Жуліяну Бэлецьці

Жуліяну Бэлецьці
Пэрсанальная інфармацыя
Нарадзіўся	20 чэрвеня 1976(1976-06-20) (49 гадоў) Каскавэл[d], Парана, Бразылія
Рост	179 см
Вага	74 кг
Пазыцыя	задні абаронца, абаронца
Клюбы
Гады	Клюб	Гульні (галы)¹
1994—1996	Крузэйру	22 (0)
1996—2002	Сан-Паўлу	54 (4)
1999	→ Атлетыку Мінэйру	17 (5)
2002—2004	Вільярэал	59 (6)
2004—2007	Барсэлёна	71 (1)
2007—2010	Чэлсі	54 (5)
2010—2011	Флумінэнсі	9 (0)
2011	Сэара[d]	0 (0)
Зборныя
2001—2005	Бразылія	23 (1)

Жулія́ну Хаўс Бэле́цьці (па-партугальску: Juliano Haus Belletti; нар. 20 чэрвеня 1976 году ў Каскавэле, штат Парана, Бразылія) — былы прафэсійны бразыльскі футбаліст. Чэмпіён сьвету 2002 году ў складзе зборнай Бразыліі. Пераможца Лігі чэмпіёнаў УЭФА сэзону 2005—2006 гадоў у складзе гішпанскай «Барсэлёны».

Кар’ера

Прафэсійную кар'еру пачаў у «Крузэйру» ў 1993 годзе. За два сэзоны ён правёў 22 матчу ў чэмпіянаце краіны, а затым перайшоў у «Сан-Паўлу», дзе яму атрымалася замацавацца ў асноўным складзе каманды. 1999 год абаронца правёў у арэндзе ў «Атлетыка Мінэйру», стаўшы віцэ-чэмпіёнам Бразыліі. Ён забіў самы хуткі гол у гісторыі фіналаў бразыльскай лігі. У 2001 годзе хадзілі чуткі пра яго пераход у гішпанскі клюб «Валенсія», аднак у самую апошнюю хвіліну яго адмянілі.

У 2002 годзе пасьля трыюмфу на чэмпіянаце сьвету Бэлецьці перабраўся ў Эўропу, склаўшы дамову зь «Вільярэалам», якому абыйшоўся ў чатыры мільёны эўра. Ён хутка асвоіўся ў Гішпаніі і стаў незаменным у камандзе, правядучы 31 матч у чэмпіянаце Гішпаніі і яшчэ шэсьць паядынкаў у Кубку Інтэртота. У сэзоне 2003/04 Бэльлеці не апускаўся ніжэй высока паднятай планкі і дапамог свайму клюбу атрымаць перамогу ў Кубку Інтэртота, а затым дабрацца да паўфіналу Кубка УЭФА, дзе «Вільлярэал» саступіў будучыму трыўмфатару «Валенсіі». Добра адыграўшы сэзон, ён прыцягнуў увагу скаўтаў «Барсэлёны», зь якой і падпісаў чатырохгадовы кантракт.

17 траўня 2006 году на Стад-дэ-Франс у Парыжы «Барсэлёна» сустракалася зь лёнданскім «Арсэналам» у фінале Лігі чэмпіёнаў 2006 году. Бэльлеці застаўся на зэдлі запасных, саступіўшы месца ў асноўным складзе Олегэру, аднак менавіта ён стаў галоўным героем сустрэчы, калі выйдучы на замену ён завяршыў дакладным ударам камбінацыю «Барсы», забіўшы свой першы гол у складзе каталёнскага клюбу і прынясучы яму перамогу ў гэтым турніры.

У жніўні 2007 году Жуліяну Бэлецьці перайшоў з «Барсэлёны» ў лёнданскі «Чэлсі». Сума трансфэру, па інфармацыі прэсы, склала ад 5 да 5,5 млн эўра.

Нацыянальная зборная

Бэлецьці дэбютаваў у зборнай Бразыліі ў паядынку супраць Эквадору 28 сакавіка 2001 году. Ён атрымаў залаты мэдаль Чэмпіянату сьвету 2002 году, хоць на працягу ўсяго турніру быў дублёрам Кафу, правядучы на поле толькі пяць хвілін у паўфінальнай сустрэчы з Турэччынай.

Статыстыка

Сэзон	Клюб	Гульні	Галы	Трафэі
2007—2008	Чэлсі	15	2
2006—2007	Барсэлёна	13	0	Віцэ-чэмпіён Гішпаніі
2005—2006	Барсэлёна	26	0	Чэмпіён Гішпаніі Ліга чэмпіёнаў УЭФА
2004—2005	Барсэлёна	31	0	Чэмпіён Гішпаніі
2003—2004	Вільярэал	28	3	Без тытулаў
2002—2003	Вільярэал	31	3	Кубак Інтэртота
2001—2002	Вільярэал (4 млн эўра)	14	2	Без тытулаў
2001	Сан-Паўлу	13	1	Турнір Рыё-Сан-Паўлу
2000	Сан-Паўлу	11	0	Чэмпіён штату Сан-Паўлу
1999	Атлетыку Мінэйру (арэнда)	17	5	Чэмпіён штату Мінас-Жэрайс
1998	Сан-Паўлу	4	1	Чэмпіён штату Сан-Паўлу
1997	Сан-Паўлу	12	1	Без тытулаў
1996	Сан-Паўлу	13	1	Без тытулаў
1995	Крузэйру	17	0	Без тытулаў
1994	Крузэйру	5	0	Чэмпіён штату Мінас-Жэрайс

Вонкавыя спасылкі

• Профіль Бэлецьці на footballdatabase.com