎勵佢幫手擺脫麻煩嘅喪屍；佢成身都載滿大蒜搞到周身都係一祲大蒜味嚟掩飾佛地魔嘅存在。弗雷同喬治成日講笑話，佢嘅頭巾裡面嘅大蒜大概係用嚟驅走吸血鬼，其中一部分佢哋兩個甚至用施咗咒嘅雪球嚟掟中佢[54]。

奎若為咗令虛弱嘅佛地魔死唔去，佢冇得唔去獵殺禁忌森林裡面嘅獨角獸，仲飲乾晒佢嘅血嚟為佛地魔提供暫時用嚟維持生命嘅力量。奎若跟住之後透露，佢就係嗰個畀山怪入去霍格華茲，仲試吓去將哈利喺掃把上面拋落嚟嘅人，而石內卜喺度啽ngam4啽沉沉唸緊反詛咒嗰陣，不過妙麗喺認錯石內卜就係兇手嘅嗰陣時撞倒佢，搞到奎若嘅詭計又衰咗。

根據奎若佢自己話佢對山怪特別有辦法，佢假意去幫鄧不利多安排山怪守護魔法石。喺學校嘅萬聖節宴會上面，奎若去到交誼廳警告一班教職員同學生話有山怪喺地牢入面出現，然後佢就暈低咗（事實上係佢將山怪引入去霍格華茲），咁樣佢就可以自由咁喺３樓嘅走廊度隱藏粒魔法石。喺小說嘅後來，讀者都知道鄧不利多曾經話畀石內卜知要留意住佢哋嘅黑魔法防禦術教授。

奎若後來利用龍蛋嚟引誘海格去透露制服三頭巨犬毛毛嘅方式，不過奎若仍然都係冇辦法攞到粒魔法石。不過石內卜喺呢個過程入面畀毛毛咬咗一啖。當哈利３人組見到石內卜被咬嗰陣，佢哋開始懷疑石內卜係為咗自己而去搵魔法石。哈利喺魁地奇比賽嗰陣畀某種詛咒搞到佢差啲喺掃把上面跌落嚟，而哈利３人組都相信呢個係石內卜做嘅。佢哋開始懷疑石內卜正喺度試吓去偷咗收埋喺密室裡面嘅魔法石；不過當哈利終於去到消失的密室嗰時，佢先至發現真正嘅壞蛋係奎若，而唔係石內卜。

喺故事嘅高潮部分，當哈利同奎若試吓喺意若思鏡入面攞返粒魔法石出嚟嗰陣時，佛地魔就出現喺奎若嘅後尾枕度，之前只係畀奎若嘅頭巾遮住咗。佛地魔直接同哈利講嘢，威脅話如果佢唔幫自己復活嘅話就會殺死佢。喺哈利拒絕咗之後，終於露出佢猙獰真面目嘅奎若試吓用武力嚟將魔法石搶走。佛地魔命令奎若去攻擊哈利，哈利拖延住奎若嘅時間夠長去等鄧不利多趕到返嚟，佛地魔喺呢個時候用佢非物理形式走甩咗。由於哈利嘅媽咪莉莉·波特為咗拯救佢個仔而犧牲自己條命，佢所施嘅呢種咒語為哈利提供咗終極嘅保護，呢個係一種古老嘅魔法，以至於哈利可以喺莉莉過咗身之後仍然繼續受到佢媽咪嗰種愛嘅保護，令到佛地魔因為接觸到哈利而受到痛苦，亦都導致奎若嘅死亡，所以鄧不利多評論話佛地魔對佢嘅追隨者同佢嘅敵人一樣咁無情。喺奎若死之前，佢話畀哈利知佢過咗身嘅老豆詹姆·波特同賽佛勒斯·石內卜之間嘅競爭，佢話：「你唔知咩？石內卜同你爸爸係同期同學。佢哋大家討厭住對方。」

電影版本嘅高潮結局同原著小說略略有啲唔同：當奎若攻擊哈利嗰陣時，哈利嘅血為佢自己提供保護，呢個係因為佢媽咪為咗救佢而犧牲咗自己嘅性命嚟畀佢嘅，仲令到哈利可以親手殺死奎若。哈利亦都發現當自己同奎若直接接觸嗰陣時，佢嘅皮膚會即刻產生燃燒嘅感覺。哈利喺最後一擊裡面將自己對手放喺奎若身上，奎若即刻被燒成灰燼。最後，佛地魔嘅精神形態喺佢走甩之前搞到哈利冇咗知覺而暈低。

雖然小說入面由頭到尾都冇提過奎若個名，但係喺哈利波特官方換式卡牌遊戲入面，佢嘅角色名叫做「奎里納斯Quirinus」。英國演員伊恩·哈特（英文：Ian_Hart）喺改編電影《哈利波特：神秘的魔法石》裡面飾演奎若嘅角色[55]。

崔老妮教授

[編輯]

西碧·崔老妮Sybill Trelawney係霍格華茲嘅占卜學教授，佢係好出名嘅先知卡珊卓·崔老妮Cassandra Trelawney嘅玄孫女，而卡珊卓就係希臘神話裡面嘅女預言家，崔老妮教授繼承咗佢祖先嘅天賦而做咗預言家，後嚟就做咗霍格華茲嘅教授。

西碧Sybill呢個名係參考嚟自古希臘嘅女祭司西比拉（中文：西比拉）Sibyl，啲人係透過佢哋嚟瞭解神諭或者係關於未來嘅隱秘預言，而佢嘅姓氏「崔老妮Trelawney」據講可能係參考咗安東尼·保威爾Anthony Bowell嘅一系列嘅小說《時間的舞蹈》裡面嘅角色—崔老尼博士Dr. Trelawney，呢個崔老尼博士係個神秘主義者同預言家。喺作者羅琳為呢個角色命名嗰陣時，佢想可以令到佢有一個嚴肅嘅名，所以最後揀咗「崔老妮」呢個名，羅琳認為呢個名可以「令人印象深刻同埋有吸引力」[56]。

崔老妮被形容做一個好似昆蟲咁嬌小身材嘅女人，佢塊面上面戴住厚厚嘅眼鏡，搞到佢對眼睇落去好似被放大咗好幾十倍咁樣。崔老妮成日披住一件釘滿晒珠片（英文：Sequin）閃炩ling3炩嘅薄紗披肩，同埋身上面戴滿晒數唔清咁多嘅串珠同埋鍊，佢啲手指同埋手臂上面成日都戴滿晒好多好靚嘅手鈪同戒指。崔老妮教授講嘢把聲語氣好朦朧柔和，而佢喺講預言嗰陣時把聲就比較嘶啞啲。嗰個系列嘅作者羅琳成日都講到明佢自己並唔相信占卜呢樣嘢，同埋唔想讀者去相信呢樣嘢。佢亦都暗示咗崔老妮係[神秘主義]]者嘅寫照，因為嗰啲可能同騙術有關。崔老妮教授喺霍格華茲北塔嘅古怪課室係介乎於「某人嘅閣樓同舊式茶館」之間嘅建築[57]，嗰度只可以過爬到樓梯頂，再透過設喺天花板上面嘅一道活板門再爬上堂梯先至去到。喺呢個昏暗同祲zam1味濃郁到令人抖唔到氣嘅溫暖房間成日影響住學生嘅覺醒。

哈利·波特出世之前

[編輯]

就喺《哈利波特》系列裡面嘅事件發生之前，崔老妮喺1980年接受鄧不利多喺豬頭酒吧樓上嘅房間同佢做應徵做占卜學教授入職申請嘅面試嗰陣，雖然鄧不利多反對占卜學繼續存在，但係佢依然都接見咗呢個非常之出名先知嘅玄孫女，不過鄧不利多就睇得出崔老妮都無一絲一毫嘅占卜學天份，仲認為佢唔啱呢個職位。正當鄧不利多轉身要走嗰陣，崔老妮陷入預言咁樣嘅嗰種分神嘅狀態，佢仲講咗一個真正嘅預言出嚟：

「
擁有消滅黑魔王力量嘅人就嚟降臨......出身喺曾經三次抵禦佢嘅父母，喺第七個月消失嘅時候出世......黑魔王將會標記做同佢自己同等，而佢佢將會擁有黑魔王未知嘅力量......兩者必有一個人將會死喺另一個人手上，因為兩者無辦法同時存在喺世上......擁有消滅黑魔王力量嘅人將會喺七月消失嘅時候出世......
 」

崔老妮預言咗一個「有能力征服」黑魔王嘅巫師嘅誕生。呢個預言嘅後半部分俾當時仲係食死人嘅石內卜偷聽到，於是佢將自己偷聽到某個人將會成為佛地魔死敵嘅內容轉述返俾佛地魔去知。由於佛地魔相信哈利就係呢個細路，所以咁樣就搞到佢去攻擊波特一家。鄧不利多後嚟透露，呢個預言就係佢請崔老妮做占卜學教授嘅原因。

喺霍格華茲教書

[編輯]

崔老妮喺第三輯小說同戲裡面出現，當時哈利三人組同埋佢哋班同學開始上占卜學嘅課程。喺三年級嘅占卜堂哈利嘅第一堂占卜學課程上面，崔老妮預言咗哈利嘅死，後嚟佢繼續預言話哈利喺任何時候都可以死，呢件事激怒咗哈利三人組，佢哋三個都普遍相信崔老妮教授係個騙子，就連啲教授（特別係麥教授）都係咁認為。不過，妙麗最後由於呢啲原因同埋其他因素（譬如係高壓力水平）而放棄去讀占卜學課程，而哈利同榮恩就繼續讀落去。

根據麥教授嘅講法，崔老妮作為先知嘅可信度俾佢每年錯晒咁預言一個學生過身嘅預言習慣破壞晒，佢都會用呢樣嘢嚟做佢嗰個班級嘅問候語。不過嗰啲預言從來都無實現，嗰啲學生依然無穿無爛咁生活得好好哋。崔老妮教授有更多深刻而強烈感應嘅預言似乎只係喺佢分神嘅狀態嗰陣先會發生，而事後佢對自己曾經講過嘅嘢亦都會斷晒片咁樣完全無記憶。就算係咁樣都好，芭瑪·巴堤同埋文妲·布朗都非常鍾意佢仲對佢留低咗深刻嘅印象。不過就算崔老妮無分神，佢所有嘅預言幾乎都喺小說嘅後來被證明係啱嘅。

崔老妮仲好準咁同哈利預言咗有關小說高潮裡面嘅事件，入面包括咗彼得·佩迪魯返到去黑魔王（佛地魔）嘅身邊：

「
黑魔王俾佢嘅信徒拋棄，無依無靠咁自己一個咁飄零......佢嘅僕人已經被束縛咗12年咁耐......呢個僕人喺今晚午夜之前將會得到自由，仲出發去同佢嘅主人重新會合......黑魔王將會喺佢啲僕人嘅幫手之下東山再起，比以前更加強大，而且更加得人驚......喺今晚......午夜之前......呢個僕人......將會出發去......同佢嘅主人......重新會合......
 」

呢個預言揭示咗彼得·佩迪魯嘅真正身份，仲顯示佢就係令佛地魔重生嘅信徒。嗰個預言可能仲提到小巴堤·柯羅奇喺阿茲卡班走甩咗（事實上小巴堤·柯羅奇嘅走甩發生喺第三輯小說同戲裡面嘅好多年之前，所以呢個就唔太成立）。崔老妮亦錯誤咁預測哈利喺冬天嘅中間度出世，不過佢其實係喺7月31號嘅盛夏出世，後嚟有人透露嗰次嘅失誤係因為崔老妮喺不知不覺中讀得到哈利身體深處裡面嗰塊佛地魔嘅靈魂碎片。

差啲俾人炒

[編輯]

崔老妮教授喺霍格華茲教咗書10幾年之後，佢喺《鳳凰會的密令》入面首先俾桃樂絲·恩不里居列入去試用期嘅觀察名單，跟住就搞到佢覺得好困擾同埋變得越嚟越偏執。佢壓力巨大到成日大聲咁自言自語，仲成日驚驚青青咁擰返轉頭睇吓自己背後，喺佢身上仲可以聞到強烈嘅煮些厘酒嗰種味道。恩不里居後嚟對崔老妮越嚟越反感，佢喺喊得好淒涼嘅崔老妮教授同一班師生面前，將崔老妮教授嘅所有行李掉deu6晒喺門口裡面，宣佈將佢炒魷仲逐佢出霍格華茲。不過，鄧不利多嘅及時介入令到崔老妮教授可以留得低喺霍格華茲城堡裡面，因為鄧不利多認為佢喺面試嗰陣時所做嘅預言會令到佢喺霍格華茲出面嘅地方係處於危險之中，佢亦都指恩不里居淨係得炒人嘅權力，並無將教授逐出學校嘅權力。差唔多同一時間，鄧不利多仲喺禁忌森林嘅半人馬群裡面招募咗翡冷翠嚟接替崔老妮教授嘅職務，呢個係作為去窒恩不里居嘅一種方式。

返去霍格華茲教書

[編輯]

喺恩不里居俾人趕咗落台仲喺霍格華茲踼走咗之後，崔老妮喺《混血王子的背叛》嗰陣返咗去霍格華茲復職，但係因為翡冷翠同意喺崔老妮被炒魷之後接替佢嘅職位，所以佢哋兩個一齊去分擔教學嘅職務[58]。當翡冷翠俾佢嘅半人馬同伴驅逐離開族群嗰陣時，崔老妮認為呢個係一種憤怒。

崔老妮教授喺《死神的聖物》嘅霍格華茲大戰裡面同其他人一齊並肩作戰，佢被見到透過魔法加速佢嘅水晶球嚟對抗食死人[59]，崔老妮教授用佢其中一個水晶球嚟保護學生文妲·布朗嚟等佢唔使受到狼人（中文：狼人 (哈利波特)）焚銳·灰背嘅襲擊。喺改編電影《哈利波特：死神的聖物2》裡面，有人見到崔老妮教授喺芭蒂·巴提嘅幫手之下冚住某個人嘅身體。

崔老妮個名喺英國版嘅小說入面一直串做「西碧Sybill」，不過喺美國版嘅小說入面，由佢第一次出現喺《阿茲卡班的逃犯》到《鳳凰會的密令》，佢個名都係串做「西碧Sibyill」；呢個名直至去到《混血王子的背叛》先至同英國版互相襯返咁重新串成「西碧Sybill」[60]。西碧·崔老妮呢個角色喺《阿茲卡班的逃犯》、《鳳凰會的密令》同埋《死神的聖物2》都係由愛瑪·湯遜去做[61]。

歷任校長

[編輯]
姓名 在任期間 簡介
阿不思·鄧不利多Albus Dumbledore 1955-1995年 賽佛勒斯·石內卜嘅上一任校長。
阿曼多·狄劈Armando Dippet 1926~1955年 阿不思·鄧不利多嘅上一任校長，佛地魔學生時期嘅校長。
岱思特·福球Dexter Fortescue 唔知
得麗·德溫Dilys Derwent 1741－1768年 1722-1741年嗰時係聖蒙果醫院嘅治療師。
桃樂絲·恩不里居Dolores Umbridge 1995年-1996年6月
（代理） 		魔法部夾硬介入霍格華茲嗰陣做咗一年多啲嘅代理校長，企圖去取代阿不思·鄧不利多。
埃拉·普勞特Everard Proudfoot 唔知 霍格華茲嘅歷任校長之一。
米奈娃·麥Minerva McGonagall 1998年5月去到而家 霍格華茲嘅現任校長。
非尼呀·耐吉·布萊克Phineas Nigellus Black 1847-1926年 天狼星·布萊克嘅太爺，可能係阿曼多·狄劈嘅前一任校長。
賽佛勒斯·石內卜Severus Snape 1997年6月-1998年5月 米奈娃·麥嘅上一任校長。

學院幽靈

[編輯]

霍格華茲各個學院裡面至少夾夾埋埋有廿個幽靈，但係當小說裡面嘅人物傾到霍格華茲嘅幽靈嗰時，佢哋所指嘅通常係霍格華茲四個學院裡面嘅常駐幽靈，包括：

呢啲幽靈似乎充當住嗰個學院啲學生嘅顧問同助手嘅角色；而尼克仲成日喺哈利喺唔確定或者有危機嗰陣時幫佢手。

就算四個學院之間存在住敵意，不過每個學院嘅幽靈就相處得好好。差啲無頭嘅尼克對血腥男爵十分之尊重，仲想像唔到會同佢打交；而就算惡作劇皮皮鬼Peeves以前曾經有過嘅唔啱嘅行為都好，肥修士都代表佢嚟懇求俾佢參加歡迎宴會。喺《死神的聖物》裡面，尼克保護住海倫娜，只係喺唔情願之下先至話俾哈利知道點樣先可以搵到海倫娜。

血腥男爵

[編輯]

血腥男爵The Bloody Baron係屬於史萊哲林學院嘅常駐幽靈。佢係除咗鄧不利多、弗雷同喬治·衛斯理之外，唯一可以控制住惡作劇皮皮鬼Peeves嘅人；皮皮鬼唔知出於咩嘅原因而驚咗佢，皮皮鬼會叫血腥男爵做「血腥陛下Your Bloody Majesty」或者係「男爵先生Mr. Baron」。

喺小說《神秘的魔法石》入面，當問到差啲無頭嘅尼克話點解血腥男爵會咁血腥嗰陣時，尼克巧妙咁評論話「佢從來無問過」。血腥男爵嘅綽號係源於佢周身都係血，而呢啲血喺佢幽靈咁樣嘅身體上呈現做銀色。海倫娜·雷文克勞喺《死神的聖物》裡面曾經同哈利解釋話，男爵喺佢哋兩個仲未死嗰時已經對佢好愛慕，當海倫娜帶住佢阿媽—羅威娜·雷文克勞Rowena Ravenclaw嘅王冕走咗去嗰陣時，羅威娜就派男爵去搵海倫娜返嚟，因為羅威娜知道如果男爵搵唔到海倫娜返嚟嘅話，男爵就唔會停低。當海倫娜唔肯跟男爵一齊返去嗰陣，男爵喺嬲起上嚟就殺咗佢，然後男爵就喺悔恨裡面用同樣嘅武器自殺死咗。做咗幽靈之後嘅佢從嗰時起就一直喺霍格華茲度出沒，佢身上孭滿晒鎖鏈嚟作為佢殺死愛人嘅一種懺悔。

喺第一輯電影《哈利波特：神秘的魔法石》裡面，血腥男爵嘅角色由特倫斯·貝拿（英文：Terence Bayler）嚟飾演[62]，佢同小說裡面嘅角色掉返轉，佢喺戲裡面係充滿歡樂嘅，佢用自己嘅劍嚟開玩笑咁掠過學院分類儀式盛宴，呢樣嘢令到佢學院裡面嘅人好開心。

灰女士

[編輯]

灰女士The Grey Lady係屬於雷文克勞學院嘅常駐幽靈，佢本嚟個名係海倫娜·雷文克勞Helena Ravenclaw。喺《死神的聖物》裡面揭曉咗，海倫娜就係霍格華茲其中一位創始人羅威娜·雷文克勞Rowena Ravenclaw個女，佢係唯一同霍格華茲創始人有關嘅學院幽靈。海倫娜話俾哈利知道佢喺自己阿媽嗰度偷返嚟嘅雷文克勞嘅王冕嚟試吓變得比佢阿媽再聰明啲。臨死嘅羅威娜好恨再見返自己個女，於是佢派咗血腥男爵去搵佢返嚟，因為佢知道血腥男爵如果唔係搵到海倫娜嘅話，血腥男爵喺帶佢返嚟之前係唔會抖，部分嘅原因係因為佢鍾意咗海倫娜。

不過，匿埋喺阿爾巴尼亞森林嘅海倫娜唔肯同血腥男爵一齊返去，血腥男爵喺嬲到盲目嗰一瞬間裡面，佢將把刀拮向海倫娜嘅心口令到佢死咗。心裡面充滿住悔恨嘅血腥男爵依次序去用相同嘅武器嚟自殺，仲戴住作為懺悔嘅鐵鍊。灰女士話：「呢個係佢應該做嘅」。雷文克勞嘅王冕一直留喺阿爾巴尼亞森林嘅樹窿入面，直至湯姆·瑞斗諗辦法喺灰女士身上知道呢個故仔。一直喺度搵啲有歷史意義嘅嘢嚟整分靈體嘅瑞斗，後嚟佢喺阿爾巴尼亞攞返個王冕返嚟，仲喺幾年之後返番去霍格華茲城堡嗰陣時將呢個王冕收埋喺萬應室入面，直至哈利·波特說服佢將王冕嘅位置話俾佢知，令到哈利成功咁摧毀成為咗分靈體嘅王冕。

喺第一輯電影《哈利波特：神秘的魔法石》入面，灰女士嘅角色由妮娜·楊（英文：Nina Young）飾演，而喺《哈利波特：死神的聖物2》入面就由凱莉·麥當勞（中文：凱莉·麥當勞）去做[63]。根據作者羅琳寫俾女演員妮娜·楊嘅一封信，佢話灰女士係「一位知識淵博嘅後生女...佢從來都冇搵到真愛，因為佢從來都冇搵到一個符合佢標準嘅男士[64]」。

快活嘅肥修士

[編輯]

快活嘅肥修士The jovial Fat Friar係屬於赫夫帕夫學院嘅常駐幽靈。佢係一個性格和善、快樂而且非常寬容大量嘅幽靈，佢經常建議俾皮皮鬼再多一次條嘅機會，或者原諒任何唔好彩嘅嘢。

喺第一輯電影《哈利波特：神秘的魔法石》裡面，演員西蒙·費沙-貝克（英文：Simon Fisher-Becker）飾演住肥修士嘅角色。

幾乎冇頭嘅尼克

[編輯]

幾乎冇頭嘅尼克Nearly Headless Nick，佢係葛萊分多學院嘅常駐幽靈。佢嘅全名係尼古拉斯·德·明西-波平頓爵士Sir Nicholas de Mimsy-Porpington。

據講尼克喺1492年因為一次試吓去幫格麗夫女士將啲牙矯正嗰時，佢因為咒語唔小心出錯咗而被判處斬首[65]。不過因為劊子手把斧頭係鈍嘅，所以喺砍咗45刀之後，尼克嘅頭顱仍然俾一層薄薄嘅皮膚連喺條頸度。作為幽靈嘅尼克，佢對於自己嘅頭顱同身體仲未完全分離嘅事表現得相當之介意，佢最大嘅願望就係成為無頭騎士狩獵團Headless Hunt嘅成員，佢呢種渴望曾經喺嗰個系列嘅作品裡面表達咗幾次（尤其喺第二本小說入面提到），不過佢其實並唔係「無頭」佢只係幾乎無頭，所以所以佢被排除喺外面，仲永遠唔能夠完全參加活動例如係頭頂馬球活動。

哈利大概喺一年級嗰陣時喺霍格華茲嘅地牢參加佢嘅死亡日派對佢死咗嗰件事發生500周年而做咗朋友。尼克嘅死亡日期係1492年10月31號，呢個特點作為成個哈利波特故事系列年表嘅基礎，呢個時間線喺詹姆同莉莉喺《死神的聖物》裡面嘅墓碑得到確認。

尼克喺《消失的密室》裡面係金妮·衛斯理喺湯姆·瑞斗嘅影響下做咗蛇妖嘅受害者，蛇妖嘅凝視對於任何直望佢生勾勾嘅生命體嚟講都係死得人嘅，而嗰啲間接咁同佢嘅目光相遇，無論係透過反射定係透過其他嘢睇到佢，睇到呢樣嘢嘅嗰啲嘢，佢哋都只係會被石化而唔會被殺死。尼克係唯一直接望住蛇妖嘅人，但係佢亦淨係被石化咗，因為佢係個幽靈，唔會死第二次。尼克嘅半透明身體仲為赫夫帕夫學院嘅學生賈斯汀·方列里提供咗保護等佢唔使死，從而亦都令到佢都只係被石化咗。喺該件事裡面曾經被蛇妖石化咗嘅尼克，後嚟得到芽菜教授嘅魔蘋果醫返好。

呢個角色喺《鳳凰會的密令》裡面又再出現，佢一直喺度安慰住天狼星過咗身之後嘅哈利，令到佢有返之後遲啲仲可以見到幽靈狀態下嘅天狼星嘅希望。尼克解釋話，只有怕死仲唔肯繼續向前行嘅巫師同女巫先至可以做到幽靈，呢個搞到哈利同天狼星可以交流嘅希望破滅咗。尼克喺《死神的聖物》入面短暫咁出現，當時哈利要求尼克帶佢去見灰女士。

喺電影系列入面，尼克嘅角色係由演員約翰·克里斯（中文：約翰·克里斯）去做，而佢只係出現喺頭兩輯電影裡面。

其他幽靈

[編輯]
  • 皮皮鬼The Peeves：皮皮鬼喺霍格華茲裡面係一個次要嘅幽靈角色，佢嘅身體細細粒而皮膚係紫色嘅，佢喺霍格華茲度寄居，生活過得好愜意。皮皮鬼成日搗蛋同搞破壞，又鍾意整蠱學生，有時連啲教授同幽靈都玩，為霍格華茲帶嚟好大嘅煩惱。皮皮鬼曾經向弗雷除帽嚟致敬，跟住就加入惡搞桃樂絲·恩不理居（中文：桃樂絲·恩不理居）嘅行動。佢喺霍格華茲大戰嗰時亦都幫過手。鄧不利多同埋血腥男爵係鎮得住佢嘅人，因為佢對作為霍格華茲校長嘅鄧不利多懷住敬畏嘅心，而血腥男爵係唯一可以嚇得住佢嘅幽靈。由於皮皮鬼實際上係一隻喧鬧鬼（中文：騷靈現象），所以曾經有其他幽靈講到明「其實佢根本就唔算係一個幽靈」；
  • 丙斯教授Professor Binns：霍格華茲裡面唯一嘅幽靈教授，專門去教魔法史呢科；
  • 愛哭鬼麥朵（中文：愛哭鬼麥朵）Moaning Myrtle：霍格華茲50年前嘅雷文克勞學院學生，麥朵因為匿埋喺學校二樓嘅女生浴室嘅廁所去喊嗰陣，佢遇到湯姆·瑞斗打開咗消失的密室召喚出嚟嘅蛇妖，麥朵因為正視蛇妖隻眼而死，成為50年前第一次密室事件裡面嘅唯一一位犧牲者。
  • 帕特里克·德蘭尼-波德摩爵士Sir Patrick Delaney-Podmore：已經加入咗無頭騎士狩獵團Headless Hunt嘅成員。
  • 湯姆·瑞斗Tom Riddle：喺湯姆·瑞斗嘅日記裡面有佢自己嘅靈魂碎片，呢塊靈魂碎片保存咗佢16歲嗰陣時嘅樣，企圖藉住金妮·衛斯理嘅失蹤嚟引誘哈利去將密室打開。嗰本日記被摧毀咗之後佢就消失咗。

肖像

[編輯]
姓名 簡介
阿不思·鄧不利多Albus Dumbledore 賽佛勒斯·石內卜嘅前一任校長，佢嘅肖像喺《混血王子的背叛》嘅尾聲懸掛喺霍格華茲嘅校長辦公室裡面。
阿蕊安娜·鄧不利多Ariana Dumbledore 阿不思·鄧不利多嘅細妹，佢嘅肖像由霍格華茲嘅萬應室連接去到豬頭酒吧。
阿曼多·狄劈Armando Dippet 阿不思·鄧不利多嘅前一任校長，佛地魔學生時期嘅校長，佢嘅肖像掛咗喺霍格華茲嘅校長辦公室裡面。
卡多甘爵士Sir Cadogan 1993年曾經代替肥女士去守護住葛來分多塔嘅入口。
得麗·德溫Dilys Derwent 1722-1741年嗰時係聖蒙果醫院嘅治療師，佢嘅肖像連接去到聖蒙果醫院。
岱思特·福球Dexter Fortescue 佢嘅肖像掛咗喺霍格華茲嘅校長辦公室裡面。
埃爾弗里達·克拉格Elfrida Cragg 魔法部連接去到霍格華茲嘅肖像。
埃拉·普勞特Everard Proudfoot 霍格華茲嘅歷任校長之一，佢嘅肖像連接去到魔法部。
肥女士The Fat Lady 守護住葛來分多塔入口嘅肖像。
菲尼亞斯·奈傑勒斯·布萊克Phineas Nigellus Black 天狼星·布萊克嘅太爺，可能係阿曼多·狄劈嘅前一任校長，佢嘅肖像連接去到古里某街12號嘅布萊克家族大宅，佢嘅畫框後嚟俾妙麗·格蘭傑帶走。
紫羅蘭Violet（小紫） 肥女士嘅好朋友，佢嘅肖像連接去到聖蒙果醫院。

參考文獻

[編輯]
  1. ↑ 不赦咒有３種，包括：用嚟控制人嘅蠻橫咒Imperius Curse、用嚟折磨人嘅酷刑咒Cruciatus Curse，同埋用嚟殺人嘅索命咒Killing Curse。
  2. ↑ 龐芮夫人雖然嚴厲，但佢對啲師生係非常之慈愛嘅。鄧不利多遇刺當晚，佢不辭辛勞咁盡力去醫治重傷嘅比爾·衛斯理，仲對鄧不利多嘅死覺得好傷心。喺霍格華茲大戰爆發前夕，佢亦都用佢自己所知嘅魔法知識嚟保護霍格華茲，佢最後倖存咗落嚟。
  3. ↑ 〈哈利波特-以後的生活@哈利波特維基中文版〉。原著喺2021-07-19歸檔。喺2021-07-16搵到。
  4. ↑ 4.0 4.1 4.2 4.3 4.4 4.5 4.6 Moore, Rose (2016-12-26). "Harry Potter: 15 Things You Never Knew About Filch (And Mrs. Norris)". ScreenRant (英文). 原先內容歸檔喺2020-11-05. 喺2018-07-02搵到.
  5. ↑ J·K·羅琳 (2005)。《哈利波特（六）：混血王子的背叛》。彭倩文; 趙丕慧、林靜華翻譯。臺北：皇冠文化。ISBN 978-957-33-2174-3。
  6. ↑ "World Exclusive Interview with J K Rowling". Accio Quote! (英文). South West News Service. 2000-07-28 [8 July 2000 Interview]. 原先內容歸檔喺2021-06-27. 喺2018-07-02搵到.
  7. ↑ 7.0 7.1 J·K·羅琳 (2001)。《哈利波特（二）：消失的密室》。彭倩文翻譯。臺北：皇冠文化。ISBN 978-957-33-1758-6。
  8. ↑ 8.0 8.1 J·K·羅琳 (2003)。《哈利波特（五）：鳳凰會的密令》。雷藍多; 莊靜君; 彭倩文; 李佳姍; 吳俊宏、林靜華翻譯。臺北：皇冠文化。ISBN 957-33-1986-1。
  9. ↑ 9.0 9.1 J·K·羅琳 (2000)。《哈利波特（一）：神秘的魔法石》。彭倩文翻譯。臺北：皇冠文化。ISBN 978-957-33-1724-1。
  10. ↑ "Quick Quotes: Interviews with J.K.Rowling". Accio Quote! (英文). 2004-08-20 [12 October 1999 interview]. 原著喺2003-10-20歸檔. 喺2018-07-02搵到.
  11. ↑ 11.0 11.1 11.2 Susanna Lazarus (2015-09-17). "Did you spot all these hidden references in JK Rowling's Harry Potter names?". RadioTimes (英文). 原先內容歸檔喺2018-09-24. 喺2018-09-23搵到.
  12. ↑ J.K.Rowling (2007-09-11). "Section: Rumours" (英文). J.K.Rowling Official Site. 原著喺2007-09-11歸檔. 喺2018-07-02搵到.
  13. ↑ J.K. Rowling (2015-09-27). "It would be brutal and very close, but Crookshanks' Kneazle ancestry would bring him out on top". Twitter (英文). 原著喺2020-06-01歸檔. 喺2023-04-01搵到. {{cite web}}: Invalid |url-status=no (help)
  14. ↑ Parnell, Brid-Aine (30 January 2013). "Harry Potter's Filch conjures Doctor Who's dead first time-lord". The Register. Situation Publishing. 原著喺2019-04-13歸檔. 喺4 January 2019搵到.
  15. ↑ "Argus Filch (Character)". IMDB. 原著喺2017-09-20歸檔. 喺2018-07-02搵到.
  16. ↑ Walker, Tim (2009-03-09). "Hogwarts caretaker sees Harry Potter stars grow up" (英國英文). ISSN 0307-1235. 原先內容歸檔喺2021-01-25. 喺2018-07-02搵到.
  17. ↑ Fawcett, Kirstin (2016-03-16). "12 Huge Facts About Maine Coons" (美國英文). MSN. 原先內容歸檔喺2018-09-23. 喺2018-09-23搵到.
  18. ↑ "Movie Review - Harry Potter and the Sorcerer's Stone". Aha Film. 2001. 原著喺15 June 2006歸檔. 喺18 November 2018搵到.
  19. ↑ Bell, Bethan (2018-01-28). "Bureaucats: The felines with official positions". BBC News (英國英文). 原先內容歸檔喺2018-08-24. 喺2018-09-27搵到.
  20. ↑ Williams, Abigail (2017-06-09). "Can We Talk About How Unfair The 'Harry Potter' Universe Is To Filch?". Huffington Post (美國英文). 原先內容歸檔喺2019-02-05. 喺2018-07-02搵到.
  21. ↑ 21.0 21.1 21.2 布萊恩·希伯理 (2014)。《哈利波特電影魔法書：八部電影幕後製作全記錄》。龐力、張銳翻譯。臺北：佳魁文化。ISBN 978-986-5712-89-1。
  22. ↑ "Behind the scenes: Argus Filch". Pottermore. 原著喺2019-10-02歸檔. 喺2018-07-14搵到.
  23. ↑ Revenson, Jody (2015). Harry Potter: The Character Vault (英文) (第Har/Pstr版). Harper Design. ISBN 978-0062407443.
  24. ↑ 如果要成為嗰個學院嘅負責教授，嗰個教授一定係嗰個學院嘅成員，所以孚立維用雷文克勞學院成員嘅身分加入霍格華茲。
  25. ↑ "J.K. Rowling". 原先內容歸檔喺2013-07-25. 喺2017-08-16搵到.
  26. ↑ "Happy Birthday Professor Flitwick and Guy Henry". The-Leaky-Cauldron.org (美國英文). 2015-10-17. 原著喺2020-10-07歸檔. 喺2018-08-25搵到.
  27. ↑ Hawk, Keith (30 September 2013). "October birthday reminders – Do you share a birthday with someone from "Potter"?". MuggleNet. 原先內容歸檔喺30 November 2020. 喺9 March 2021搵到.
  28. ↑ J·K·羅琳 (2016年12月)。《哈利波特——火盃的考驗》。臺北：皇冠文化。ISBN 978-957-33-1831-6。
  29. ↑ J·K·罗琳 (2003年10月)。《哈利波特——鳳凰會的密令 （下）》。臺北：皇冠文化。ISBN 957-33-1986-1。
  30. ↑ "Behind the scenes: Professor Flitwick". Pottermore. Wizarding World. Warner Bros. Entertainment Inc. 原著喺2019-10-02歸檔. 喺4 January 2019搵到.
  31. ↑ JKRowling.com – F.A.Q. section: Is Flitwick a short human or is he some other type of being? 互聯網檔案館嘅歸檔，歸檔日期2007-09-11.
  32. ↑ "Warwick Davis On New Look Flitwick for the Harry Potter Films - The Leaky Cauldron". 原著喺22 August 2014歸檔.
  33. ↑ J·K·罗琳 (2003年10月)。《哈利波特——鳳凰會的密令 （下）》。臺北：皇冠文化。ISBN 957-33-1986-1。
  34. ↑ J·K·羅琳 (2001年1月)。《哈利波特——消失的密室》。臺北：皇冠文化。ISBN 957-33-1758-3。
  35. ↑ Evan-Cook, Nick (31 July 2015). "Scene Stealers: Kenneth Branagh in Harry Potter and the Chamber of Secrets". One Room With A View. 原著喺2022-06-08歸檔. 喺4 January 2019搵到.
  36. ↑ Harrison, Mark (20 November 2018). "150 facts and geeky spots from JK Rowling's Wizarding World movies". Den of Geek. Dennis Publishing Limited. 原著喺2019-07-11歸檔. 喺4 January 2019搵到.
  37. ↑ J·K·罗琳 (2003年10月)。《哈利波特——鳳凰會的密令 （下）》。臺北：皇冠文化。ISBN 957-33-1986-1。
  38. ↑ Anelli, Melissa (30 July 2007). "J.K. Rowling Web Chat Transcript". The-Leaky-Cauldron.org. 原著喺2007-08-24歸檔. 喺4 January 2019搵到.
  39. ↑ "J.K. Rowling Web Chat Transcript". The-Leaky-Cauldron.org. 原著喺2007-08-24歸檔. 喺2017-08-16搵到.
  40. ↑ "Extra Stuff section: Gilderoy Lockhart". Jkrowling.com. 原著喺24 June 2007歸檔. 喺4 January 2019搵到.
  41. ↑ J.K.Rowling (2006-03-16). "Section: Extra Stuff Gilderoy Lockhart". J.K.Rowling Official Site. 原著喺2006-03-16歸檔. 喺2018-06-20搵到. {{cite web}}: Unknown parameter |deadurl= ignored (|url-status= suggested) (help)
  42. ↑ J·K·羅琳; 琳賽·費瑟 (2002年7月)。《哈利波特的祕密：與J·K·羅琳對話》。臺北：皇冠。ISBN 957-33-1878-4。
  43. ↑ 〈《哈利·波特与密室》之花絮集锦〉。网易娱乐频道。2002-11-14。原先內容歸檔喺2006-01-03。喺2018-09-08搵到。
  44. ↑ Utichi, Joe (2010-11-03). "The Top 10 Harry Potter Characters". IGN (美國英文). 原先內容歸檔喺2013-07-21. 喺2018-06-20搵到.
  45. ↑ "The 25 Greatest Harry Potter Characters" (英文). Empire. 2011-07-26. 原先內容歸檔喺2018-08-01. 喺2019-07-07搵到.
  46. ↑ Adler, Shawn (17 September 2007). "Harry Potter's Newest Teacher: Jim Broadbent To Play Horace Slughorn in 'Half of Bood Prince'". MTV News. 原先內容歸檔喺2022-06-15. 喺4 January 2019搵到.
  47. ↑ 〈《哈利波特6》七大看點--神秘的斯拉格霍恩教授〉。北美新浪。2009-07-14。原先內容歸檔喺2018-06-18。喺2018-06-18搵到。
  48. ↑ Scholastic Chat 互聯網檔案館嘅歸檔，歸檔日期2018年10月25號，.. accio-quote.org.
  49. ↑ "Wizard of the Month for October". JK Rowling. 20 October 2007. 原著喺2009-03-02歸檔. 喺20 October 2007搵到. {{cite news}}: Unknown parameter |deadurl= ignored (|url-status= suggested) (help)
  50. ↑ Rowling, J. K.Template:HP7ref
  51. ↑ Button, Simon (29 November 2015). "Bridget Jones actress Gemma Jones: Pamela is still being irritating, loveable and ghastly". Daily Express. Express Newspapers. 原著喺2022-06-08歸檔. 喺4 January 2019搵到.
  52. ↑ "Miriam Margolyes: I love actors". Evening Post. South Wales. 25 September 2008. 原著喺2009-05-20歸檔. 喺24 January 2009搵到.
  53. ↑ "J. K. Rowling Webchat Transcript". Bloomsbury Publishing. 30 July 2007. 原著喺6 January 2008歸檔. 喺4 January 2019搵到.
  54. ↑ Rowling, J. K. (26 June 1997). Harry Potter and the Philosopher's Stone. Bloomsbury Publishing. p. 55. ISBN 0-7475-3269-9.
  55. ↑ "Ian Hart: Hostage to fortune". Idenpendent. 19 March 2004. 原著喺2019-01-05歸檔. 喺4 January 2019搵到.
  56. ↑ Seales, Julia. "Everything We Know About Professor Trelawney". Bustle (英文). 原先內容歸檔喺2018-06-30. 喺2018-06-30搵到.
  57. ↑ Rowling, J.K. (1999). Harry Potter and the Prisoner of Azkaban, p. 102.
  58. ↑ J·K·罗琳 (2003年10月)。《哈利波特——鳳凰會的密令 （下）》。臺北：皇冠文化。ISBN 957-33-1986-1。
  59. ↑ Oulton, Emma. "Why Sybill Trelawney Deserves A Little More Respect". Bustle (英文). 原先內容歸檔喺2018-06-30. 喺2018-06-30搵到.
  60. ↑ Her namesakes, the prophetesses of mythological Greece, were named the "Sibyls" ('Σίβυλλα)
  61. ↑ Wakeman, Gregory (2015). "Emma Thompson Pretty Much Threw The Harry Potter Franchise Under The Knight Bus". Cinema Blend. 原著喺2022-06-08歸檔. 喺4 January 2019搵到.
  62. ↑ Harp, Justin (23 September 2016). "Terence Bayler - who played Bloody Baron in the Harry Potter series - dies at 86". Digital Spy. Hearst UK. 原著喺2022-06-10歸檔. 喺4 January 2019搵到.
  63. ↑ Lopez, John (10 December 2010). "Boardwalk Empire's Kelly MacDonald on Scorsese, the Coens, and Her Future in the Show". Vanity Fair. 原先內容歸檔喺13 December 2010. 喺16 December 2010搵到.
  64. ↑ Gray, Mike (2001). Shanthakumar, Ashmita; Bartlett, Bridget (編). "Deathday party other ghosts essay: the Hogwarts Ghosts". The Harry Potter Lexicon. Warner Bros. 原先內容歸檔喺16 January 2004. 喺4 January 2019搵到.
  65. ↑ "J.K. Rowling". 原著喺14 May 2008歸檔. 喺4 January 2019搵到.

其他備註

[編輯]
  1. ↑ 喺《哈利波特：死神的聖物》入面，霍格華茲副校長麥教授曾經對哈利·波特講：「我哋啲教授嘅魔法都好高強，波特，呢個你都知道啦。」
  2. ↑ 代替魔法部部長頒布魔法部決議嘅《教育章程》。
由「https://zh-yue.wikipedia.org/w/index.php?title=霍格華茲教職員&oldid=2322213」收