Хадзяўляны
Вёска
Хадзяўляны 
  Хадзяўляны  Хадзяўляны | ||||||||||||||||||||||
Хадзяўля́ны[1] (трансліт.: Chadziaŭliany, руск.: Ходевляны) — вёска ў Беларусі, у Дзятлаўскім раёне Гродзенскай вобласці. Уваходзіць у склад Дзятлаўскага сельсавета.
Геаграфія
[правіць | правіць зыходнік]Вёска знаходзіцца на заходняй ускраіне Навагрудскага ўзвышша, на рацэ Дзятлаўка. Размешчана за 3 км на паўднёвы захад ад горада Дзятлава, ля аўтадарогі Дзятлава—Слонім, за 14 км ад чыгуначнай станцыі Наваельня.
Аснову планіровачнай структуры складаюць 2 паралельныя прамалінейныя вуліцы, якія пад вострым вуглом перасякаюць 5 кароткіх прамалінейных вуліц і ідуць да дарогі Дзятлава—Слонім, утвараючы сетку ромбападобных кварталаў. Вёска забудавана двухбакова драўлянымі сядзібамі.
Гісторыя
[правіць | правіць зыходнік]Адзначана, што гістарычна водны шлях па малых рэках паралельна Нёмана дазваляў дасягнуць Навагрудка, скараціўшы значную адлегласць. З цягам часу рэчкі забалоціліся, і да XVI ст. іх рэчышчы пераадольваліся з цяжкасцю. Таму скрай балот узніклі паселішчы, жыхары якіх знайшлі сабе спосаб дадатковага заробку. Яны дапамагалі вандроўнікам пераадольваць багну, перацягваючы іх груз. Корань «ход» у назве сведчыць аб імаверным знаходжанні вёскі паблізу волака.
У 1580 годзе вёска Хадзевічы згадваецца ў Слонімскім павеце Навагрудскага ваяводства ВКЛ. У 1624 годзе ў складзе Маркаўскага войтаўства Дзятлаўскай (Здзянцёльскай) воласці ва ўласнасці Сапегаў[2].
Вядомыя асобы
[правіць | правіць зыходнік]- Аляксандр Аляксандравіч Губко (1936—1993) — вучоны ў галіне траўматалогіі і артапедыі, доктар медыцынскіх навук, прафесар[3].
Крыніцы
[правіць | правіць зыходнік]- ↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).. Сустракаецца таксама варыянт Хазяўля́ны
- ↑ LMAB, ф. 16 спр. 203 ч. 3
- ↑ Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5). — С. 517.
Літаратура
[правіць | правіць зыходнік]- Памяць: Гіст.-дакум. хроніка Дзятлаўскага раёна / Рэдкал. П. М. Бараноўскі, І. Я. Скарынкін — Мн.: Універсітэцкае, 1997.— 398 с.: іл. ISBN 985-09-0068-7
- Гарады і вёскі Беларусі: Энцыклапедыя. Т. 9: Гродзенская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2016. — 848 с.: іл. — 1 500 экз. — ISBN 978-985-11-0908-7.
Спасылкі
[правіць | правіць зыходнік]
На Вікісховішчы ёсць медыяфайлы па тэме Хадзяўляны