Procelariformes

Procelariformes
Procellariiformes Max Fürbringer 1888
Instancia de taxon
Subclase de Aves mariñas
Categoría taxonómica orde
Taxon superior Austrodyptornithes
Subdivisións Procellariidae Diomedeidae Hydrobatidae Pelecanoididae
Área de distribución Brasil
Clasificación taxonómica
Reino	Animalia
Filo	Chordata
Clase	Aves
Orde	Procellariiformes
Identificadores Freebase /m/0f12v ITIS 174512 OTT 452461
Wikidata G:Commons C:Commons

Os procelariformes (Procellariiformes) son unha orde de aves que se chamou anteriormente Tubinares e aínda en inglés se lles chama tubenoses.

Son aves peláxicas (que se alimentan ao aire libre no océano); todos eles teñen os orificios nasais unidos nun ou dous tubos rectos e as mandíbulas profundamente acanaladas coas puntas encurvadas. As ás son longas e estreitas; os pés son palmados, e o dedo posterior do pé está atrofiado ou é inexistente. A plumaxe é predominantemente negra ou cinza.

Os tubos nasais serven para ulir e para excretar o exceso de sal (estas aves beben auga de mar). Posúen glándulas desalgadoras especiais para levar a cabo este proceso.

As especies de ás máis longas voan usando unha técnica de zigzag para minimizar o batido activo da ala. Aliméntanse de peixes e outras presas mariñas.

A maioría é incapaz de andar en terra, e moitas especies só visitan as súas illas de cría, sempre remotas, pola noite. As excepcións son os grandes albatros e algúns petreis e pardelas. Algunhas especies son capaces de proxectar a curta distancia un aceite repulsivo que producen no estómago, e poden así espantar incluso grandes rapaces. Este aceite é un residuo dixestivo xerado no proventrículo (excepto nos petreis mergulladores).

Especies

Hai un total de 93 especies de Procellariiformes no mundo, repartidas en catro familias:

• Orde Procellariiformes
  • Familia Procellariidae, petreis, pardelas.
  • Familia Diomedeidae, albatros
  • Familia Hydrobatidae, paíños
  • Familia Pelecanoididae, petreis mergulladores

Os Procelariformes están estreitamente emparentados cos Sphenisciformes ou pingüíns.

Na taxonomía de Charles Sibley-Ahlquist, os Procellariiformes están incluídos dentro da orde Ciconiiformes.