Мануэль Альмунія

Мануэль Альмунія
Пэрсанальная інфармацыя
Нарадзіўся	19 траўня 1977(1977-05-19) (48 гадоў) Памплёна, Гішпанія
Рост	1,93 м
Вага	86 кг
Пазыцыя	брамнік
Клюбы
Гады	Клюб	Гульні (галы)¹
1996—1999	Асасуна Б[d]	46 (0)
1998—1999	Асасуна	4 (0)
1999—2000	→ Картахэна[d]	3 (0)
2000—2001	Сабадэль[d]	29 (0)
2001—2004	Сэльта	0 (0)
2001—2002	→ Эйбар	35 (0)
2002—2003	→ Рэкрэатыва Ўэльва	3 (0)
2003—2004	→ Альбасэтэ	25 (0)
2004—2012	Арсэнал Лёндан	175 (0)
2011	→ Ўэст Гэм Юнайтэд	4 (0)
2012—2014	Ўотфард	81 (0)

Мануэль Альмунія Рывэра (па-гішпанску: Manuel Almunia Rivero; нар. 19 траўня 1977 году, Памплёна, Гішпанія) — былы гішпанскі футбаліст, брамнік. Вядомы дзякуючы выступам за ангельскі клюб «Арсэнал».

Кар’ера

Мануэль распачаў сваю кар’еру ў родным горадзе Памплёна, выступаючы за фарм-клюб каманды «Асасуна», але за асноўную каманды не гуляў. Затым адзін сэзон Мануэль правёў на правах арэнды ў клюбе трэцяга дывізіёну «Картахэна», а ўлетку 2000 году падпісаў кантракт з клюбам «Сабадэль», з таго ж трэцяга дывізіёну. Улетку 2001 году перайшоў у «Сэльту», якая на той момант была адной зь вядучых камандаў Прымэры, але так і не згуляў там ніводнай гульні: усе тры сэзоны Мануэль правёў у арэндзе ў клюбах, як то «Эйбар», «Рэкрэатыва» й «Альбасэтэ».

14 ліпеня 2004 году падпісаў кантракт з «Арсэналам». Дэбютаваў за клюб 27 кастрычніка таго ж году ў гульні Кубка лігі супраць «Манчэстэр Сіці», у той сэзон правёў усе гульні за «Арсэнал» у Кубку лігі. Напачатку сэзону 2007—2008 стаў першым брамнікам каманды, адстаяўшы канкурэнцыю з боку Енса Лемана.

Дасягненьні

• Уладальнік Кубка Ангельшчыны: 2005

Вонкавыя спасылкі

• Профіль на афіцыйным сайце «Арсэналу»