Аліса Віктараўна Рыжычэнка

Аліса Віктараўна Рыжычэнка
Нараджэнне	Полацк
Член у	Аб’яднаны пераходны кабінет Беларусі
Адукацыя	Беларускі дзяржаўны эканамічны ўніверсітэт Венскі ўніверсітэт

Аліса Рыжычэнка (нар. Полацк) — беларуская эканамістка і палітычная дзяячка, магістр эканомікі і палітычных навук. Са жніўня 2025 года — прадстаўнік Аб’яднанага пераходнага кабінета Беларусі па пытаннях эканомікі і фінансаў.

Біяграфія

Нарадзілася ў Полацку. Пасля смерці бацькі сям’я сутыкнулася з цяжкім фінансавым становішчам, з падлеткавага ўзросту сумяшчала вучобу з працай. Вучылася ў Беларускім дзяржаўным эканамічным універсітэцэ, дзе атрымала ступень магістра эканомікі. Працавала ў банкаўскай сферы і ў агенцтве нерухомасці. У 2018 годзе з’ехала з Беларусі і пераехала ў Аўстрыю, дзе атрымлівала адукацыю ў Венскім універсітэце.

З 2020 года ўдзельнічала ў беларускіх дэмакратычных ініцыятывах і валанцёрскіх праектах, звязаных з падтрымкай палітвязняў і прасоўваннем правоў чалавека. Супрацоўнічала з арганізацыямі «Краіна для жыцця», ABBA, «Дыхай вольна», а таксама з незалежнымі медыя і даследчымі цэнтрамі. Выступала спікерам на канферэнцыі «Новая Беларусь» і экспертных круглых сталах, прысвечаных пытанням эканомікі і сацыяльнай палітыкі.

10 жніўня 2025 года на канферэнцыі «Новая Беларусь» у Варшаве Святлана Ціханоўская аб’явіла аб прызначэнні Алісы Рыжычэнка прадстаўніком Аб’яднанага пераходнага кабінета па эканоміцы і фінансах. Прызначэнне было ўхвалена Каардынацыйнай радай.

Асабістае жыццё

Бацька — беларус, працаваў у аддзяленні «Раснафты» ў Наваполацку. Маці — руская, якая нарадзілася ў Германіі і працавала інжынерам-тэхнолагам у Полацку. Таксама маці з’яўляецца ветэранам працы. Мае сына. Пасля пераезду ў Аўстрыю развялася з мужам, але застаецца з ім у нармальных адносінах дзеля выхавання дзіцяці.