Юлія Аляксандраўна Волкава

Юлія Аляксандраўна Волкава
Нараджэнне	12 верасня 1986(1986-09-12) (39 гадоў) Гомель, Гомельская вобласць, Беларуская ССР, СССР
Партыя	Рэспубліканская партыя працы і справядлівасці
Член у	Белая Русь
Адукацыя	Гомельскі дзяржаўны тэхнічны ўніверсітэт імя П. В. Сухога
Навуковая ступень	кандыдат эканамічных навук
Навуковае званне	дацэнт
Месца працы	Гомельскі завод ліцця і нармаляў Гомельскі дзяржаўны тэхнічны ўніверсітэт імя П. В. Сухога

Юлія Аляксандраўна Волкава (нар. 12 верасня 1986, г. Гомель) — беларускі палітык, дэпутатка Палаты прадстаўнікоў Нацыянальнага сходу Рэспублікі Беларусь VIII склікання. Кандыдат эканамічных навук, дацэнт.

Біяграфія

Нарадзілася 12 верасня 1986 года ў г. Гомелі.

Скончыла Гомельскі дзяржаўны тэхнічны ўніверсітэт імя П. В. Сухога па спецыяльнасці «Менеджмент», магістратуру і аспірантуру па спецыяльнасці «Эканоміка і кіраванне народнай гаспадаркай».

Працавала на інжынерна-эканамічных пасадах у аддзеле тэхнічнага пераўзбраення і фінансавым аддзеле Гомельскага завода ліцця і нармаляў; выкладчыкам, старшым выкладчыкам, дацэнтам кафедры «Эканоміка» Гомельскага дзяржаўнага тэхнічнага ўніверсітэта імя П. В. Сухога.

Аўтар больш за 100 навуковых і вучэбна-метадычных работ. Лаўрэат стыпендыі Прэзідэнта Рэспублікі Беларусь таленавітым маладым вучоным.

Выбіралася дэпутатам 27-га і 28-га скліканняў Гомельскага гарадскога Савета дэпутатаў.

Член Рэспубліканскай партыі працы і справядлівасці, рэспубліканскага грамадскага аб’яднання «Белая Русь».

У 2024 годзе выбрана дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Гомельскай сельскай акругі № 37. Член Пастаяннай камісіі па эканамічнай палітыцы.

Узнагароды

Узнагароджана ганаровымі граматамі Гомельскага гарадскога выканаўчага камітэта. Мае Падзяку Гомельскага гарадскога Савета дэпутатаў.

Спасылкі

• Біяграфія на сайце Палаты прадстаўнікоў Нацыянальнага сходу Рэспублікі Беларусь