Пятровічы (Смаленская вобласць)
| Вёска | |
| Пятровічы | |
|---|---|
| руск.: Петровичи | |
| 53°58′35″ пн. ш. 32°09′46″ у. д.HGЯO | |
| Краіна |
 Расія |
| Суб’ект федэрацыі | Смаленская вобласць |
| Муніцыпальны раён | Шумяцкі |
| Гісторыя і геаграфія | |
| Заснаваны | 1403 |
| Першае згадванне | 1403 |
| Плошча | 1.25 км² |
| Тып клімату | умерана-кантынентальны |
| Часавы пояс | UTC+4 |
| Насельніцтва | |
| Насельніцтва | 265 чалавек (2007) |
| Шчыльнасць | 212 чал./км² |
| Лічбавыя ідэнтыфікатары | |
| Тэлефонны код | +7 48133 |
| Паштовы індэкс | 216430 |
| Аўтамабільны код | 67 |
| Код АКАТП | 66256835016 |
| Паказаць/схаваць карты | |
  Пятровічы  Пятровічы |
|
Пятровічы — вёска ў Расіі, на левым беразе ракі Чорная Немка. Уваходзіць у склад Шумяцкага раёна Смаленскай вобласці. Насельніцтва на 2007 год — 265 чалавек. Знаходзіцца за 21 км на паўночны захад ад Шумячаў.
Гісторыя
[правіць | правіць зыходнік]Вялікае Княства Літоўскае
[правіць | правіць зыходнік]Першы пісьмовы ўспамін пра Пятровічы датуецца 1450 годам сярод зямельных наданняў вялікага князя Казіміра[1]. Пад 1710 годам Пятровічы ўпершыню ўпамінаюцца як мястэчка Мсціслаўскага ваяводства, уладанне Валовічаў. У 1719 годзе з мястэчка выплачвалася чопавае ў памеры 190 злотых.
Пад уладай Расійскай імперыі
[правіць | правіць зыходнік]У выніку першага падзелу Рэчы Паспалітай (1772 год) Пятровічы апынуліся ў складзе Расійскай імперыі, у Клімавіцкім павеце Магілёўскай губерні. У 1783—1785 гадах у мястэчку было 60 двароў. Пятровічы мелі квартальную забудову, аснову якой складаў Рынак царквой Святых Апосталаў Пятра і Паўла[2].
На 1887 год у Пятровічах было 132 дамы (63 хрысціянскія і 69 іўдэйскіх), дзейнічалі царква і малітоўны дом, працавалі гарбарня, вадзяны млын і фолюш.
Найноўшы час
[правіць | правіць зыходнік]25 сакавіка 1918 года згодна з Трэцяй Устаўной граматай Пятровічы абвяшчаліся часткай Беларускай Народнай Рэспублікі. 1 студзеня 1919 года згодна з пастановай І з’езда КП(б) Беларусі яны ўвайшлі ў склад Беларускай ССР, аднак 16 студзеня Масква адабрала мястэчка разам з іншымі этнічна беларускімі тэрыторыямі ў склад РСФСР. У 1924 годзе Пятровічы не вярнулі БССР.
Насельніцтва
[правіць | правіць зыходнік]- XVIII стагоддзе: 1783—1785 гады — 288 чал.[3]
- XIX стагоддзе: 1880 год — 1035 чал. (499 муж. і 536 жан.), з іх 329 праваслаўных, 1 каталік і 705 іўдэяў[4]
- XX стагоддзе: 1998 год — 215 чал.[5]
- XXI стагоддзе: 2007 год — 265 чал.
Славутасці
[правіць | правіць зыходнік]Гістарычныя
[правіць | правіць зыходнік]У Пятровічах захаваўся старажытны курган і рэшткі сядзібнага парку.
Страчаная спадчына
[правіць | правіць зыходнік]- Касцёл
- Сядзіба
- Царква Святых Апосталаў Пятра і Паўла (XVIII ст.)
Вядомыя асобы
[правіць | правіць зыходнік]- Айзэк Азімаў (1920—1992) — амерыканскі біяхімік і пісьменнік навуковай фантастыкі
- Любоў Іванаўна Фіглоўская (1908—1979) — беларускі літаратуразнавец. Доктар філалагічных навук (1957), прафесар (1960).
Зноскі
- ↑ ЭнцВКЛ 2010, с. 382.
- ↑ Мяцельскі А. Мястэчкі Мсціслаўскага ваяводства XVI—XVIII стст. // Гістарычна-археалагічны зборнік. Мінск, 2008. № 23.
- ↑ ЭнцВКЛ 2010, с. 383.
- ↑ Krzywicki J. Pietrowicze // Słownik geograficzny Królestwa Polskiego i innych krajów słowiańskich. Tom VIII: Perepiatycha — Pożajście (польск.). — Warszawa, 1887. S. 116.
- ↑ Смоленская область: Энциклопедия в 2 т. / Редкол.: Г. С. Меркин (отв. ред.) и др. Т. 2: А—Я. — Смоленск: СПГУ, 2003.
Літаратура
[правіць | правіць зыходнік]- Мяцельскі А. Пятровічы // Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 382—383. — 696 с. — ISBN 978-985-11-0487-7 (т. 3), ISBN 985-11-0315-2.
- Słownik geograficzny Królestwa Polskiego i innych krajów słowiańskich. Tom VIII: Perepiatycha — Pożajście (польск.). — Warszawa, 1887.
- Смоленская область: Энциклопедия в 2 т. / Редкол.: Г. С. Меркин (отв. ред.) и др. Т. 2: А—Я. — Смоленск: СПГУ, 2003. — 624 с.
Спасылкі
[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх
.jpg?lang=be)