Лякаматыў-Кубань Краснадар

Лякаматыў-Кубань
Заснаваны	1946
Месцазнаходжаньне	Краснадар, Расея
Арэна	Баскет-хол Зьмяшчальнасьць: 7500
Галоўны трэнэр	Андрэй Ведзішчаў
Чэмпіянат	Адзіная ліга ВТБ
Форма
Клюбныя колеры
Спасылкі
Афіцыйная бачына
Галерэя здымкаў у Вікісховішчы

«Лякаматыў-Кубань» (па-расейску: Локомотив-Кубань) — расейскі баскетбольны клюб з Краснадару. Створаны ў 1946 годзе, першапачаткова базуючыся ў Мінэральных Водах, а потым у Растове-на-Доне. Выступае ў Адзінай лізе ВТБ.

Гісторыя

Клюб паўстаў у 1946 годзе ў Мінэральных Водах. Першымі трэнэрамі каманды былі чыгуначнікі Грыгоры Абугаў і Мікалай Харчанка, але гулялі за каманду пераважна навучэнцы двух чыгуначных школаў гораду. Да 1994 году мінэралаводзкі «Лякаматыў» гуляў у найніжэйшых лігах СССР і Расеі. У 1994 годзе клюб патрапіў у другі дывізіён чэмпіянату Расеі, а ў сэзоне 1997—1998 гадоў клюб дэбютаваў у Супэрлізе, у выніку скончыўшы чэмпіянат на шостым месцы. Сэзон 1998—1999 гадоў каманда была пятай, але атрымала права на ўдзел у Кубку Карача на наступны сэзон. У 2000 годзе мінэралаводцы здабылі Кубак Расеі абгуляўшы ў фінале ў Сочы санкт-пецярбурскае «Дынама». У наступныя два сэзоны каманда рабілася бронзавымі прызэрамі чэмпіянату Расеі.

Гульцы «Лякаматыў-Кубані» ў 2024 годзе.

Сэзон 2002—2003 гадоў стаў апошнім для «Лякаматыва» ў Мінэральных Водах. Клюб прабіўся ў плэй-оф, заняўшы восьмае месца, апошняе з тых, якое дае права гуляць у плэй-оф, дзе саступіў чэмпіёну ЦСКА ва ўсіх трох матчах. Па заканчэньні сэзону было пастаноўлена перабазаваць клюб у Растоў-на-Доне. Усе наступныя гады «чыгуначнікі» ўваходзілі ў лік наймацнейшых клюбаў Расеі, рэгулярна гуляючы ў плэй-оф нацыянальнага чэмпіянату і ўвесь час бралі ўдзел у розыгрышах эўракубках. Найлепшым дасягненьнем «Лякаматыва» за гэты час стала пятае месца ў чэмпіянаце ў сэзоне 2006—2007 гадоў і выхад у фінал Кубка ФІБА ў сэзоне 2004—2005 гадоў. Улетку 2009 году прэзыдэнтам кампаніі «Расейская чыгунка» Ўладзімерам Якуніным было прынятае рашэньне аб пераезьдзе клюбу з Растова-на-Доне ў Краснадар. Галоўнай прычынай гэтага сталі новыя патрабаваньні чэмпіянату Расеі і эўрапейскіх клюбных турніраў, паводле якіх растоўскія залы «Экспрэс» і Палац спорту больш не адпавядалі рэглямэнту. Па пераезьдзе зьмянілася і назва каманда на «Лякаматыў-Кубань».

Дасягненьні

Хатняя арэна клюбу — Баскет-хол.

Нацыянальныя турніры

Адзіная ліга ВТБ:

• Срэбраны прызэр: 2013, 2023
• Срэбраны прызэр: 2015

Чэмпіянат Расеі:

• Бронзавы прызэр: 2001, 2002, 2012

Кубак Расеі:

• Пераможца: 2000, 2018
• Фіналіст: 2014

Эўрапейскія турніры

Эўраліга:

• Бронзавы прызэр: 2016

Эўракубак:

• Пераможца: 2013
• Срэбраны прызэр: 2018

Кубак Корача:

• Фіналіст: 2002

Ліга ФІБА-Эўропа:

• Фіналіст: 2011

Кубак ФІБА:

• Фіналіст: 2005

Вонкавыя спасылкі

• Афіцыйны сайт БК «Лякаматыў-Кубань».