Splice
|
C'l artìcul chè 'l è scrit in
Miranduléś |
 Splice | ||
.png?lang=eml) La Sarah Polley e Adrien Brody in na figùra dal film | ||
| id. 2009 | ||
|---|---|---|
| Regìa: Vincenzo Natali | ||
| Scritōr: Vincenzo Natali Antoinette Terry Bryant • Doug Taylor | ||
| Atōr: Adrien Brody • Delphine Chanéac Sarah Polley • Brandon McGibbon • David Hewlett Simona Măicănescu • Abigail Chu • Doug Hicton | ||
| Müsica: Cyrille Aufort | ||
| Léngua: Ingléś • Francéś | ||
| Dürä dal film: 104 minüt | ||
| Nasiōṅ: Cànada • Stat Unî • Frància | ||
Spice (id.) 'l è 'n film fantasientìfic dal 2009 ad Vincenzo Natali. Custâ trénta migliòṅ dòlar, al 'n à pò purtâ a cà vint-sèt.
In genètica al „Splicing“ 'l è 'n prucès dla biulugìa muleculàra ch'al mudìfica 'l RNA tirànd via al sequénsi minga cudificànti (intròṅ) e miténd insém al sequénsi cudificànti (eśòṅ) par dar vita a 'n mRNA madûr, prònt par la sìnteśi prutèica.
Sunt
[mudéfica la surzéia]Clive Nicoli (Adrien Brody) e la sò muróśa Elsa Kast (Sarah Polley) i èṅ dū inśgnēr genètic ch'i lavōran par la sucietà N.E.R.D. („Nucleic Exchange Research and Development“) c'n a cap la Joan Chorot (Simona Măicănescu) e William Barlow (David Hewlett). I dū siensiâ i gh'aṅ 'l incàr'g ad catàr na mulècula prutèica par curàr di brut mâi cuma 'l càncar o 'l Alzheimer. Par far-al i aṅ dâ vita a dal criatùri ìbridi, misćiànd insém i RNA ad soquànti bèsi, ma a gh cala incóra quèl.
LʼElsa la decìd acsè ad śuntàr-'g anc al sò còdas genètic e a nas na fémna chiméra che lē la ciàma Dren (Delphine Chanéac), na dóna anfìbia e plada cun dal gambi ch'i arcòrdan qvéli dna cavra, cun di ali in dla schina e 'n bśî da scurpiòṅ in dla cóa. Par tgnir-la lugàda, Clive e lʼElsa i la pòrt'n in na cà 'd campàggna in dua la Dren la crés in présia.