Cystoderma carcharias var. fallax
| Cystoderma carcharias var. fallax | |
|---|---|
 | |
| Sailkapen zientifikoa | |
| Erreinua | Fungi |
| Filuma | Basidiomycota |
| Klasea | Agaricomycetes |
| Ordena | Agaricales |
| Familia | Agaricaceae |
| Generoa | Cystoderma |
| Espeziea | Cystoderma carcharias |
| Barietatea | Cystoderma carcharias var. fallax I.Saar, 2009 |
| Basionimoa | Cystoderma fallax |
Cystoderma carcharias var. fallax Agaricaceae familiako onddo espezie bat da.[1] Ez du interes gastronomikorik, toxikotasunen bat izateko arriskuarekin.
Sinonimoa: Cystoderma intermedium.
Deskribapena
[aldatu | aldatu iturburu kodea]Kapela: 2 eta 5 cm bitarteko diametrokoa, lehorra, ez da likatsua, pikortsu-flokosoa, hasieran ia hemisferikoa edo ganbila, gero lau samarra. Hori-lehoi kolorekoa edo arre-okre kolorekoa, erdian lehoi-gorrixka kolorearekin. Ertza oxkarratu ikusgarri batekin eta koskekin apaindua.
Orriak: Itsatsiak, zuriak, baina tindu arrosa arin batekin.
Hanka: Kapelaren kolore berekoa eraztunetik oinarriraino, estaldura ezkatatsu pikortsu batekin. Eraztunetik gora kolore zurixka du. Eraztun iraunkorra lepoko-formakoa, oso nabarmena.
Haragia: Okre-arrosa kolorekoa kapelan eta arre-horixka oinean.[2]
Etimologia: Cystoderma terminoak azala anpuluekin edo garatxoekin dituela esan nahi du. Fallax epitetoa latinetik dator, gezurra, engainagarria, esan nahi duen "fallas" hitzetik. Erraz nahas daitekeelako beste espezie batzuekin
Jangarritasuna
[aldatu | aldatu iturburu kodea]Ez da jangarria.[3]
Nahasketa arriskua
[aldatu | aldatu iturburu kodea]Cystoderma amianthinum delakoarekin nahastu daiteke, honek oina ez du hain ikusgarria eta eraztuna ez du hain markatua.[4]
Cystoderma carcharias-ri buruz, lehen Cystoderma fallax edo Cystoderma intermedium bezalako sinonimo taxonomikoak erabiltzen ziren, baina gaur egungo izenarekin ordezkatu dira.
Sasoia eta lekua
[aldatu | aldatu iturburu kodea]Udazkenean, koniferoen basoetako soilguneetan. Espezie taldekoia.
Banaketa eremua
[aldatu | aldatu iturburu kodea]Ipar Amerika, Islandia, Europa, Errusia.[5]
Erreferentziak
[aldatu | aldatu iturburu kodea]- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 363 or. ISBN 84-404-0530-8..
- ↑ (Gaztelaniaz) Cetto, Bruno.. (1987). Guia de los hongos de Europa. Ediciones Omega, S. A. Barcelona, 47 or. ISBN 84-282-0541-6 (T. 3). ISBN: 84-282-0538-8 (O.C.)..
- ↑ (Gaztelaniaz) Ubillos Javier,. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia..
- ↑ Cystoderma carcharias var. fallax: GBIF—the Global Biodiversity Information Facility.
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q131471238