Жаночая зборная Сэрбіі па баскетболе
| Сэрбія Женска кошаркашка репрезентација Србије | |||
|
| |||
| Асноўныя зьвесткі | |||
|---|---|---|---|
| Рэйтынг ФІБА | 8 (9 лютага 2025) | ||
| Рэгіён ФІБА | Эўропа | ||
| Фэдэрацыя | Баскетбольная фэдэрацыя Сэрбіі | ||
| Трэнэр | Marina Maljković | ||
| Алімпійскія гульні | |||
| Удзелаў | 3 | ||
| Мэдалёў |  Бронза: (2016)
| ||
| Чэмпіянаты сьвету | |||
| Удзелаў | 3 | ||
| Мэдалёў | 0 | ||
| Чэмпіянаты Эўропы | |||
| Удзелаў | 15 | ||
| Мэдалёў |  Золата: (2015, 2021) Бронза: (2019)
| ||
| Форма | |||
| |||
| Спасылкі | |||
| Вэб-старонка | |||
| (абнаўленьне: 27 сакавіка 2025) | |||
Жаночая зборная Сэрбіі па баскетболе — нацыянальная каманда, якая прадстаўляе Сэрбію на міжнародных баскетбольных турнірах. Фактычна зьявілася ў 2006 году, пасьля таго як Сэрбія і Чарнагорыя сталі асобнымі дзяржавамі, але ўважаецца спадкаемцай зборнай Сэрбіі і Чарнагорыі як адзінай дзяржавы.
Гісторыя
[рэдагаваць | рэдагаваць крыніцу]
Дэбют жаночай зборнай Сэрбіі па баскетболе на міжнароднай арэне адбыўся ў 1992 годзе пасьля распаду Югаславіі. Першым буйным турнірам у гісторыі зборнай стаў чэмпіянат Эўропы 1995 году, дзе сэрбкі ня здолелі пераадолець папярэдні раўнд. На наступных чатырох эўрапейскіх чэмпіянатах баскетбалісткі спыняліся на стадыі чвэрцьфіналу. Найвышэйшы посьпех у сваёй гісторыі сэрбкі займелі ў 2015 годзе, калі сталі чэмпіёнкамі Эўропы, дзякуючы чаму атрымалі права ўзяць удзел у летніх Алімпійскіх гульнях 2016 году ў Рыю-дэ-Жанэйру. На алімпійскім турніры спартоўкі былі чацьвертымі ў сваёй групе, але ў чвэрцьфінале яны здолелі выгуляць зборную Аўстраліі. У паўфінале сэрбкі саступілі зборнай Гішпаніі, але здолелі ў матчы за бронзавыя мэдалі выгуляць у зборнай Францыі. У 2021 годзе каманда паўтарыла залаты посьпех на чэмпіянаце Эўропы. Каманда цалкам правалілася на чэмпіянаце Эўропы 2025 году, зазнаўшы тры паразы ў трох матчах групы ад зборных Італіі, Летувы і Славеніі. Вынікам гэтага сталася 13-е месца на турніры.