2025年山东高密友道化学有限公司爆炸事故

2025年5月27号中午11:57左右，中华人民共和国山东省潍坊市高密市个山东友道化学有限公司工厂发生爆炸，至少5人死脱，19人受伤，6人失踪。爆炸原因还勒垃调查。

背景

山东友道化学有限公司是一家2019年成立个化工企业，勒垃山东省潍坊市高密市仁和化工园区。公司通过连续流技术生产农药大战医药中间体，是豪迈集团个子公司，是全球顶大个氯虫苯甲酰胺生产商，年产量约11,000吨。

爆炸

2025年5月27号中午11:57左右，工厂一隻车间里向发生爆炸。目击者报告表示，爆炸产生邪气大个火球，浓烟升到几百米高空，冲击波震碎3公里内向个小区个窗。

伤亡破坏

到2025年5月27号，爆炸造成5人死脱，19人受伤，6人失踪。爆炸对工厂搭仔周边地区造成重大破坏，附近建筑个窗裂开来。

响应

事故发生以后，当地消防部门出动55部消防车搭仔232名救援人员。应急管理部部署国家消防救援队帮专业工作场所应急响应单位协助搜救。