Дэмакратычная юніянісцкая партыя (Судан)
| Дэмакратычная юніянісцкая партыя | |
|---|---|
| араб. الحزب الإتحادي الديموقراطي англ.: Democratic Unionist Party, DUP | |
.svg?lang=be) | |
| Заснавальнік | Mohammed Uthman al-Mirghani al-Khatim[d] |
| Дата заснавання | 1967 |
| Штаб-кватэра | |
| Краіна | |
| Ідэалогія | арабскі нацыяналізм[d], ліберальны кансерватызм і свецкасць |
| Інтэрнацыянал | |
Дэмакратычная юніянісцкая партыя, ДЮП (الحزب الإتحادي الديموقراطي) — правацэнтрысцкая[1] суданская палітычная партыя, звязаная з суфійскім ордэнам Хатмія.
Гісторыя
[правіць | правіць зыходнік]Партыя ўзнікла ў 1952 годзе на базе гурткоў суфійскага ордэна Хатмія, заснаванага ў першай палове XIX стагоддзя Махамедам Асманам аль-Міргані II, і гарадской нацыяналістычнай партыі Ашыга Ісмаіла аль-Ажары, створанай у 1943 годзе[2]. Першапачатковая назва — Нацыянальная юніянісцкая партыя (НЮП).
На першых парламенцкіх выбарах у Судане НЮП атрымала большасць. Аль-Ажары стаў прэм’ер-міністрам[3].
У 1956 годзе ўнутраныя рознагалоссі паміж фракцыяй аль-Ажары і ордэнам Хатмія прывялі да расколу партыі. Прыхільнікі ордэна Хатмія заснавалі асобную Народную дэмакратычную партыю (НДП).
У снежні 1967 года члены НДП і НЮП аб’ядналіся ў Дэмакратычную юніянісцкую партыю. На выбарах 1968 года рух атрымаў большасць і сфармаваў кааліцыйны ўрад з партыяй Ума. У 1969 годзе ДЮП была адхілена ад улады праз пераварот палкоўніка Німейры.
На выбарах 1986 года партыя заняла другое месца па колькасці месцаў у парламенце. Яе кіраўнік Ахмед аль-Міргані стаў прэзідэнтам Судана, але ў 1989 годзе ён быў зрынуты ў выніку ваеннага перавароту Амара аль-Башыра. З тых часоў старшыня партыі заставаўся ў эміграцыі[1][4][5][6] ў Егіпце.
У 1989 годзе далучылася да кааліцыі «Нацыянальны дэмакратычны альянс»[7].
У лістападзе 2022 года, пасля дзяржаўнага перавароту генерала аль-Бурхана ў 2021 годзе, Міргані вярнуўся на радзіму, але неўзабаве з’ехаў у Егіпет[8].
Ідэалогія
[правіць | правіць зыходнік]Выступае за аб’яднанне Судана і Егіпта. Асноўныя пастулаты: плюралізм у палітыцы, змешаная эканоміка і свецкасць.
Крыніцы
[правіць | правіць зыходнік]- ↑ а б Tom Lansford, рэд. (2014). Democratic Unionist Party. Political Handbook of the World 2014. Thousand Oaks, Calif.: CQ Press. pp. 1368 f. ISBN 978-1-4833-3328-1.
- ↑ MacEoin, Denis; Al-Shahi, Ahmed. Islam in the Modern World (RLE Politics of Islam).
- ↑ John Pike. Democratic Unionist Party [DUP]. GlobalSecurity.org. Праверана 14 February 2016.
- ↑ Joint Statement on Elections in Sudan (Press release). Ministry of Foreign Affairs (Norway). 20 April 2015. Праверана 2015-04-29.
- ↑ Troika statement on elections in Sudan (Press release). Foreign and Commonwealth Office. 20 April 2015. Праверана 2015-04-29.
- ↑ Joint Statement on Elections in Sudan (Press release). United States Department of State. 20 April 2015. Праверана 2015-04-28.
- ↑ Agreement between the Government of Sudan and the National Democratic Alliance (NDA) (Cairo Agreement) | UN Peacemaker. peacemaker.un.org. Праверана 3 кастрычніка 2023.
- ↑ Chaotic return of DUP leader to Sudan. Sudan Tribune. November 21, 2022.
| Слоўнікі і энцыклапедыі |
|---|
