Rod Taylor

C'l artìcul chè 'l è scrit in Miranduléś

Rodney Sturt Taylor, cgnusû méj cuma Rod Taylor (Sydney, 11 ad Śnar dal 1930 - Los Angeles, 7 ad Śnar dal 2015), 'l è 'n atōr austragliàṅ naturaliśâ americàṅ.

In dal 1961 'l à dâ la vōś a 'l persunàǵ ad Pongo in dal cartòṅ animâ La carica dei cento e uno dla Walt Disney.

Biugrafìa

Taylor da śōv'n al stùddia a lʼAcadèmia Tècnica e dal Bèli Art ad Sydney, pò al taca a dipìnśar prima 'd pasàr a la recitasiòṅ, laurànd da àtōr a teàt'r e a 'l cìnema in Austràglia. In di di an Sinquànta al s trasferìs a Hollywood in dua, dòp soquànti parti cichi, al tōś part cun la Bette Davis a 'l film stòric Il favorito della grande regina (1955) 'd Henry Koster.

In séguit al rècita in Pranzo di nozze (1956), incóra cun la Davis, e in dal drama Il gigante (1956), c'n un cast ch'al pōl cuntàr anc su l'Elizabeth Taylor, Rock Hudson, la Carroll Baker, Dennis Hopper, Sal Mineo e James Dean, chè a 'l sò ùtim film.

P'r Edward Dmytryk al gira 'l an dòp L'albero della vita, pelìcula cun Montgomery Clift e l'Eva Marie Saint, pò al film dramàtic Tavole separate (1958) cun la Rita Hayworth e Burt Lancaster e la cumèdia Tutte le ragazze lo sanno (1959) cun la Shirley MacLaine e David Niven.

Al cata 'l sucès da prutagunìsta in dal 1960 girànd al fantasientìfic L'uomo che visse nel futuro (1960) ad George Pal, in dua 'l fà 'l inventōr George Wells ch'al viàśa in dal tèmp. In dal 1963 al gira al thriller Gli uccelli 'd Alfred Hitchcock in dua 'l fà 'n avucàt put, Mitch Brenner, ch'al s mét cun la Tippi Hedren, na dóna péna rivàda in dal sò paéś ch'la n piàś minga tant a sò màdar Jessica Tandy. In dal mént'r al gh'à da far frònt a di àtac spavintóś di uśèi a la gint califurgnàna 'd Bodega Bay.

Subìt dòp al gira 'l drama britànic International Hotel cun l'Elizabeth Taylor, Richard Burton e l'Elsa Martinelli e 'l cumèdi Una domenica a New York cun la Jane Fonda e Non disturbate cun la Doris Day. In dal 1970 al lavóra in Itàglia cun Michelangelo Antonioni in Zabriskie Point.

Al sò ùltim film 'l è stâ Bastardi senza gloria ad Quentin Tarantino girâ in dal 2009.

In televiśiòṅ 'l à recitâ in dimóndi telefìlm cuma Ai confini della realtà, I racconti del West, Hong Kong (faghénd al giurnalìsta Glenn Evans), Alla conquista dell'Oregon, Il brivido dell'imprevisto, Masquerade, Falcon Crest (30 epiśòdi in du 'l fava 'l persunàǵ ad Frank Agretti), La signora in giallo e Walker Texas Ranger.

Spuśâ tri vòlti, 'l è mòrt par 'n infàrt in dla sò cà 'd Los Angeles quànd 'l éra drē a cómpiar utànta-sinc an.

Filmugrafìa

1951 - Inland with Sturt, regìa ad Hugh McInnes
1953 - King of the Coral Sea, regìa ad Lee Robinson
1954 - Il ciclone dei Caraibi (Long John Silver), regìa ad Byron Haskin
1955 - Il favorito della grande regina (The Virgin Queen), regìa 'd Henry Koster
1955 - Nessuno mi fermerà (Top Gun), regìa ad Ray Nazarro
1955 - La baia dell'inferno (Hell on Frisco Bay), regìa ad Frank Tuttle
1955 - Il gigante (Giant), regìa ad George Stevens
1956 - Mondo senza fine (World Without End), regìa 'd Edward Bernds
1956 - Pranzo di nozze (The Catered Affair), regìa ad Richard Brooks
1956 - Supplizio (The Rack), regìa 'd Arnold Laven
1957 - L'albero della vita (Raintree County), regìa 'd Edward Dmytryk
1958 - Step Down to Terror, regìa 'd Harry Keller
1958 - Tavole separate (Separate Tables), regìa ad Delbert Mann
1958 - Tutte le ragazze lo sanno (Ask Any Girl), regìa ad Charles Walters
1960 - L'uomo che visse nel futuro (The Time Machine), regìa ad George Pal
1960 - La regina delle Amazzoni, regìa ad Vittorio Sala
1960 - La carica dei cento e uno (One Hundred and One Dalmatians), regìa ad Wolfgang Reitherman, Hamilton Luske e Clyde Geronimi – vōś
1962 - Il dominatore dei 7 mari, regìa ad Rudolph Maté
1963 - Gli uccelli (The Birds), regìa 'd Alfred Hitchcock
1963 - International Hotel (The V.I.P.s), regìa 'd Anthony Asquith
1963 - La veglia delle aquile (A Gathering of Eagles), regìa ad Delbert Mann
1964 - Una domenica a New York (Sunday in New York), regìa ad Peter Tewksbury
1964 - Destino in agguato (Fate Is the Hunter), regìa ad Ralph Nelson
1965 - Le ultime 36 ore (36 Hours), regìa ad George Seaton
1965 - Il magnifico irlandese (Young Cassidy), regìa ad John Ford
1965 - S.S.S. sicario servizio speciale (The Liquidator), regìa ad Jack Cardiff
1965 - Non disturbate (Do Not Disturb), regìa ad Ralph Levy
1966 - La mia spia di mezzanotte (The Glass Bottom Boat), regìa ad Frank Tashlin
1967 - Intrighi al Grand Hotel (Hotel), regìa ad Richard Quine
1967 - Vivere da vigliacchi, morire da eroi (Chuka), regìa ad Gordon Douglas
1968 - Buio oltre il sole (The Mercenaries), regìa ad Jack Cardiff
1968 - Arrest! (Nobody Runs Forever), regìa ad Ralph Thomas
1968 - I contrabbandieri del cielo (The Hell with Heroes), regìa ad Joseph Sargent
1970 - Zabriskie Point, regìa ad Michelangelo Antonioni
1970 - Grande caldo per il racket della droga (Darker Than Amber), regìa ad Robert Clouse
1970 - Intrigo pericoloso (The Man Who Had Power Over Women), regìa ad John Krish
1971 - Powderkeg, regìa ad Douglas Heyes
1973 - Quel maledetto colpo al Rio Grande Express (The Train Robbers), regìa ad Burt Kennedy
1973 - Gli eroi, regìa ad Duccio Tessari
1973 - Trader horn il cacciatore bianco (Trader Horn), regìa ad Reza Badiyi
1973 - La rossa ombra di Riata (The Deadly Trackers), regìa ad Barry Shear
1974 - Wehrmacht i giorni dell'ira (Partizani), regìa ad Stole Jankovic
1976 - Blondy, regìa ad Sergio Gobbi
1977 - The Picture Show Man, regìa ad John Power
1979 - The Treasure Seekers, regìa 'd Henry Levin
1982 - A Time to Die, regìa ad Matt Cimber e 'd Joe Tornatore
1983 - On the Run, regìa ad Mende Brown
1985 - Mask of Murder, regìa 'd Arne Mattsson
1985 - Marbella, un golpe de cinco estrella, regìa ad Miguel Hermoso
1995 - Point of Betrayal, regìa ad Richard Martini
1995 - Open Season, regìa ad Robert Wuhl
1997 - Benvenuti a Woop Woop (Welcome to Woop Woop), regìa ad Stephan Elliott
2007 - KAW - L'attacco dei corvi imperiali (Kaw), regìa ad Sheldon Wilson
2009 - Bastardi senza gloria (Inglourious Basterds), regìa ad Quentin Tarantino

Culegamènt estéran

Àtar prugèt

Wikiquote contiene citazioni di o su Rod Taylor
Wikimedia Commons contiene file multimediali su Rod Taylor