Анатоль Уладзіміравіч Отчык

Анатоль Уладзіміравіч Отчык
Дата нараджэння	7 ліпеня 1949(1949-07-07) (75 гадоў)
Месца нараджэння	Шыічы, Сухавіцкі сельсавет, Калінкавіцкі раён, Палеская вобласць, Беларуская ССР, СССР
Дзеці	Глеб Анатолевіч Отчык
Род дзейнасці	мастак
Месца працы	Таццяна Іванаўна Отчык
Вучоба	Пензенскае мастацкае вучылішча імя К. А. Савіцкага[d] Беларуская дзяржаўная акадэмія мастацтваў
Уплыў	Алег Уладзіміравіч Хадыка
Член у	Беларускі саюз мастакоў

Анатоль Уладзіміравіч Отчык (нар. 7 ліпеня 1949, в. Шыічы, Гомельская вобласць) — беларускі мастак.

Біяграфія

Нарадзіўся 7 ліпеня 1949 года ў вёсцы Шыічы Гомельскай вобласці. Скончыў у 1972 годзе Пензенскае мастацкае вучылішча, у 1977 годзе Беларускі тэатральна-мастацкі інстытут. Вучыўся ў Л. Скарабагатава, Э. Іадэніса, А. Хадыкі. Удзельнік мастацкіх выставак з 1978 года.

Член Беларускага саюза мастакоў з 1986 года.

Жонка — Таццяна Іванаўна Отчык, (нар. 1952), беларускі скульптар.

Сын — Глеб Анатолевіч Отчык, 1983 года нараджэння, таксама мастак, старшыня Беларускага саюза мастакоў.

Жыве ў Гомелі.

Творчасць

Працуе ў плакаце, жывапісе, афармленні архітэктурнага асяроддзя. Асноўныя творы: плакаты «Людзі, не дапусціце самазнішчэння!», «9 мая 1945», «Максім Багдановіч. 1891—1991», «Міністэрства аховы здароўя СССР папярэджвае», «Ці прыляцяць буслы на Палессе?»; карціны «Падаючы», «Пад крыламі», «Лясная бліскавіца», «Узлёт», «Зімовы сон»; роспіс фасада і вітраж у радыелагічным корпусе анкалагічнага дыспансера; роспіс у вестыбюлі прафілакторыя вытворчага аб’яднання «Гомсельмаш» (абодва ў г. Гомелі).

Творы знаходзяцца ў Нацыянальным мастацкім музеі Беларусі, фондах БСМ, Музеі сучаснага выяўленчага мастацтва ў Мінску, Гомельскім абласным краязнаўчым музеі.

Сям'я

У шлюбе са скульптарам Таццянай Отчык (нар. 1952) мае сына Глеба (нар. 1983), таксама мастака.

Літаратура

• Отчык Анатоль Уладзіміравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

Спасылкі

• Анатоль Уладзіміравіч Отчык на сайце анлайн-энцыклапедыі «Беларусь у асобах і падзеях»