Канстанцін Гаўрылавіч Вашчанка

Канстанцін Гаўрылавіч Вашчанка
Дата нараджэння	17 лютага 1961(1961-02-17) (64 гады)
Месца нараджэння	Кішынёў, Малдаўская ССР, СССР
Грамадзянства	Беларусь
Бацька	Гаўрыла Харытонавіч Вашчанка
Род дзейнасці	мастак, ілюстратар, літограф
Жанр	станковая графіка, кніжная графіка, літаграфія, плакат і камп’ютарная графіка[d]
Вучоба	Беларуская дзяржаўная акадэмія мастацтваў
Уплыў	Мікалай Міхайлавіч Селяшчук, Людміла Міхайлаўна Кальмаева, Уладзімір Пятровіч Савіч і Васіль Пятровіч Шаранговіч
Член у	Беларускі саюз мастакоў

Канстанцін Гаўрылавіч Вашчанка (нар. 17 лютага 1961, Кішынёў) — беларускі мастак-графік, плакатыст.

Біяграфія

Нарадзіўся 17 лютага 1961 года ў Кішынёве. Сын беларускага мастака Гаўрылы Вашчанкі.

Скончыў Беларускі тэатральна-мастацкі інстытут у 1985 годзе. Вучыўся ў М. Селяшчука, Л. Кальмаевай, У. Савіча, В. Шаранговіча.

Удзельнічае ў мастацкіх выставах з 1981 года. Член Беларускага саюза мастакоў з 1990 года. Жыве ў Мінску.

Творчасць

Працуе ў галіне станковай і кніжнай графікі (пераважна літаграфія), плаката і камп’ютарнай графікі. Сярод асноўных твораў — серыі графічных лістоў «Паляванне за жыццём», «Абяцанне неажыццявімага»; серыі плакатаў: «Асвенцым перасцерагае», «Wellcome to Belarussian».

Творы захоўваюцца ў Музеі сучаснага выяўленчага мастацтва ў Мінску і фондах БСМ.

Літаратура

• Вашчанка Канстанцін Гаўрылавіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

Спасылкі

• Канстанцін Гаўрылавіч Вашчанка на сайце анлайн-энцыклапедыі «Беларусь у асобах і падзеях»