次數數據

呢幅圖，畫嘅係幾個 λ 值唔同嘅泊淞分佈。泊淞分佈可以用嚟模擬次數數據嘅概率分佈。

次數數據（參見英文：count data）係一類統計數據，指緊用嚟數sou2住某事件發生咗幾多次嘅值。次數數據有幾個數學特徵：

• 佢哋取值只可以係非負嘅整數，即係 0 1 2 3... 等等，唔會有負數，亦唔會有小數。
• 佢哋往往嚟自固定時間或空間區間內觀察事件嘅出現次數。
• 因為發生次數有一定嘅隨機性，佢哋嘅概率分佈傾向用泊淞分佈或者類似嘅模型嚟處理。

呢啲特性令到次數數據同其他類型嘅數據明顯有別。若果研究者用處理其他類嘅數據嘅方法嚟處理次數數據，就好有可能會搞到估計出嚟嘅統計模型出現扭曲同埋俾出有誤導性嘅結果。

領域應用

次數數據喺好多領域都會出現。例如：

• 醫療研究：統計某間醫院嘅急症室每日接收到幾多單中風個案。
• 犯罪學：統計某一警區喺一星期內報咗幾多單爆格。
• 交通工程：統計某高速公路喺高峰期每個禮拜發生幾多單交通意外。

分析方法

睇埋：泊淞迴歸模型

統計師可以用泊淞迴歸模型嚟建立統計模型，從而預測次數性質嘅變數。

睇埋

• 泊淞分佈
• 離散變數
• 分類變數
• 自然數

引咗

一覽