Сігішаара

Горад
Сігішаара
рум.: Sighișoara
Краявід Сігішаары
Герб
46°13′01″ пн. ш. 24°47′28″ у. д.
Краіна	Румынія
Жудзец	Мурэш
Прымар	Ян Дорын Дэнешан
Гісторыя і геаграфія
Вышыня цэнтра	380 ± 1 м
Часавы пояс	UTC+2, летам UTC+3
Насельніцтва
Насельніцтва	32 570 чалавек (2007)
Лічбавыя ідэнтыфікатары
Тэлефонны код	(+40) 02 65
Паштовы індэкс	545400
Аўтамабільны код	MS
sighisoara.org.ro (рум.)
Паказаць/схаваць карты
Сігішаара
Медыяфайлы на Вікісховішчы

Сігішаа́ра (рум.: Sighişoara) — горад у Румыніі, у жудзецы Мурэш. Стаіць на ўзгорку над ракой Тырнава-Марэ (рум.: Târnava Mare) у Трансільваніі, у 175 км на паўночны захад ад Бухарэста. Насельніцтва — 32570 жыхароў (2007). Гістарычны цэнтр горада з 1999 года з'яўляецца помнікам Сусветнай спадчыны

Гісторыя

Гадзіннікавая вежа

Сігішаара вядомая ў гісторыі пад нямецкім імем Шэсбург (Schäßburg) і венгерскім — Шэгешвар (Segesvár). Горад заснавалі ў XIII стагоддзі нямецкія каланісты з Саксоніі і даліны Мозеля. Яны ўзвялі на ўзгорку сярэднявечную крэпасць, некалькі цэркваў і знакамітую Гадзіннікавую вежу вышынёй у 64 метра.

У XIV стагоддзі Шэсбург стаў вольным горадам, а да XVI стагоддзя — адным з вядучых гандлёва-рамесных цэнтраў Усходняй Еўропы з 15 рамеснымі цэхамі. У XV стагоддзі ў горадзе чаканіў манету выгнаны з Валахіі гаспадар Улад Дракула. У 1631 годзе тут быў абраны на венгерскі прастол трансільванскі князь Юрый I Ракацы.

Ніжняя частка горада была разбурана землетрасеннем 1668 года і пажарам 1676 года, але на працягу наступнага стагоддзя была адбудавана нанова.

У 1849 годзе руская армія нанесла пад Шэгешварам разгромнае паражэнне венгерскім паўстанцам. Сярод загінулых у баі апынуліся генерал-маёр Р. Я. Скарацін і выбітны паэт Шандар Петэфі. У XIX стагоддзі памяць абодвух была ўшанавана помнікамі.

Гарады-пабрацімы

•  Бадэн, Швейцарыя
•  Блуа, Францыя
•  Дынкельсбюль, Германія
•  Замасць, Польшча (8 верасня 2007)
•  Кішкунфеледзьхаза, Венгрыя
•  Чыта-дзі-Кастэла^[d], Італія

Спасылкі

• На Вікісховішчы ёсць медыяфайлы па тэме Сігішаара