Абаротна-сальдавая ведамасць

Бухгалтарскі ўлік
Ключавыя паняцці
	Бухгалтар • Бухгалтарскі рахунак; Галоўная бухгалтарская кніга; Абаротна-сальдавая ведамасць; Справаздачны перыяд; Уліковая палітыка; Падвойны запіс • Праводка; Дэбет і крэдыт • Актывы і пасівы; Калькуляцыя • Сабекошт; МСФС • GAAP
Фінансавая справаздачнасць
	Бухгалтарскі баланс; Справаздача аб прыбытках і стратах; Справаздача аб руху грашовых сродкаў; Справаздача аб змене капіталу; Кансалідаваная • Камбінаваная
Вобласці бухгалтарскага ўліку
	Улік затрат • Фінансавы ўлік • Судовая бухгалтэрыя; Улік фондаў • Кіраўнічы ўлік • Падатковы ўлік; Бюджэтны ўлік • Банкаўскі ўлік
Аўдыт
Фінансавы кантроль
	Гэта панэль: глядзець; размовы; правіць;

Абаротна-сальдавая ведамасць — гэта абагульняльны рэгістр бухгалтарскага ўліку, які складаецца за справаздачны перыяд на падставе дадзеных аналітычнага і сінтэтычнага ўліку^[1].

Агульная характарыстыка

Абаротна-сальдавая ведамасць служыць для кантролю дакладнасці вядзення бухгалтарскага ўліку і з'яўляецца адным з асноўных дакументаў, на падставе якога фармуецца бухгалтарскі баланс. У ведамасці ўтрымліваюцца наступныя дадзеныя:

пачатковае сальда (на пачатак перыяду);
абароты па дэбеце і крэдыце за справаздачны перыяд;
канчатковае сальда (на канец перыяду)^[2].

Структура

Абаротна-сальдавая ведамасць па сінтэтычных рахунках змяшчае тры пары слупкоў:

сальда на пачатак перыяду (дэбетовае і крэдытавае);
абароты за справаздачны перыяд (па дэбеце і крэдыце);
сальда на канец перыяду (дэбетовае і крэдытавае).

Пры правільным вядзенні бухгалтарскага ўліку ўсе тры пары выніковых сум павінны быць роўнымі:

агульная сума дэбета = агульнай суме крэдыта;
пачатковае сальда = канчатковаму сальда;
дэбетавае і крэдытавае абароты павінны супадаць^[1].

Аналітычны ўлік

Абаротна-сальдавыя ведамасці для аналітычных рахункаў выкарыстоўваюцца асобна для кожнага сінтэтычнага рахунку, для якога вядзецца аналітычны ўлік. У такіх ведамасцях не назіраецца тры пары раўназначных вынікаў, бо яны не адлюстроўваюць узаемасувязь паміж рахункамі, а паказваюць рух на канкрэтным сінтэтычным рахунку^[2].

Сувязь з бухгалтарскім балансам

На падставе звестак абаротна-сальдавай ведамасці складаецца бухгалтарскі баланс:

дэбетавае сальда пераносіцца ў актывы;
крэдытавае сальда — у пасівы^[1].

Асаблівыя выпадкі

Некаторыя артыкулы балансу патрабуюць асобнага падыходу:

Асноўныя сродкі і нематэрыяльныя актывы: у ведамасці паказваюцца па рахунках:

рахунак 01 — першапачатковы кошт (па дэбіце),
рахунак 02 — назапашаная амартызацыя (па крэдыце);
у балансе адлюстроўваецца рэшткавы кошт — розніца паміж гэтымі значэннямі.

Страты: у ведамасці паказваюцца па дэбеце, у балансе адлюстроўваюцца ў пасівах са знакам мінус (як адмоўны прыбытак)^[1].

Крыніцы

↑ ^а ^б ^в ^г Н.Н. Илышева, Е.Р. Синянская, О.В. Савостина. Бухгалтерский учет. Учебное пособие. — Екатеринбург: Издательство Уральского университета, 2016. — ISBN 978-5-7996-1820-9.
↑ ^а ^б Сокольчик, Т. П. Бухгалтерский учёт и аудит : пособие. — Мн.: Акад.упр. при Президенте Респ. Беларусь, 2009. — ISBN 978–985–457–898–9.

[:0-1] а ^б ^в ^г Н.Н. Илышева, Е.Р. Синянская, О.В. Савостина. Бухгалтерский учет. Учебное пособие. — Екатеринбург: Издательство Уральского университета, 2016. — ISBN 978-5-7996-1820-9.

[:1-2] а ^б Сокольчик, Т. П. Бухгалтерский учёт и аудит : пособие. — Мн.: Акад.упр. при Президенте Респ. Беларусь, 2009. — ISBN 978–985–457–898–9.

[1]

[2]