Латвійская нацыянальная акадэмія абароны

Латвійская нацыянальная акадэмія абароны
па-латыску: Latvijas Nacionālā aizsardzības akadēmija
Лягатып
Заснаваны	1992
Месцазнаходжаньне
Краіна	Латвія
Вэб-сайт	naa.mil.lv

Латвійская нацыянальная акадэмія абароны (па-латыску: Latvijas Nacionālā aizsardzības akadēmija) — латвійская дзяржаўная вышэйшая навучальная ўстанова, якая знаходзіцца ў Рызе.

Апісаньне

Гэта дзяржаўная ваенная прафэсійная вышэйшая навучальная і навуковая ўстанова, пераемнік традыцый Латвійскай ваеннай школы (1918-1940). Вучэльня знаходзіцца па адрасе: вул. Эзэрмалас 8, Рыга. Створана 13 лютага 1992 года як акадэмія Міністэрства абароны Латвійскай Рэспублікі. Заснавальнік акадэміі — Кабінет міністраў. Акадэмія — адзіная вышэйшая ваенная навучальная ўстанова ў Латвіі.

Асноўнай задачай акадэміі зьяўляецца падрыхтоўка прафэсійна адукаваных камандзіраў і ваенных спэцыялістаў для ўзброеных сіл Латвіі, арганізацыя і правядзеньне дасьледаваньняў у галіне нацыянальнай абароны і бясьпекі. Вучэльня рэалізуе прафэсійныя праграмы навучаньня для бакаляўра ("Ваеннае камандаванне польнымі войскамі", "Ваеннае камандаванне плаўнымі сіламі", "Ваеннае камандаванне лётнымі сіламі"), адукацыйную праграму "Камандны афіцэр" другога ўзроўню вышэйшай адукацыі, праграму практыка-арыентаванай магістратуры "Ваеннае камандаваньне і бясьпека", а таксама забяспечвае курсы павышэньня кваліфікацыі.

У пытаньнях ваеннай службы акадэмія знаходзіцца пад непасрэдным праўленьнем галоўнакамандуючага Нацыянальнымі ўзброенымі сіламі Латвіі. Нацыянальная акадэмія абароны мае ўласны сьцяг, герб, дэвіз і гімн.

Узброеныя сілы Латвіі прадастаўляюць курсантам усіх навучальных праграм і афіцэрскіх курсаў: зарплату ваеннаслужачага, сутачныя і кампэнсацыю арэнды жыльля, гарантыі як для ваеннаслужачых, пражываньне ў інтэрнаце, магчымасьць выкарыстаньня комплексу спартыўнага клуба Узброеных сіл Латвіі. Па заканчэньні навучаньня студэнцкі крэдыт анулюецца для выпускнікоў навучальнай праграмы "Камандзір" і для выпускнікоў афіцэрскіх курсаў, калі выпускнік пасьля гэтага быў прыняты для атрыманьня вышэйшай адукацыі ў грамадзянскую ВНУ. Усім выпускнікам акадэміі гарантавана пасада ў падразьдзяленьнях Узброеных сіл Латвійскай Рэспублікі.

Вонкавыя спасылкі

• Старонка ў сеціве