Дзьмітры Раўнейка

**Дзьмітры Раўнейка**
	Дзьмітры Раўнейка
Пэрсанальная інфармацыя
Нарадзіўся	13 траўня 1980 (45 гадоў); Горадня, БССР, СССР;
Рост	184 см
Вага	76 кг
Пазыцыя	абаронца
Клюбы
Зборныя

Дзьмі́тры Раўне́йка (нар. 13 траўня 1980 году) — колішні беларускі футбаліст, абаронца. У 2003—2004 гадах выступаў за нацыянальную зборную Беларусі.

Кар’ера

Клюбная

Выхаванец гарадзенскага «Нёмана», колеры якога бараніў у 1998—2002 гадах. Пасьля гуляў у Расеі, але з 2006 году зноў выступаў за родны клюб, зь перапынкам у 2008 годзе, калі быў гульцом магілёўскага «Дняпра». У 2011—2012 гадах быў капітанам гарадзенскай каманды. Сэзон 2013 году распачаў з галамі ў першых двух матчах, улучыўшы мячы ў брамы мазырскай «Славіі» і бабруйскай «Белшыны». Пасьля ўжо галамі не адзначаўся, але рэгулярна гуляў у асноўным складзе, звычайна на пазыцыі правага абаронцы, хоць часам і саступаў месца маладым гульцам.

У сэзоне 2014 году працягваў гуляць правым абаронцам. Жнівень і верасень 2014 году прапусьціў праз траўму. 29 лістапада 2014 году ў матчы супраць «Белшыны» зламаў рабро ў сутыкненьні^[3], але застаўся на полі і пры ліку 0:2 на карысьць «Белшыны» забіў гол, які паклаў пачатак перамозе «Нёмана» з выніковым лікам 5:2. Гэты матч стаў апошнім у кар’еры Дзьмітра.

У студзені 2015 году зьявілася інфармацыя, што Раўнейка можа пакінуць «Нёман»^[4]. Ён адсутнічаў у камандзе падчас перадсэзоннай падрыхтоўкі, падтрымліваючы форму самастойна^[5]. У сакавіку 2015 году галоўны трэнэр гарадзенцаў Сяргей Саладоўнікаў заявіў, што Раўнейка ня будзе выступаць у «Нёмане» ў сэзоне 2015 году^[6]. У выніку футбаліст завяршыў кар’еру і перайшоў на трэнэрскую працу.

Трэнэрская

Па заканчэньні кар’еры футбаліста атрымаў трэнэрскую ліцэнзію і пачаў працаваць у Акадэміі АБФФ. У сакавіку 2017 году ўвайшоў у трэнэрскі штаб моладзевай зборнай Беларусі^[7]. У кастрычніку 2018 году быў прызначаны трэнэрам у нацыянальнай зборнай Беларусі, замяніўшы Юрыя Жаўнова^[8]. У чэрвені 2019 году, пасьля прызначэньня новым галоўным трэнэрам зборнай Міхаіла Мархеля, застаўся ў ягоным штабе^[9]. З 2021 году правацаў у зборнай пад кіраўніцтвам Георгія Кандрацьева. У чэрвені 2023 году Кандрацьеў разам з усім штабам быў адпраўлены ў адстаўку, а пазьней Раўнейка не ўвайшоў у штаб новага трэнэра Карляса Алёса. У жніўні 2023 году атрымаў трэнэрскую ліцэнзію катэгорыі Pro^[10].

У пачатку 2024 году далучыўся да трэнэрскага штабу клюба «Галф Юнайтэд» з Аб’яднаных Арабскіх Эміратаў^[11].

Крыніцы

Вонкавыя спасылкі

Статыстыка «ПБ-Инфо» (рас.)

[_b565de0e7da71cf3-1] а ^б ^в Dmitri Rovnejko // Transfermarkt (мн.) — 2000.

[_d9f5ce2df238f801-2] а ^б ^в Dzmitry Rawneyka // FBref (мн.)

[3] Дмитрий Ровнейко играл с "Белшиной" со сломанным ребром (рас.)

[4] Ровнейко, скорее всего, покинет «Неман» (рас.)

[5] Дмитрий Ровнейко: «Завершение карьеры? Конкретно не скажу. Пока поддерживаю форму самостоятельно» (рас.)

[6] Сергей Солодовников: "Как игрока в "Немане" вы Ровнейко не увидите" (рас.)

[7] Ровнейко вошел в тренерский штаб молодежной сборной Беларуси (рас.)

[8] Ровнейко заменил Жевнова в тренерском штабе сборной Беларуси (рас.)

[9] АБФФ рассталась со Стрипейкисом, Кузьменком и Сацункевичем. Ровнейко останется в штабе Мархеля (рас.)

[10] Радьков, Челядинский, Горовцов и еще 16 тренеров стали обладателями лицензий PRO (рас.)

[11] Дмитрий Ровнейко стал помощником бывшего игрока "Ньюкасла" в команде из ОАЭ (рас.)

[1]

[2]

[3]

[4]

[5]

[6]

[7]

[8]

[9]

[10]

[11]

Пэрсанальная інфармацыя
Дзьмітры Раўнейка
Нарадзіўся	13 траўня 1980(1980-05-13)^[1]^[2] (45 гадоў) Горадня, БССР, СССР
Рост	184 см
Вага	76 кг
Пазыцыя	абаронца
Клюбы
Гады	Клюб	Гульні (галы)¹
1998—2002	Нёман Горадня	110 (8)
2003—2005	Тарпэда Масква	32 (1)
2004	→ Ротар Валгаград	6 (1)
2006	Шахцёр Салігорск	11 (1)
2006—2007	Нёман Горадня	30 (0)
2008	Дняпро Магілёў	29 (0)
2009—2014	Нёман Горадня	132 (3)
Зборныя
2000—2001	Беларусь (да 21)	13 (0)