သမဝါယမနှင့် ကျေးလက်ဖွံ့ဖြိုးရေး ဝန်ကြီးဌာန

သမဝါယမနှင့် ကျေးလက်ဖွံ့ဖြိုးရေး ဝန်ကြီးဌာန
Ministry of Cooperatives and Rural Development

မြန်မာနိုင်ငံအစိုးရအစိုးရအဖွဲ့အစည်း
အစိုးရအဖွဲ့အစည်း အကျဉ်းချုပ်
ဖွဲ့စည်းခြင်း	၁၇ ဇွန် ၂၀၂၁ (၂၀၂၁-၀၆-17)
အဖွဲ့အစည်းအမျိုးအစား	ဝန်ကြီးဌာန
ဌာနချုပ်	ရုံးအမှတ် (၁၆)၊ နေပြည်တော်
ဝန်ကြီးများ	ဦးလှမိုး
ဒုတိယဝန်ကြီးများ	ဦးမြင့်စိုး
ဝက်ဘ်ဆိုက်	mcrd.gov.mm

သမဝါယမနှင့် ကျေးလက်ဖွံ့ဖြိုးရေး ဝန်ကြီးဌာနသည် ၂၀၂၁ ခုနှစ်တွင် အသစ်ဖွဲ့စည်းလိုက်သော ဝန်ကြီးဌာနတစ်ခုဖြစ်သည်။ လက်ရှိဝန်ကြီးမှာ ဦးလှမိုးဖြစ်သည်။

ဝန်ကြီးဌာနလက်​အောက်တွင် ဦးစီးဌာန (၄)ခု၊ သမဝါယမနှင့် စီမံခန့်ခွဲမှုပညာတက္ကသိုလ်များ၊ ယွန်းပညာကောလိပ်၊ သမဝါယမ​ကောလိပ်များ၊ သမဝါယမစာရင်းရေး၊ စာရင်းကိုင် သက်မွေးပညာသင်တန်းကျောင်းများ တည်ရှိသည်။

သမိုင်းကြောင်း

မြန်မာနိုင်ငံတွင် သမဝါယမနှင့် ကုန်စည်ဖြန့်ဖြူးရေးဝန်ကြီးဌာနကို ၁၉၅၁ခုနှစ်မှစ၍ ဖွဲ့စည်းခဲ့သည်။ ထို့နောက် ထောက်ပံရေးနှင့် သမဝါယမဝန်ကြီးဌာန၊ သမဝါယမဝန်ကြီးဌာန စသည်ဖြင့် ပြင်ဆင်ဖွဲ့စည်းခဲ့သည်။

၂၀၁၆ ခုနှစ်တွင် သမဝါယမဝန်ကြီးဌာန၊ မွေးမြူရေး၊ ရေလုပ်ငန်းနှင့် ကျေးလက်ဒေသဖွံ့ဖြိုးရေးဝန်ကြီးဌာန၊ လယ်ယာစိုက်ပျိုးရေးနှင့် ဆည်မြောင်း ဝန်ကြီးဌာနတို့ကို စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန အဖြစ် ဖွဲ့စည်းခဲ့သည်။

၂၀၂၁ ခုနှစ် စစ်အာဏာသိမ်းမှုဖြစ်ပွားပြီးနောက် ဖွဲ့စည်းခဲ့သော အစိုးရအဖွဲ့တွင် ယခင်ဖျက်သိမ်းခဲ့သော သမဝါယမဦးစီးဌာန နှင့် ကျေးလက်ဒေသဖွံ့ဖြိုးတိုးတက်ရေးဦးစီးဌာနတို့ဖြင့် သမဝါယမနှင့် ကျေးလက်ဖွံ့ဖြိုးရေး ဝန်ကြီးဌာနအဖြစ် အသစ်ဖွဲ့စည်းခဲ့သည်။

၂၀၂၂ ခုနှစ် ဇွန်လ (၂၃)ရက်​နေ့တွင် ​ဆောက်လုပ်​ရေးဝန်ကြီးဌာနလက်​အောက်ရှိ ကျေးလက်လမ်းဖွံ့ဖြိုးရေး ဦးစီးဌာန အား လွှဲ​ပြောင်းရယူခဲ့သည်။

ဖွဲ့စည်းပုံ

• သမဝါယမ ဦးစီးဌာန
• ​ကျေးလက်ဒေသ ဖွံ့ဖြိုးတိုးတက်ရေးဦးစီးဌာန
• အသေးစားစက်မှုလက်မှုလုပ်ငန်း ဦးစီးဌာန
• ကျေးလက်လမ်းဖွံ့ဖြိုးရေး ဦးစီးဌာန
• သမဝါယမနှင့် စီမံခန့်ခွဲမှုပညာတက္ကသိုလ် (သန်လျင်)
• သမဝါယမနှင့်စီမံခန့်ခွဲမှုပညာတက္ကသိုလ်(စစ်ကိုင်း)

အကြီးအကဲများ

ပြည်ထောင်စုဝန်ကြီးများ

ပြည်ထောင်စုဝန်ကြီးများ (၂၀၂၁ - ယနေ့အထိ)

စဉ်	ပုံ	အမည်	တာဝန်သက်တမ်း			ဒုတိယဝန်ကြီး	ဝန်ကြီးချုပ်	သမ္မတ	အစိုးရအဖွဲ့
၁။		ဦးလှမိုး	၂၄ ဇွန် ၂၀၂၁	၃၁ ဇူလိုင် ၂၀၂၅		ဦးမြင့်စိုး	မင်းအောင်လှိုင်	မြင့်ဆွေ (ယာယီ) မင်းအောင်လှိုင် (ယာယီ-တာဝန်)	မင်းအောင်လှိုင်အစိုးရ
			၃၁ ဇူလိုင် ၂၀၂၅	ယနေ့အထိ		-	ညိုစော	မင်းအောင်လှိုင် (ယာယီ-တာဝန်)	ညိုစောအစိုးရ

ဒုတိယဝန်ကြီးများ

စဉ်	ပုံ	အမည်	တာဝန်သက်တမ်း	ပြည်ထောင်စုဝန်ကြီး	အစိုးရအဖွဲ့	ရင်းမြစ်
၁။		ဦးမြင့်စိုး	၄ ဧပြီ ၂၀၂၂ - ၃၁ ဇူလိုင် ၂၀၂၅	ဦးလှမိုး	မင်းအောင်လှိုင်အစိုးရ

ပြင်ပလင့်ခ်များ

• လူမှုကွန်ယက် စာမျက်နှာ