Дымітрыс Сальпінгідыс
| Дымітрыс Сальпінгідыс | ||
| ||
| Пэрсанальная інфармацыя | ||
|---|---|---|
| Нарадзіўся | 18 жніўня 1981[1][2][3] (44 гады) | |
| Рост | 172 см | |
| Вага | 70 кг | |
| Пазыцыя | флянгавы паўабаронца | |
| Клюбы | ||
| Гады | Клюб | Гульні (галы)¹ |
| 1999—2006 | ПАОК | 103 (50) |
| 1999—2000 | → АЭЛ Лярыса | 7 (0) |
| 2000—2002 | → Каваля[d] | 43 (25) |
| 2006—2010 | Панатынаікос | 119 (46) |
| 2010—2015 | ПАОК | 159 (40) |
| Зборныя | ||
| 1998 | Грэцыя (да 17)[d] | 5 (3) |
| 1999 | Грэцыя (да 19)[d] | 2 (3) |
| 2001—2002 | Грэцыя (да 21)[d] | 13 (2) |
| 2005—2014 | Грэцыя | 77 (13) |
Дымітрыс Сальпінгідыс (па-грэцку: Δημήτρης Σαλπιγγίδης; нар. 18 жніўня 1981 году, Тэсалёнікі, Грэцыя) — грэцкі футбаліст, нападнік нацыянальнай зборнай Грэцыі.
Кар’ера
[рэдагаваць | рэдагаваць крыніцу]ПАОК
[рэдагаваць | рэдагаваць крыніцу]Прафэсійную кар’еру пачаў у 1999 годзе ў клюбе ПАОК, за які хваляваўся зь дзяцінства. У тым жа годзе, для раскрыцьця патэнцыялу й набору вопыту, малады Дымітрыс быў аддадзены клюбам у арэнду ў каманду «Лярыса», а пазьней, у 2000 годзе, гэтак жа на правах арэнды, перайшоў у клюб «Каваля» з аднайменнага грэцкага гораду. У 2002 годзе вярнуўся ў родны ПАОК, у якім гуляў да 2006 году, забіўшы 55 мячоў і стаўшы ў апошнім для сябе сэзоне ў складзе гэтага клюбу лепшым бамбардзірам чэмпіянату Грэцыі.
«Панатынаікос»
[рэдагаваць | рэдагаваць крыніцу]16 жніўня 2006 году перайшоў у «Панатынаікос», а ПАОК за ягоны трансфэр ня толькі атрымаў 1,8 млн эўра, але яшчэ й дадаткова трох гульцоў, у выніку, агульная сума ўгоды ацэньваецца ў 5 млн эўра. Ужо праз 4 дні пасьля пераходу, 20 жніўня, у першым жа матчы ў складзе сталічнага клюбу, зрабіў хет-трык, забіўшы тры мячы ў браму клюбу «Эгалео».
Вяртаньне ў ПАОК
[рэдагаваць | рэдагаваць крыніцу]Праз чатыры вельмі пасьпяховых сэзоны з «Панатынаікосам» улетку 2010 году Дымітрыс вярнуўся ў ПАОК. 16 чэрвеня 2010 году было афіцыйна абвешчана, што ён падпісаў чатырохгадовы кантракт з клюбам, пасьля таго, як яго скончыўся тэрмін дзеяньня кантракта са сталічным клюбам.
Міжнародныя выступы
[рэдагаваць | рэдагаваць крыніцу]У складзе нацыянальнай зборнай Грэцыі гуляе з 2005 году. Удзельнік чэмпіянату Эўропы 2008 году. У лістападзе 2009 году Салпінгідыс забіў адзіны гол у двух стыкавых матчах са зборнай Украіны за права выхаду на чэмпіянат сьвету 2010 году, дзякуючы чаму зборная Грэцыі ў другі раз у сваёй гісторыі прабілася на чэмпіянат сьвету.
Дасягненьні
[рэдагаваць | рэдагаваць крыніцу]ПАОК:
- Уладальнік Кубка Грэцыі: 2004
«Панатынаікос»:
- Чэмпіён Грэцыі: 2010
- Уладальнік Кубка Грэцыі: 2010