Павал Паўлючэнка
| Павал Паўлючэнка | ||
| Пэрсанальная інфармацыя | ||
|---|---|---|
| Нарадзіўся | 1 студзеня 1998[1] (27 гадоў) | |
| Рост | 194 см | |
| Вага | 88 кг[3] | |
| Пазыцыя | брамнік | |
| Клюбная інфармацыя | ||
| Клюб | МЛ Віцебск | |
| Нумар | 1 | |
| Клюбы | ||
| Гады | Клюб | Гульні (галы)¹ |
| 2016—2017 | Дняпро Магілёў | 20 (0) |
| 2017—2020 | Дынама Берасьце | 30 (0) |
| 2021 | Рух Берасьце | 28 (0) |
| 2022—2023 | Брук-Бэт Тэрмаліка | 10 (0) |
| 2023 | → Гурнік Забжэ | 0 (0) |
| 2023—2024 | Пахтакор[d] | 18 (0) |
| 2025— | МЛ Віцебск | 14 (0) |
| Зборныя | ||
| 2017—2020 | Беларусь (да 21) | 12 (0) |
| 2017— | Беларусь | 16 (0) |
|
¹ Колькасьць гульняў і галоў за прафэсійны клюб лічыцца толькі | ||
Па́вал Паўлючэ́нка (нар. 1 студзеня 1998 году) — беларускі футбаліст, брамнік віцебскага МЛ і нацыянальнай зборнай Беларусі.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец магілёўскага футболу, у 2014 годзе пачаў выступаць за дубль мясцовага «Дняпра». Паводле вынікаў сэзону 2014 году «Дняпро» страціў месца ў Найвышэйшай лізе і дубль быў расфармаваны. У сэзоне 2015 году Павал быў запасным брамнікам у асноўнай камандзе. У сэзоне 2015 году стаў выступаць за асноўны склад, выйграўшы канкурэнцыю у дасьведчанага Руслана Капанцова. Згуляўшы ў 20 матчах у Першай лізе, дапамог магілёўскаму клюбу вярнуцца ў элітны дывізіён.
У сьнежні 2016 году падоўжыў кантракт з магілёўцамі да сканчэньня 2018 году[4]. Сэзон 2017 году распачаў у дублюючым складзе. У ліпені 2017 году, гэтак і не згуляўшы за «Дняпро» ў Найвышэйшай лізе, перайшоў у берасьцейскае «Дынама»[5], дзе спачатку быў трэцім брамнікам. 27 жніўня 2017 году дэбютаваў у Найвышэйшай лізе ў гасьцявым матчы берасьцейцаў супраць мазырскай «Славіі» (2:1), правёўшы на полі ўсе 90 хвілінаў. З кастрычніка 2017 году стаў трывала зьяўляцца ў стартавым складзе дынамаўцаў. Усяго ў сэзоне 2017 году правёў за «Дынама» 7 матчаў, у якіх прапусьціў 2 галы, і дапамог клюбу заняць чацьвертае месца ў чэмпіянаце.
У сэзонах 2018—2019 гадоў быў другім брамнікам дынамаўцаў пасьля Аляксандра Гутара. У сьнежні 2019 году падоўжыў кантракт зь берасьцейскім клюбам да канца 2020 году[6]. У сэзоне 2020 году па сыходзе Гутара стаў часьцей зьяўляцца на полі, чаргуючыся зь Сяргеем Ігнатовічам. У студзені 2021 году перайшоў у іншы берасьцейскі клюб — «Рух»[7]. Стаў трывалым гульцом пачатковага складу каманды, паводле вынікаў сэзону 2021 году быў прызнаны найлепшым брамнікам чэмпіянату Беларусі.
У студзені 2022 году пачаў трэнавацца з польскім клюбам «Тэрмаліка» і неўзабаве афіцыйна папоўніў ягоны склад[8]. Хутка стаў гуляць у стартавым складзе каманды, аднак з красавіка страціў месца ў аснове. Паводле вынікаў сэзону 2021—2022 гадоў «Тэрмаліка» выбыла з Экстраклясы ў Першую лігу, але брамніка застаўся ў камандзе, дзе стаў рэзэрвовым гульцом. У лютым 2023 году быў аддадзены ў арэнду ў клюб Экстраклясы «Гурнік» з Забжэ[9]. Пакінуў «Гурнік» у чэрвені 2023 году, гэтак і не згуляўшы за яго ў чэмпіянаце[10]. Яшчэ ў 2023 годзе прыяднаўся да ўзбэцкага «Пахтакору», дзе аднак ня быў трывалым першым брамнікам каманды. У канцы 2024 году ўладальнік клюб паведаміў, што Паўлючэнка ня будзе больш гуляць ва ўзбэцкім клюбе[11]. У студзені 2025 году стаў футбалістам віцебскага МЛ[12].
Міжнародная
[рэдагаваць | рэдагаваць крыніцу]У складзе нацыянальнай зборнай Беларусі дэбютаваў 13 лістапада 2017 году ў таварыскім матчы супраць зборнай Грузіі.
Дасягненьні
[рэдагаваць | рэдагаваць крыніцу]«Дынама» Берасьце:
- Уладальнік Супэркубка Беларусі: 2019, 2020
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дняпро | 2016 | Першая ліга | 20 | –21 |
| Дынама Берасьце | 2017 | Найвышэйшая ліга | 7 | –2 |
| 2018 | Найвышэйшая ліга | 6 | –5 | |
| 2019 | Найвышэйшая ліга | 4 | –4 | |
| 2020 | Найвышэйшая ліга | 13 | –17 | |
| Рух | 2021 | Найвышэйшая ліга | 28 | –27 |
Крыніцы
[рэдагаваць | рэдагаваць крыніцу]- ^ а б в Pavel Pavlyuchenko // Transfermarkt (мн.) — 2000.
- ^ а б https://int.soccerway.com/players/-/354991/
- ^ а б https://teams.by/pavlyuchenko-pavel-sergeevich/player-26847/
- ^ Левицкий, Рыбаков и еще три футболиста продлили контракты с могилевским «Днепром»
- ^ Украинский защитник Сергей Даценко стал игроком «Днепра»
- ^ Павловец и Павлюченко на год продлили контракты с брестским «Динамо»
- ^ Павел Павлюченко подписал контракт с "Рухом"
- ^ "Брук-Бет Термалика" объявил о трансфере Павла Павлюченко. Польскую команду тренирует Радослав Латал
- ^ Павел Павлюченко сменил польский Д2 на Д1 и стал одноклубником чемпиона мира (рас.) Праверана 2023-02-22 г.
- ^ "Гурник" не будет продлевать аренду Павлюченко. Он вернется в "Термалику", которая может выйти в Д1 (рас.) Праверана 2023-06-15 г.
- ^ Павел Павлюченко покинет «Пахтакор» в ближайшее время (рас.). Белорусский футбол (2025-12-04). Праверана 2025-03-23 г.
- ^ Павел Павлюченко перешел в "МЛ Витебск" (рас.). Football.by (2025-01-10). Праверана 2025-03-23 г.
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball
- Нарадзіліся 1 студзеня
- Нарадзіліся ў 1998 годзе
- Нарадзіліся ў Магілёве
- Футбалісты клюбу «Макслайн» Віцебск
- Футбалісты клюбу «Дняпро» Магілёў
- Футбалісты клюбу «Дынама» Берасьце
- Футбалісты клюбу «Рух» Берасьце
- Футбалісты клюбу «Брук-Бэт Тэрмаліка» Няцеча
- Футбалісты клюбу «Гурнік» Забжэ
- Футбалісты клюбу «Пахтакор» Ташкент
- Футбалісты моладзевай зборнай Беларусі
- Футбалісты зборнай Беларусі
- Беларускія футбалісты