တိုက်ပွဲတံဆိပ် (ရွှေလင်းယုန်)

တိုက်ပွဲတံဆိပ် (ရွှေလင်းယုန်)
ဆုတံဆိပ်ပုံ
အမျိုးအစား	စစ်ပွဲ/ တိုက်ပွဲ/ စစ်ဆင်ရေး ဂုဏ်ပြုတံဆိပ်
ဆုချီးမြှင့်ရခြင်း	စာတွင်ရှု
နိုင်ငံ	မြန်မာ
ဆုတံဆိပ်ပေးအပ်သူ	ကာကွယ်ရေးဌာနကောင်စီ
အကျုံးဝင်သူများ	တပ်မတော် (ကြည်း၊ ရေ၊ လေ) စစ်မှုထမ်းများ
ကျောဘက်
စစ်ဆင်ရေး(များ)	တိုင်းအောင် ရွှေလင်းယုန်
အခြေအနေ	ချီးမြှင့်ဆဲ
စတင်တည်ထောင်	၁၅ အောက်တိုဘာ ၂၀၁၅ (၂၀၁၅-၁၀-15)
ဆားဗစ်တန်းဖဲကြိုးတို
တပ်ဆင်ရန် အဆင့်အတန်းသတ်မှတ်ချက်
နောက်ထပ် (ပိုမြင့်သော)	စစ်ပွဲတံဆိပ် (၁၉၈၈ / ၉ဝ)
နောက်ထပ် (ပိုနိမ့်သော)	တိုက်ပွဲတံဆိပ် (လောက်ကိုင်)

တိုက်ပွဲတံဆိပ် (ရွှေလင်းယုန်) သည် မြန်မာနိုင်ငံ၏ စစ်ဘက်ဆိုင်ရာ ဂုဏ်ပြုချီးမြှင့်သော ဆုတံဆိပ်တစ်မျိုးဖြစ်သည်။ ၎င်းနှင့်အတူ တိုက်ပွဲတံဆိပ် (လောက်ကိုင်)တို့အား မြန်မာနိုင်ငံ၏ လွတ်လပ်ရေးနှင့် အချုပ်အခြာအာဏာ တည်တံ့ခိုင်မြဲရေးအတွက် အသက်၊ သွေး၊ ချွေးနှင့် ကိုယ်အင်္ဂါအစိတ်အပိုင်းများကို ပေးဆပ်၍ တိုက်ပွဲဝင်ခဲ့ကြသော တပ်မတော် (ကြည်း၊ ရေ၊ လေ) မှ စစ်မှုထမ်းများအား ဂုဏ်ပြုချီးမြှင့်ရန်အတွက် ၂ဝ၁၅ ခုနှစ်၊ အောက်တိုဘာ ၁၅ ရက်နေ့တွင် "ကာကွယ်ရေးဌာနကောင်စီ အထူးအမိန့်အမှတ်၊ ၁၇/အထူး/၂ဝ၁၅" ဖြင့် ပြဋ္ဌာန်းခဲ့သည်။

ချီးမြှင့်ရန် သတ်မှတ်ချက်များ

တိုက်ပွဲတံဆိပ် (ရွှေလင်းယုန်) ချီးမြှင့်ရန်အတွက် အောက်ပါအတိုင်း သတ်မှတ်ထားသည် -

• ၂ဝ၁၁ ခုနှစ်၊ ဇွန်လ ၉ ရက်နေ့မှစ၍ မြောက်ပိုင်းတိုင်းစစ်ဌာနချုပ်နယ်မြေအတွင်း တိုင်းအောင် စစ်ဆင်ရေးတွင် ကိုယ်တိုင်ပါဝင်တိုက်ခိုက်ခဲ့သူ တပ်မတော် (ကြည်း၊ ရေ၊ လေ) စစ်မှုထမ်းများ။
• ၂ဝ၁၂ ခုနှစ်၊ ဒီဇင်ဘာလမှစ၍ မြောက်ပိုင်းတိုင်းစစ်ဌာနချုပ်နယ်မြေ လဂျားယန်ဒေသ ရွှေလင်းယုန် စစ်ဆင်ရေးတွင် ကိုယ်တိုင်ပါဝင်တိုက်ခိုက်ခဲ့သူ တပ်မတော် (ကြည်း၊ ရေ၊ လေ) စစ်မှုထမ်းများ၊
• ၂ဝ၁၁ ခုနှစ်၊ မတ်လ ၃ဝ ရက်နောက်ပိုင်း နိုင်ငံတော်နှင့် တပ်မတော်၏ ကျေးဇူးသစ္စာကို စောင့်သိရိုသေစွာဖြင့် ပေးအပ်သည့်တာဝန်များကို ကျေပွန်စွာထမ်းဆောင်လျက်ရှိသည့် တပ်မတော် (ကြည်း၊ ရေ၊ လေ) စစ်မှုထမ်းများ။

နောက်ထပ်ကြည့်ရန်

• တိုက်ပွဲတံဆိပ် (လောက်ကိုင်)
• အောင်ဆန်းသူရိယဘွဲ့
• သူရဲကောင်းမှတ်တမ်းဝင်တံဆိပ်