Ляіля Ахцямаўна Варэца
| Ляіля Ахцямаўна Варэца | |
|---|---|
| Дата нараджэння | 13 студзеня 1951[1] (74 гады) |
| Месца нараджэння | |
| Грамадзянства | |
| Муж | Валянцін Іванавіч Варэца |
| Род дзейнасці | графік |
| Жанр | літаграфія, акварэль і кніжная графіка |
| Вучоба | |
| Член у | |
.svg?lang=be){kind=small}
Ляіля Ахцямаўна Варэца (нар. 13 студзеня 1951[1], Харкаў) — беларуская мастачка-графік, працуе ў галіне кніжнай графікі, літаграфіі і акварэлі.
Біяграфія
[правіць | правіць зыходнік]Нарадзілася 13 студзеня 1951 года ў Харкаве (УССР).
Скончыла Харкаўскі мастацкі інстытут у 1974 годзе. Удзельнічае ў мастацкіх выставах з 1976 года[3].
Член Беларускага саюза мастакоў з 1985 года[3].
Жыла ў г. Мінску[3]. З 1996 года жыве з сям’ёй у Аўстраліі. Разам з мужам валодае мастацкай галерэяй «Varetsa fine art» і мастацкай студыяй «Varetsa Studio» у раёне Турак горада Мельбурн, штат Вікторыя[4].
Творчасць
[правіць | правіць зыходнік]Працуе пераважна ў тэхніцы каляровай літаграфіі, акварэлі і кніжнай графікі. Сярод асноўных серый: «Украінскія матывы», «Зямля ў квецені», «Чарнобыльскі след», «Гістарычныя асобы Беларусі» (у суаўтарстве з В. Варэцам)[3].
Аўтарка ілюстрацый да кніг: «Мая рэспубліка», «Намеснік бабулі» П. Кавалёва, «Буду настаўнікам» Э. Агняцвет, «Беларуска-італьянская кухня», «Паміж Масквой і Варшавай» В. Іпатавай[3].
Стварыла серыі паштовых марак: «Мастакі Беларусі», «Гістарычныя асобы Беларусі», «Беларускія спартсмены на Алімпіядзе ў Атланце»[3].
Яго працы захоўваюцца ў Дзяржаўным гістарычным музеі Беларусі, галерэях Сант’Андрэа ў г. Парма (Італія), «Украінскі дом» у г. Кіеў, Палацы Мароні ў г. Бергама (Італія), Івана-Франкоўскім мастацкім музеі (Украіна), фондах Саюза мастакоў Украіны, АН Украіны, Вашынгтонскай бібліятэцы (ЗША), а таксама ў зборах Рымскага ўніверсітэта[3].
Сям’я
[правіць | правіць зыходнік]У шлюбе з мастаком Валянцінам Варэцам мае дачку Вераніку Варэца, скульптарку і графічную дызайнерку[5].
Крыніцы
[правіць | правіць зыходнік]- ↑ а б Artists of the World Online, Allgemeines Künstlerlexikon Online, AKL Online / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
- ↑ Беларуская Вікіпедыя — 2007. Праверана 24 чэрвеня 2025.
- ↑ а б в г д е ё Варэца Ляіля Ахцямаўна // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.
- ↑ Ляіля Ахцямаўна Варэца ў Зводным электронным каталогу бібліятэк Беларусі
- ↑ varetsa studio (англ.). varetsa studio. Праверана 23 чэрвеня 2025.
Літаратура
[правіць | правіць зыходнік]- Варэца Ляіля Ахцямаўна // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.
Спасылкі
[правіць | правіць зыходнік]- Ляіля Ахцямаўна Варэца на сайце анлайн-энцыклапедыі «Беларусь у асобах і падзеях»
- Студыя Варэцаў
Тэматычныя сайты | |
|---|---|
| Нарматыўны кантроль |
