Dispatch
| Dispatch | |
|---|---|
 | |
| Изработувач(и) | AdHoc Studio |
| Издавач(и) | AdHoc Studio |
| Режисер(и) |
|
| Продуцент(и) |
|
| Дизајнер(и) |
|
| Програмер(и) |
|
| Уметник(ци) |
|
| Писател(и) |
|
| Композитор(и) | Ендру Аркади |
| Погон | Unreal Engine 4 |
| Подлоги | |
| Датум на издавање | Епизоди 1–2
Епизоди 3–4
Епизоди 5–6
Епизоди 7–8
|
| Жанр(ови) | авантура, интерактивен филм |
| Режим(и) | едноиграчки |
Dispatch (македонски: Диспечерство) — епизодна авантуристичка игра развиена и објавена од AdHoc Studio. Играта се состои од осум епизоди што биле објавени за PlayStation 5 и Windows во текот на октомври и ноември 2025 г.
Опишана како суперхеројска работна комедија, во Dispatch играчот ја презема улогата на Роберт Робертсон III, поранешен суперхерој познат како Мехамен, кој мора да прифати работа како диспечер за злобници претворени во суперхерои, откако неговиот препознатлив меха-костум е уништен во битка.[1]
Во глумечката постава се вклучени гласовите на Арон Пол, Џефри Рајт, Ерин Ивет, Лора Бејли, Травис Вилингем и Метју Мерсер, како и творците на содржини Џексептикај, MoistCr1TiKaL, Џоел Хејвер, Alanah Pearce и раперот Yung Gravy.
Играта продала над 2 милиони примероци во првиот месец од објавувањето и добила одобрување од критиката.
Играчки процес
[уреди | уреди извор]Поголемиот дел од играчкиот процес се состои од избирање одговори во дијалозите, кои влијаат на заплетот, и навигација на екипата суперхерои по картата на Суперхеројската диспечерска служба. На оваа карта се прикажани злосторствата и повиците од граѓаните; играчот мора стратешки да одлучи кој херој или група херои се најдобри за задачата, врз основа на нивните одлики и лични квалитети. Исто така, значаен дел од играчкиот процес го заземаат миниигрите за пробивање на безбедносните системи.[2][3]
Приказна
[уреди | уреди извор]Главниот лик, суперхеројот Мехамен по име Роберт Робертсон III, е обземен од потрагата по Шрауд — злобникот што е виновен за смртта на неговиот татко. Меѓутоа, за време на една од неговите потраги, Роберт паѓа во заседа поставена од бандата на Шрауд, „Црвен прстен“. Успева да се спаси по чудо, но открива дека неговиот меха-костум бил миниран. Избувнувањето го уништува оклопот, но Роберт преживува.
Губејќи ја надежта за одмазда и силата за борба, тој официјално најавува пензионирање. Набргу потоа, му се обраќа суперхероината Блонд Блејзер. Таа му нуди на Роберт работа како диспечер во месната филијала на СДС (Суперхеројска диспечерска служба), за возврат ветувајќи помош со поправката на легендарниот костум.
Наводи
[уреди | уреди извор]- ↑ Williams, Hayley (12 декември 2024). „Aaron Paul Stars In Superhero Workplace Comedy Game Dispatch“. GameSpot. Посетено на 7 август 2025.
- ↑ Јованчевски, Мартин (2025-10-27). „Dispatch: Суперхерои во канцеларија“. IT.mk. Посетено на 2025-12-06.
- ↑ Randall, Harvey (2025-06-11). „Dispatch is the first Telltale-style game I've played that's delivering on the promise of playing a TV show, and it's even got a compelling management sim tucked inside, too“. PC Gamer (англиски). Архивирано од изворникот 2025-10-07. Посетено на 2025-11-08.