Chu Io̍k-hiân
 | 這篇文章有漢字兮版本。 參考這篇文章兮漢字版本。 |
| Chu Io̍k-hiân 朱育賢 | |||
|---|---|---|---|
(cropped).jpg?lang=zh-min-nan) 2020 nî ê Chu Io̍k-hiân | |||
| Bī-choân Liông – No. 11 | |||
| it-lúi-chhiú, gōa-iá-chhiú | |||
Chhut-sì: 1991 nî 11 goe̍h 26 ji̍t (33 hòe) Tiong-hôa Bîn-kok Sin-tek-chhī Hiong-san-khu | |||
| |||
| Chho͘-chhù chhut-sài | |||
| 2016 nî 3 goe̍h 19, tī Lamigo Thô-oân | |||
| Seng-gâi sò͘-kì thóng-kè (chì 2024 nî ûi-chí) | |||
| Táⁿ-kek-lu̍t | 0.311 | ||
| An-táⁿ | 994 | ||
| Choân-lûi-táⁿ | 169 | ||
| Táⁿ-tiám | 649 | ||
| Thau-luí | 7 | ||
| Tūi-ngó͘ | |||
|
| |||
| Seng-gâi cheng-chhái piáu-hiān kah ti̍t-chióng | |||
|
| |||
| Tit-kàu ê chióng | ||
|---|---|---|
Tāi-piáu  Tiong-hôa Tâi-pak
| ||
| Lâm-chú iá-kiû | ||
| Sè-kài Iá-kiû 12-kiông Sài | ||
 |
2024-nî Tang-kiaⁿ | Thoân-tūi |
Chu Io̍k-hiân (1991 nî 11 goe̍h 26 chhut-sì ), sī Tâi-oân ê chit-gia̍p iá-kiû soán-chhiú, bo̍k-chiân tī Tiong-hôa Chit-pāng Bī-choân Liông.
Chu Io̍k-hiân kok-tiong ê sî chiah khai-sí phah iá-kiû, āu-lâi ka-ji̍p Tāi-lí Ko-tiong Chheng-pāng-tūi, Tiong-kok Bûn-hòa Tāi-ha̍k Iá-kiû-tūi. 2015 nî kùi-tiong soán-siù hō͘ Lamigo Thô-oân í tē-7-lûn, tē-28 sūn-ūi kéng ji̍p-khì, siú-pī ūi-tì sī it-lúi-chhiú, gōa-iá-chhiú. 2024 nî, Chu Io̍k-hiân hêng-sú chū-iû kiû-oân khoân-lī, chòe-āu í 4 nî 4800-bān ê ha̍p-iok choán-tūi kàu Bī-choân Liông.
Keng-le̍k
[siu-kái | kái goân-sí-bé](cropped).jpg?lang=zh-min-nan)
- Tâi-pak-chhī Tiông-khèng Kok-tiong Chheng-siàu-pāng-tūi
- Tâi-pak-chhī Tāi-lí Ko-tiong Chheng-pāng-tūi
- Bûn-hòa Tāi-ha̍k (Bí-hu Kī-jîn) Iá-kiû-tūi
- Chông-oa̍t Chún-eng (2014 nî 5 goe̍h 24－8 goe̍h)
- Kok-hùn Iá-kiû-tūi (2014 nî 10 goe̍h－2015 nî 10 goe̍h)
- Tiong-hôa Chit-pāng Lamigo Thô-oân (2015 nî 11 goe̍h 1 hō－2019 nî 12 goe̍h 16)
- Tiong-hôa Chit-pāng Lo̍k-thian Thô-oân (2019 nî 12 goe̍h 17－2024 nî)
- Tiong-hôa Chit-pāng Bī-choân Liông (2025 nî－)
Te̍k-sû Kì-lo̍k
[siu-kái | kái goân-sí-bé]2016 nî 4 goe̍h 8 hō tī Sin-chng Iá-kiû-tiôⁿ tùi-chiàn Tiong-sìn Hiaⁿ-tīê pí-sài, tī 9-kio̍k-siōng tāi-táⁿ, phah chhut chi̍t-ki jī-lúi an-táⁿ, sī seng-gâi thâu-chi̍t-ki an-táⁿ.
2016 nî 5 goe̍h 7 hō tī Thô-hn̂g Iá-kiû-tiôⁿ tùi-chiàn Gī-tāi Sai-gû, bīn-tùi Lansford kòng chhut seng-gâi thâu-chi̍t-ki hőng-bú-láng.
2016 nî 7 goe̍h 24 tī Sin-chng Iá-kiû-tiôⁿ tùi-chiàn Tiong-sìn Hiaⁿ-tī, thâu-chi̍t-pái ta̍t-sêng tan-tiôⁿ siang-hiáng-phàu.
2016 nî 8 goe̍h 12 tī Thô-hn̂g Kiû-tiôⁿ tùi-chiàn Gī-tāi Sai-gû ê pí-sài, tāi-táⁿ bīn-tùi Lōa Hông-sêng kòng chhut seng-gâi thâu-chi̍t-ki móa-lúi choân-lúi-táⁿ, sī Tiong-hôa Chit-pāng sú-siōng tē-11-ki tāi-táⁿ móa-lúi choân-lúi-táⁿ.
2017 nî 6 goe̍h 9 hō tī Thô-hn̂g Kiû-tiôⁿ tùi-chiàn Thóng-it 7-ELEVEn Sai, 9-kio̍k-hā bīn-tùi DeMark phah chhut seng-gâi thâu-chi̍t-ki chài-kiàn an-táⁿ.
2017 nî 11 goe̍h 18 tī Tang-kiaⁿ Kī-tàn kí-hêng ê Tē-1-kài A-chiu Chit-pāng Koan-kun Cheng-pà-sài tùi-chiàn Ji̍t-pún-tūi, 9-kio̍k-hā bīn-tùi Se-bú Sai ê tâu-chhiú Hirai Katsunori, kòng chhut tiong-chó-gōa-iá hong-hiòng ê ko͘-hun choân-lúi-táⁿ, pang-chō͘ Tâi-oân tit-tio̍h kui kài pí-sài ê thâu-chi̍t-hun[1], lo̍h-bóe mā tit-tio̍h pún-kài sài-sū Chòe-ka 10-jîn it-lúi-chhiú.[2][3]
2019 nî 4 goe̍h 9 hō tī Thô-hn̂g Kiû-tiôⁿ tùi-chiàn Thóng-it 7-ELEVEn Sai, 9-kio̍k-hā bīn-tùi Khu Hō-kun kòng chhut seng-gâi thâu-chi̍t-ki chài-kiàn hőng-bú-láng, m̄-nā sī tan-tiôⁿ MVP, mā chiâⁿ-chò Tiong-hôa Chit-pāng sú-siōng thâu-chi̍t-ūi tan-tiôⁿ siang-hiáng-phàu sī "móa-lúi choân-lúi-táⁿ + chài-kiàn hőng-bú-láng" ê soán-chhiú[4].
2019 nî 6 goe̍h 29 tī Sin-chng Iá-kiû-tiôⁿ tùi-chiàn Hù-pang Hān-chiòng ê pí-sài, 3-kio̍k-siōng bīn-tùi Tân Sū-pêng kòng chhut pòaⁿ-kùi tē-21-hong, kah 1996 nî hā-pòaⁿ-kùi Sî-pò Eng ê Denny só͘ chhòng-chō ê Tiong-chit kì-lo̍k pêⁿ chè[5], 8-kio̍k-siōng bīn-tùi Iûⁿ-pin kòng chhut pòaⁿ-kùi tē-22 hong, phòa Tiong-chit 30-nî lâi ê kì-lo̍k[6].
2019 nî 8 goe̍h 24, tī Chiu-chè Iá-kiû-tiôⁿ tùi-chiàn Tiong-sìn Hiaⁿ-tī, tan-tiôⁿ 3-ki siang-sat-táⁿ, liân-sòa 3-ê táⁿ-se̍k siang-sat lóng kah liân-bêng kì-lo̍k pêⁿ chē.
2020 nî 4 goe̍h 15, tī Thô-hn̂g Kiû-tiôⁿ tùi-chiàn Thóng-it 7-ELEVEn Sai, Chu Io̍k-hiân seng-gâi thâu-chi̍t-pái tan-tiôⁿ 3-hiáng-phàu, jî-chhiáⁿ tē-2 hong koh pang-chō͘ kiû-tūi tī iân-tn̂g-sài lāi-té phah tńg-khì pêⁿ-chhiú ê kio̍k-bīn, tē-3 hong bīn-tùi Lâu Hian-tap kòng chhut chài-kiàn hőng-bú-láng. Keh-ji̍t koh kòng chhut tan-tiôⁿ siang-hiáng-phàu, 2-kang lóng-chóng 5-ki hőng-bú-láng, kah hit-tang-chūn tiàm Tiong-sìn Hiaⁿ-tī ê Chan Tô-iông tī 2017 nî 5 goe̍h 5 hō-6 hō chhòng ê kì-lo̍k pêⁿ chē. Khó-sioh Chu io̍k-hiân tī 8-kio̍k-hā hőng ōaⁿ lo̍h-khì, bô-iân thiau-chiàn liân-sòa 2-kang 3-hiáng-phàu ê kì-lo̍k[7].
2020 nî 4 goe̍h 25, tī Tâi-lâm Iá-kiû-tiôⁿ tùi-chiàn Thóng-it Sai, thâu-chi̍t-kio̍k tio̍h kòng chhut 2-hun-phàu, chhòng-chō khai-kùi 8-chiàn 8 hong ê kì-lo̍k, mā chhiau-kòe 1999 nî Hiaⁿ-tī Chhiōⁿ iông-phàu Ted Wood khai-kùi 14-tiôⁿ kòng chhut 8 hong ê kì-lo̍k[8].
2020 nî 6 goe̍h 6 hō, tī Thô-hn̂g Kiû-tiôⁿ tùi Hù-pang Hān-chiòngê pí-sài tang-tiong, 2-kio̍k-hā bīn-tùi Sosa kòng chhut tiong-iū-gōa-iá hong-hiòng ê 2-hun hőng-bú-láng, sī Tiong-hôa Chit-pāng tē-10,000-ki hőng-bú-láng[9].
2020 nî 8 goe̍h 9 hō, tī Chiu-chè Iá-kiû-tiôⁿ tùi-chiàn Tiong-sìn Hiaⁿ-tīê pí-sài lāi-té, 2-kio̍k-siōng bīn-tùi Chiu Lúi kòng chhut tiong-iū-gōa-iá hong-hiòng ê ko͘-hun hőng-bú-láng, sī seng-gâi tē-100 hong[10]。
2021 nî 10 goe̍h 14 tùi-chiàn Tiong-sìn Hiaⁿ-tī kòng chhut hőng-bú-láng, sī Lo̍k-thian Thô-oân tūi-sú ê tē-1700 hong.
2021 nî 10 goe̍h 30, kòng chhut sài-kùi tē-20 hong, oân-sêng liân-sòa 3-nî 20 hong, sī Tiong-hôa Chit-pāng tē-3-lâng, pún-thó͘ tē-2-lâng[11].
2021 nî 11 goe̍h 11, tùi-chiàn Hù-pang Hān-chiòng tâu-chhiú Nâ Khái-chheng kòng chhut tiong-chó-gōa-iá hong-hiòng chài-kiàn hőng-bú-láng, sī seng-gâi tē-3-ki chài-kiàn hőng-bú-láng.
2023 nî 6 goe̍h 1 hō, tùi-chiàn Thóng-it Sai tâu-chhiú Keyvius kòng chhut tiong-gōa-iá hong-hiòng ê 2-hun hőng-bú-láng, oân-sêng seng-gâi tē-150 hong.
2024 nî 5 goe̍h 10 hō, tùi-chiàn Thóng-it Sai tâu-chhiú Kó͘-lîm Jōe-iōng phah chhut an-táⁿ, oân-sêng seng-gâi tē-900-ki an-táⁿ.
2024 nî 11 goe̍h 24, 2024 nî Sè-kài Iá-kiû 12-kiông Sài tùi-chiàn Ji̍t-pún, thè-pó͘ tio̍h-siong lo̍h-tiôⁿ ê Phoaⁿ Kia̍t-khái tam-jīm it-lúi-chhiú, 9-kio̍k-hā iōng chài-kiàn siang-sat kiat-sok pí-sài, hō͘ Tiong-hôa-tūi tit-tio̍h koan-kun.
2024 nî-té soan-pò͘ hêng-sú chū-iû kiû-oân (FA) khoân-lī, lo̍h-bóe tī 12 goe̍h 12 í 4 nî 4800-bān ê ha̍p-iok chèng-sek choán-tūi kàu Bī-choân Liông[12].
2025 nî 4 goe̍h 5 hō, tī Thian-bú Iá-kiû-tiôⁿ tùi-chiàn Hù-pang Hān-chiòng, 5-kio̍k-hā bīn-tùi Iû Têng-ui kòng chhut chi̍t-ki ko͘-hun hőng-bú-láng, mā-sī i seng-gâi tē-1000-ki an-táⁿ, sī Tiong-chit tē-30-ūi ta̍t-sêng ê soán-chhiú. Lēng-gōa iōng hőng-bú-láng ta̍t-sêng chhian-an sī Tiong-chit sú-siōng tē-jī-ūi (thâu-chi̍t-ūi sī Tiuⁿ Chì-hô)[13]. Kāng-chi̍t-ji̍t Tiong-sìn Hiaⁿ-tī ê Ông Ui-sîn mā phah chhut seng-gâi tē-1000-ki an-táⁿ, sī liân-bêng thâu-chi̍t-pái chhut-hiān nn̄g-ê lâng tī kâng-chi̍t-ji̍t ta̍t-sêng chhian-an ê chêng-hêng.
Chit-pāng Seng-gâi Sêng-chek
[siu-kái | kái goân-sí-bé]Tiong-hôa Chit-pāng
[siu-kái | kái goân-sí-bé]- (Chho͘-o͘-jī sī hit-nî siōng-koân ia̍h siōng-hó ê sêng-chek)
| Nî-tō͘ | Kiû-tūi | Chhut-sài | Táⁿ-sò͘ | An-táⁿ | Hőng-bú-láng | Táⁿ-tiám | Thau-luí | Sa̋n-sín | Sì-sí | Lúi-táⁿ-sò͘ | Siang-sat | Táⁿ-kek-lu̍t | Chiōⁿ-lúi-lu̍t | Tn̂g-táⁿ-lu̍t | OPS |
|---|---|---|---|---|---|---|---|---|---|---|---|---|---|---|---|
| 2016 | Lamigo Thô-oân | 91 | 244 | 86 | 15 | 58 | 0 | 62 | 44 | 150 | 5 | 0.352 | 0.459 | 0.615 | 1.074 |
| 2017 | 112 | 364 | 112 | 27 | 83 | 1 | 89 | 50 | 222 | 5 | 0.308 | 0.399 | 0.610 | 1.009 | |
| 2018 | 98 | 326 | 104 | 12 | 82 | 1 | 71 | 31 | 156 | 8 | 0.319 | 0.377 | 0.479 | 0.856 | |
| 2019 | 118 | 458 | 159 | 30 | 105 | 0 | 105 | 38 | 277 | 12 | 0.347 | 0.398 | 0.605 | 1.003 | |
| 2020 | Lo̍k-thian Thô-oân | 103 | 357 | 126 | 27 | 70 | 0 | 80 | 30 | 229 | 8 | 0.353 | 0.406 | 0.641 | 1.047 |
| 2021 | 98 | 366 | 114 | 22 | 81 | 2 | 71 | 24 | 194 | 8 | 0.311 | 0.367 | 0.530 | 0.897 | |
| 2022 | 92 | 319 | 74 | 11 | 49 | 1 | 73 | 22 | 126 | 6 | 0.232 | 0.289 | 0.395 | 0.684 | |
| 2023 | 104 | 363 | 100 | 13 | 62 | 1 | 88 | 36 | 163 | 16 | 0.275 | 0.335 | 0.449 | 0.804 | |
| 2024 | 111 | 404 | 119 | 12 | 59 | 1 | 84 | 24 | 171 | 10 | 0.295 | 0.345 | 0.423 | 0.768 | |
| Ha̍p-kè | 9-tang | 927 | 3201 | 994 | 169 | 649 | 7 | 723 | 306 | 1688 | 78 | 0.311 | 0.376 | 0.527 | 0.923 |
Chham-khó Chu-liāu
[siu-kái | kái goân-sí-bé]- ↑ 劉峻誠 (2017-11-18). "亞冠賽／朱育賢9局開轟帶攻勢無用 2比8輸日無緣冠軍戰" (ēng Hôa-gí). ETtoday新聞雲. Goân-pún bāng-ia̍h Pó-chûn tī 2021-05-14. 2020-09-07 khòaⁿ--ê.
- ↑ "Award - 2017 Asia Professional Baseball Championship" (ēng Eng-gí). Nippon Professional Baseball Organization. Goân-pún bāng-ia̍h Pó-chûn tī 2018-04-18. 2020-09-06 khòaⁿ--ê.
- ↑ 艾碧思 (2017-11-20). "亞冠賽》大會最佳十人出爐 台灣這兩人入選" (ēng Hôa-gí). 麗台運動報. Goân-pún bāng-ia̍h Pó-chûn tī 2020-06-14. 2020-09-06 khòaⁿ--ê.
- ↑ 中華職棒30年編號第23場例行賽比賽記分板 Archived 2019-04-19 at the Wayback Machine.，20190409
- ↑ 中職》朱育賢狂敲半季第21轟 追平中職紀錄 Archived 2019-06-30 at the Wayback Machine.，中時電子報，20190629
- ↑ 中職》朱育賢敲半季第22轟 破中職30年紀錄 Archived 2020-10-23 at the Wayback Machine.，中時電子報，20190629
- ↑ 中職／朱育賢差點破大帝紀錄 曾豪駒：我的疏忽 Archived 2020-04-24 at the Wayback Machine.，NOWnews，20200416
- ↑ 開季8場8轟！朱育賢締造中職史上最狂紀錄 Archived 2020-05-08 at the Wayback Machine.，自由時報，2020-04-25
- ↑ 蘇志畬 (2020-06-06). "萬轟達成／史上1萬轟出爐 朱育賢一砲為球隊留名" (ēng Hôa-gí). 聯合報. Goân-pún bāng-ia̍h Pó-chûn tī 2021-01-05. 2020-06-13 khòaⁿ--ê.
- ↑ 鄧心瑜. "中職》朱育賢百轟達陣第4快 聯盟第22人". 中時新聞網. Goân-pún bāng-ia̍h Pó-chûn tī 2021-05-08. 2020-08-09 khòaⁿ--ê.
- ↑ "中職／不彈球也難不倒 朱育賢連3年20轟史上第3人". Goân-pún bāng-ia̍h Pó-chûn tī 2021-11-06. 2021-11-01 khòaⁿ--ê.
- ↑ "中職／朱育賢簽4年4800萬合約 味全龍已交25人名單！樂天桃猿年底交卷". Goân-pún bāng-ia̍h Pó-chûn tī 2025-01-20. 2024-12-12 khòaⁿ--ê.
- ↑ "中職》戲劇性！世界冠軍朱育賢開轟達陣千安 前一位是兄弟重砲". 2025-04-05 khòaⁿ--ê.
Gōa-pō͘ Liân-kiat
[siu-kái | kái goân-sí-bé]Tâi-oân Pāng-kiû Wiki-koán：朱育賢(1991)(Hàn-gí)
- Chu Io̍k-hiân ê Facebook choan-ia̍h
- Chu Io̍k-hiân tī Instagram
| Chióng-hāng | ||
|---|---|---|
| chêng-jīm: Tân Kia̍t-hiàn |
Tiong-hôa Chit-pāng An-táⁿ-ông 2019 nî |
kè-jīm: Tân Kia̍t-hiàn |
| chêng-jīm: Aluken Fanu Lîm An-khó |
Tiong-hôa Chit-pāng Choân-lûi-táⁿ-ông 2019 nî 2021 nî |
kè-jīm: Lîm An-khó Giljegiljaw |
| chêng-jīm: Lîm An-khó |
Tiong-hôa Chit-pāng Táⁿ-tiám-ông 2021 nî |
kè-jīm: Lîm Li̍p |
| chêng-jīm: Tân Chùn-siù |
Tiong-hôa Chit-pāng nî-tō͘ MVP 2019 nî |
kè-jīm: de Paula |
| chêng-jīm: Tân Sîn-ui |
Tâi-oân Tōa-sài Iu-siù Kiû-oân-chióng (pāi-hong) 2023 nî |
kè-jīm: Lîm Ka-hūi |
| ||||||||||||
| ||||||||||||
| ||||||||||||
| ||||||||||||||||||||||||||||||||
| ||||||||||||||||||||||||||||||||