Blockchain
E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.
Un blockchain (lit. kadena di blòki) ta un sistema pa almasenamentu di dato den un kadena di blòki, kaminda blòkinan no por wòrdu modifiká. Blòki por wòrdu agregá solamente na final di e kadena. Un blòki ta kontené algun transakshon, ku ta e resultado di petishon i komandonan di transakshon emití.
E poseshon di un kantidat di kriptovaluta riba blockchain ta surgí na e momentu ku un suma ta wòrdu transferí, esaki ta resulta den un asina yamá output-transakshon, ku ta wòrdu registrá den un blòki nobo. Si e propietario gast'é òf kombertí esaki, e ta wòrdu registrá tambe den un blòki nobo, kaminda e registrashon anterior no por wòrdu kambia, pero no ta representá e poseshon mas. Ora di ehekutá un transakshon, tur siguiente blòkinan ta wòrdu kontrolá pa sigurá ku e suma no a sali kaba.
Banda di transakshon, blockchain por kontené otro dato tambe, manera akta di propiedat, palabrashon òf mensahenan personal. Un karakterístika di blockchain ta ku e por funshoná sin un outoridat sentral. Esaki ta hasi'e imposibel pa falsifiká dato dor di korumpí un solo punto sentral. Implementashonnan konosí di blockchain ta inkluí, entre otro, Bitcoin, ku e kriptovaluta bitcoin (BTC), i Ethereum, ku e kriptovaluta ehter (ETH).
Un blockchain ta un sistema verifikabel den kua blòki susesivo ta interkonektá di tal manera ku, den práktika, e kadena por solamente wòrdu ekstendé òf partí. No ta posibel pa uni takinan individual. Blòkinan dividí (lila) ta forma kadenanan separá i no por bolbe uni na e kadena prinsipal (pretu). E diseño di un blockchain ta un ehèmpel di seguridat pa medio di diseño i konsenso desentralisá.
Referensia
|