Крэпасць Камбамбе
| Славутасць | |
| Крэпасць Камбамбе | |
|---|---|
| Fortaleza de Cambambe | |
 | |
| 9°44′33″ пд. ш. 14°29′14″ у. д.HGЯO | |
| Краіна |
 Ангола |
| Месцазнаходжанне | Паўночная Кванза |
| Тып будынка | Крэпасць |
| Будаўніцтва | 1604 |
| Статус | Аб'ект Папярэдняга спісу Сусветнай спадчыны ЮНЕСКА |
 |
|
Крэпасць Камбамбе (Kambambe або Cambambe, парт: Fortaleza de Cambambe) — гістарычная крэпасць, пабудаваная партугальскімі каланізатарамі на ўсходнім беразе ракі Кванза ў Камбамбе ў правінцыі Паўночная Кванза, Ангола[1].
Гісторыя
[правіць | правіць зыходнік]Крэпасць Камбамбе была пабудавана ў 1604 годзе губернатарам Жуанам дэ Ленкастрэ як апорны пункт для заваявання і пранікнення на тэрыторыю Анголы праз раку Кванза. Дата будаўніцтва — 1604 год або 1691 год, згодна з надпісам на ганку ўваходных дзвярэй. Акупацыя Камбамбе шмат каштавала для Партугаліі з-за супраціву мясцовых жыхароў. Акрамя ўмацавання ўзброенай прысутнасці Партугаліі, крэпасць выкарыстоўвалася для ўтрымання вязняў і захоўвання тавараў, якія чакалі адпраўлення ў Амерыку. Камбамбе быў важным цэнтрам незаконнай дзейнасці і гандлю рабамі. Адсюль партугальцы арганізоўвалі напады на бліжэйшыя вёскі для захопу рабоў. Крэпасць Камбамбе была класіфікавана як Нацыянальны помнік адпаведна Правінцыйнаму указу № 67 ад 30 мая 1925 года. Пазней яна прыйшла ў заняпад і разбурылася. Зараз з’яўляецца дзяржаўнай уласнасцю. Міністэрства культуры Анголы нясе адказнасць за яе ўтрыманне і захаванне[2].
Структура
[правіць | правіць зыходнік]Крэпасць Камбамбе была пабудавана ў форме квадрата з бастыёнамі па чатырох кутах і ўпрыгожана ўваходам у барочным стылі, што адпавядала мадэлі ваеннага дойлідства XVII стагоддзя. Франтон уваходнай брамы пазначаны датай 1691 год і ўвянчаны гербам[3].
Статус Сусветнай спадчыны
[правіць | правіць зыходнік]Крэпасць Камбамбе была ўключана ў Папярэдні спіс аб’ектаў Сусветнай спадчыны ЮНЕСКА 22 лістапада 1996 года ў культурнай катэгорыі.[4]
Зноскі
[правіць | правіць зыходнік]- ↑ Welch, Sidney R. (1950), Portuguese Rule and Spanish Crown in South Africa, 1581—1640, Cape Town: Juta.
- ↑ Fortress of Kambambe - UNESCO World Heritage Centre(недаступная спасылка). web.archive.org (27 сакавіка 2020). Архівавана з першакрыніцы 27 сакавіка 2020. Праверана 4 лютага 2025.
- ↑ Figueiredo, Andre. HPIP (англ.). hpip.org. Праверана 4 лютага 2025.
- ↑ https://www.worldheritagesite.org/tentative/former/Fortress+of+Kambambe