ព្រះទម្រង់ធុរិកា

ក្រឹស ជាអាវុធសម្រាប់ខ្លួនមួយយ៉ាង ។ ក្រឹសសម្រាប់អង្គ ព្រះករុណា ក៏មានដែរ ហៅជារាជស័ព្ទថា “ព្រះទម្រង់ធុរិកា” សព្វថ្ងៃ មាន ១ គេតម្កល់ទុកនៅហោបញ្ចក្សេត្រ មានពួក បារគូជាភ្នាក់ងារថែរក្សា ជាមួយនឹងព្រះខ័ន។

លក្ខណៈ

ព្រះទម្រង់ធុរិកានេះ មានលក្ខណៈប្លែក គឺផ្លែទ្រង់ រាវស្បឺត ហើយមានរំពត់ចុះឡើង មិនត្រង់ស្ដូកដូចក្រឹសឯទៀតទេ បណ្តោយផ្លែប្រវែង ០ម ៣៨ ទទឹងផ្លែ វាស់ត្រង់កណ្តាល ០ម៉ែត្រ ០២ នៅគល់ធ្វើមៀនជាកែងសម្រាប់រង ដងភ្លុកធ្លាក់ជារូបសត្វចិញ្ចឹម ១ យ៉ាន់ តែគេឆ្លាក់គ្រាន់តែ ជាទំនងជារូបសត្វ លុះតែមើលសង្កេតទើបដឹង មានប្រវែង ដង ០ម០៧ ស្រោមមាសមានក្បាច់ល្អិត វាស់រួមទាំងដង ទាំងស្រោម ប្រវែង ០ម៤៥ ។

ប្រវត្តិ

ព្រះទម្រង់ធុរិកានេះ មានប្រវត្តិ តំណាលថាជារបស់ព្រះបាទសម្តេចព្រះរាមាធិបតី ដែល សោយរាជ្យក្នុង ចុល្លសករាជ ១.០០៣ (ព.ស. ២១៨៤), ដែលពាក្យសាមញ្ញហេហៅថា ព្រះរាមចូលសាសន៍ដោយ ពួកជ្វាបានថ្វាយទុកមក។