Tân Koàn-úi
 | 這篇文章有漢字兮版本。 參考這篇文章兮漢字版本。 |
| Tân Koàn-úi 陳冠偉 | |||
|---|---|---|---|
| Bī-choân Liông – No. 59 | |||
| Tâu-chhiú | |||
Chhut-sì: 1996 nî 10 goe̍h 28 ji̍t (28 hòe) Tiong-hôa Bîn-kok Tâi-tiong-chhī | |||
| |||
| Chho͘-chhù chhut-sài | |||
| 2021 nî 9 goe̍h 15, tī Bī-choân Liông | |||
| Seng-gâi sò͘-kì thóng-kè (chì 2024 nî ûi-chí) | |||
| sèng-tâu — pāi-tâu | 14－12 | ||
| sa̋n-sín－sì-sí | 219－56 | ||
| hông-gū-lu̍t | 2.23 | ||
| Tūi-ngó͘ | |||
|
| |||
| Seng-gâi cheng-chhái piáu-hiān kah ti̍t-chióng | |||
|
| |||
| Tit-kàu ê chióng | ||
|---|---|---|
Tāi-piáu  Tiong-hôa Tâi-pak
| ||
| Lâm-chú iá-kiû | ||
| Sè-kài Iá-kiû 12-kiông Sài | ||
 |
2024-nî Tang-kiaⁿ | thoân-tūi |
Tân Koàn-úi (1996 nî 10 goe̍h 28 chhut-sì ), sī Tâi-oân ê iá-kiû ūn-tōng-oân, bo̍k-chiân tī Tiong-hôa Chit-pāng Bī-choân Liông hāu-le̍k, siú-pī ūi-tì sī tâu-chhiú. A-pah sī bat tī Hèng-lông Gû chò chóng-kàu-liān, chit-má ê Tâi-kǹg Kho-tāi Iá-kiû-tūi chóng-kàu-liān Tân ui-sêng[1].
Seng-gâi
[siu-kái | kái goân-sí-bé]Ko-tiong tha̍k Chiong-hòa Gē-su̍t Ko-tiong, pit-gia̍p liáu-āu tha̍k Kok-li̍p Tâi-oân Thé-io̍k Ūn-tōng Tāi-ha̍k, pēng-chhiáⁿ tī 2016 nî kàu Bí-kok chham-ka hia ê hā-kùi liân-bêng[2]。
2019 nî, tāi-ha̍k pit-gia̍p liáu-āu thong-kòe Tiong-hôa Chit-pāng kí-pān ê chhek-chhì-hōe, pēng-chhiáⁿ-tī soán-siù-hōe téng-koân hō͘ sin sêng-li̍p ê Bī-choân Liông í tē-17-lûn tē-52-ūi chí-miâ. 2020 nî tī jī-kun chhut-sài 37-tiôⁿ pí-sài, 2 sèng 3 pāi, ū 10 pái tiòng-kè sêng-kong, hông-gū-lu̍t 3.44, 2021 nî sui-jiân kàu 9 goe̍h chiah thâu-chi̍t-pái tī it-kun chhut-sài, tān-sī i mā chhòng-chō chho͘-teng-pán khai-sí liân-sòa 11-tiôⁿ pí-sài lóng bô sit-hun ê kì-lo̍k, chū-án-ne chiâⁿ-chò Bī-choân ê pò͘-kio̍k tâu-chhiú, 2021 nî chhut-sài 27-tiôⁿ pí-sài, 3 sèng 1 pāi, 8-pái tiòng-kè sêng-kong, hông-gū-lu̍t 1.80.
2022 nî, in-ūi kùi-tiong kiû-tūi thàu-kòe soán-siù-hōe kéng-tio̍h Lîm Khái-ui, pēng-chhiáⁿ hō͘ Woodall tùi chiong-kiat-chiá kái tńg-khì sian-hoat tâu-chhiú[3], só͘-í chóng-kàu-liān Ia̍p Kun-chiong koat-tēng hō͘ Tân Koàn-úi tam-jīm chiong-kiat-chiá ê ūi-tì, pēng-chhiáⁿ sêng-kong tī hit-nî the̍h-tio̍h 9-pái kiù-oān sêng-kong, lo̍h-bóe í 49-tiôⁿ chhut-sài 3 sèng 2 pāi, 8-pái tiòng-kè, 9-pái kiù-oān ê sêng-chek tit-tio̍hTiong-hôa Chit-pāng Sin-jîn-ông[4].
2023 nî, hőng kéng ji̍p-khì Sè-kài Iá-kiû Keng-tián-sài, m̄-koh tī pí-sài lāi-té lóng ū sit-hun, mā in-ūi ke khah-chá khui-ki chō-sêng tī lē-hêng-sài lāi-té piáu-hiān khah bái lo̍h-khì jī-kun[5], keng-kòe tiâu-chéng liáu-āu chiah tńg-khì it-kun, pēng-chhiáⁿ tī 5 goe̍h 6 hō tâu-chhut seng-gâi tē-100-pái sa̋n-sín, í 316 táⁿ-se̍k ta̍t-sêng seng-gâi 100-pái sa̋n-sín, chiâⁿ-chò Tiong-hôa Chit-pāng pún-thó͘ tâu-chhiú ê sin kì-lo̍k[6].
2024 nî hőng kéng ji̍p-khì Sè-kài Iá-kiû 12-kiông Sài ê kok-ka-tūi miâ-toaⁿ lāi-té, lo̍h-bóe Tiong-hôa-tūi tit-tio̍h Tâi-oân tī 3-tōa-sài (Ò-ūn, 12-kiông, Keng-tián-sài) ê thâu-chi̍t-ê koan-kun.
Chit-pāng Seng-gâi Sêng-chek
[siu-kái | kái goân-sí-bé]| Nî-tō͘ | Kiû-tūi | Chhut-sài | Sian-hoat | Sèng-tâu | Pāi-tâu | Tiong-kè | Kiù-oān | Oân-tâu | Oân-hong | Sì-sí | Sa̋n-sín | Chek-sit | Tâu-kiû kio̍k-sò͘ | Chū-chek-hun-lu̍t | Hőng chiōⁿ-lúi-lu̍t |
|---|---|---|---|---|---|---|---|---|---|---|---|---|---|---|---|
| 2021 | Bī-choân Liông | 27 | 0 | 3 | 1 | 8 | 0 | 0 | 0 | 6 | 29 | 5 | 25.0 | 1.80 | 0.80 |
| 2022 | 49 | 0 | 3 | 2 | 8 | 9 | 0 | 0 | 17 | 61 | 16 | 46.0 | 3.13 | 0.89 | |
| 2023 | 58 | 0 | 5 | 5 | 11 | 14 | 0 | 0 | 18 | 57 | 13 | 55.0 | 2.13 | 1.15 | |
| 2024 | 58 | 0 | 3 | 4 | 7 | 22 | 0 | 0 | 15 | 72 | 11 | 56.0 | 1.77 | 0.91 | |
| Ha̍p-kè | 4-tang | 192 | 0 | 14 | 12 | 34 | 45 | 0 | 0 | 56 | 219 | 45 | 182.0 | 2.23 | 0.96 |
Chham-khó Chu-liāu
[siu-kái | kái goân-sí-bé]- ↑ "家有球星老爸 星二代奮起接「棒」". 自由時報. 2021-03-16. Goân-pún bāng-ia̍h Pó-chûn tī 2022-12-13. 2022-12-13 khòaⁿ--ê.
- ↑ "台灣8將赴美 挑戰大學夏季聯盟". 自由時報. 2016-06-01. Goân-pún bāng-ia̍h Pó-chûn tī 2022-12-13. 2022-12-13 khòaⁿ--ê.
- ↑ "完全同意陳冠偉扛終結者 伍鐸談他投球特別之處". TSNA. 2022-09-16. Goân-pún bāng-ia̍h Pó-chûn tī 2022-12-13. 2022-12-13 khòaⁿ--ê.
- ↑ "中職》虎父無犬子！ 陳冠偉勇奪年度新人王". 自由時報. 2022-11-30. Goân-pún bāng-ia̍h Pó-chûn tī 2022-12-13. 2022-12-13 khòaⁿ--ê.
- ↑ "中職》首位經典賽國手下放二軍 新人王開季防禦率破6". 自由時報. 2023-04-07. Goân-pún bāng-ia̍h Pó-chûn tī 2023-11-09. 2023-11-09 khòaⁿ--ê.
- ↑ "中職／低調神紀錄！陳冠偉土投最速百K 逾3個月才被發現". 聯合新聞網. 2023-08-27. Goân-pún bāng-ia̍h Pó-chûn tī 2023-11-09. 2023-11-09 khòaⁿ--ê.
Gōa-pō͘ Liân-kiat
[siu-kái | kái goân-sí-bé]Tâi-oân Pāng-kiû Wiki-koán：Koàn-úi Tân Koàn-úi(Hàn-gí)
| ||||||||||||
| ||||||||||||||||||||||||||||||||
| ||||||||||||||||||||||||||||||||