ⵜⴰⵙⵏⴰ ⵏ ⵓⵙⵏⵓⴱⴳ
ⴰⵏⵙⵓⴼ ⵉⵙⵙⵓⵏ ⴳ ⵡⵉⴽⵉⴱⵉⴷⵢⴰ
ⴰⵙⴰⵎⵓ ⵉⵍⴻⵍⵍⵉ ⵏⵏⴰ ⴳ ⵉⵖⴰⵢ ⴽⵓ ⵢⴰⵏ ⴰ ⵉⵜⵜⴰⵔⴰ
|
ⴰⵎⴹⴰⵏ ⵏ ⵉⵏⵙⵙⵎⵔⵙⵏ: 86 |
|
ⴰⵏⵎⵓⴳⴳⴰⵔ ● ⵉⵎⵓⵙⵙⵓⵜⵏ ⴷ ⵉⵎⵣⵉⵣⵡⵔⵏ ● ⵙⵎⵎⵓⵙⵜ ⵜⵉⵔⵙⴰⵍ ⵏ ⵡⵉⴽⵉⴱⵉⴷⵢⴰ ● ⵉⵙⵡⵉⵔⵏ ⵏ ⵉⵎⵏⵏⵉⵜⵏ ● ⵥⵕ ⵓⴳⴳⴰⵔ ● Read in English | |
ⴰⵎⵏⵏⵉ ⵓⴼⵔⵉⵏ
ⵜⴰⵥⵕⵡⴰⵍⵜ (ⵙ ⵜⴰⵄⵔⴰⴱⵜ: تزروالت , ⵙ ⵜⴼⵕⴰⵏⵚⵉⵚⵜ: Tazeroualt) ⵜⴳⴰ ⵢⴰⵏ ⵓⴷⵖⴰⵔ ⴰⵎⵣⵔⴰⵢ ⵉⵍⵍⴰⵏ ⵖ ⵙⵓⵙ ⵖ ⵉⴼⴼⵓⵙ ⵏ ⵍⵎⵖⵔⵉⴱ, ⵍⵍⵉ ⵜⵜ ⵏⵏ ⵉⴽⴽⴰⵏ ⵖ ⵎⴰ ⴰⴷ ⵉⵣⵔⵉⵏ ⵜⴳⴰ ⵜⴰⵎⴰⵣⵉⵔⵜ ⵜⴰⵙⵉⵎⴰⵏⵜ ⵖ ⵜⴰⵙⵓⵜ ⵜⵉⵙ ⵙⴰ ⴷ ⵎⵔⴰⵡⵜ. ⵜⴻⵜⵜⵓⵢⵏⴱⴰⴹ ⵣⵖ ⵜⵎⴰⵥⵓⵏⵜ ⵏⵏⵙ ⵉⵍⵉⵖ ⵖ ⵉⴷⵔⴰⵔⵏ ⵏ ⵡⴰⵟⵍⴰⵚ ⵎⵥⵥⵉⵢⵏ. ⵖ ⵜⵉⵣⵉ ⵍⵍⵉ ⵖ ⴰⴽⴽⵯ ⵜⵎⵇⵇⵓⵔ ⵜⴳⵍⴷⵉⵜ ⵏ ⵜⵥⵕⵡⴰⵍⵜ, ⵜⵖⵯⵉ ⵣⵖ ⵓⴳⴰⵔⵓ ⴰⵟⵍⴰⵏⵜⵉ ⴰⵔ ⵜⴰⵙⴳⴰ ⵏ ⵜⵓⵡⴰⵜ ⵍⵍⵉ ⵉⵍⵍⴰⵏ ⵖⵉⵍⴰⴷ ⵖ ⵉⴳⴳⵉ ⵏ ⵡⴰⴽⴰⵍ ⴰⴷⵣⴰⵢⵔⵉ, ⵜⵏⴱⴹ ⵢⴰⵜ ⵜⵙⴳⴰ ⴱⴰⵀⵔⴰ ⵉⵎⵇⵇⵓⵔⵏ ⴳ ⵜⵏⵣⵔⵓⴼⵜ.
ⵉⴳⴰ ⵃⵎⴰⴷ ⵓ ⵎⵓⵙⴰ ⴰⵔⴳⴰⵣ ⵍⵍⵉ ⴷ ⴰⴽⴽⵯ ⵉⵣⵡⴰⵔⵏ ⵉⵙ ⵉⵙⵙⵏⵜⴰ ⴰⵥⵓⵕ ⵏⵖ ⵙⵙⵓⵍⴰⵍⴰ ⵏ ⵜⵥⵕⵡⴰⵍⵜ, ⵉⴽⴽⴰ ⵜⵜ ⵉⵏⵏ ⵉⴳⴰ ⵢⴰⵏ ⵓⴳⵯⵔⵔⴰⵎ ⵓ ⵜⵎⴰⵣⵉⵔⵜ ⵏ ⵙⵓⵙ ⵍⵍⵉ ⵉⵍⵓⵍⵏ ⴳ ⵜⵓⵥⵥⵓⵎⵜ ⵏ ⵜⴰⵙⵓⵜ ⵜⵉⵙ ⵙⵎⵎⵓⵙⵜ ⴷ ⵎⵔⴰⵡⵜ, ⵉⵙⴷⵖⵔ ⴷⴼⴼⵉⵔ ⵎⴰⵢⴰ ⴳ ⵜⵙⴳⴰ ⵏ ⵜⵥⵕⵡⴰⵍⵜ, ⵖⵉⵏⵏ ⴰ ⵖ ⴷ ⵉⵙⵏⵓⵍⴼⴰ ⵣⵣⴰⵡⵉⵜ ⵢⴰⵡⵉ ⴷ ⵜⵉⵎⴰⴹ ⵏ ⵉⵎⴹⴼⴰⵕⵏ, ⵏⵏⴰ ⴷ ⴷⴰⵔⵙ ⵉⵜⵜⴰⵛⴽⴰⵏ ⴰⴼⴰⴷ ⴰⴷ ⵍⵎⴷⵏ ⵜⵉⵖⴰⵡⵙⵉⵡⵉⵏ ⵉⵣⴷⵉⵏ ⴷ ⵓⵙⴳⴷ ⵏⵏⵙⵏ. ⵉⵟⵟⴼ ⵖ ⵡⴰⴽⵓⴷ ⴰⵏⵏ ⵃⵎⴰⴷ ⵓ ⵎⵓⵙⴰ ⵜⴰⵣⴷⴰⵢⵜ ⵉⴼⵓⵍⴽⵉⵏ ⴷ ⵉⵚⵓⵍⵟⴰⵏⵏ ⵉⵙⴰⵄⴷⵉⵢⵏ ⵍⵍⵉ ⵜⵜ ⵉⵏⵏ ⵉⴽⴽⴰⵏ ⵖ ⵜⵏⴱⴰⴹⵜ. ⴰⴷⵖⴰⵔ ⵏⵏⵙ ⴷ ⵡⴰⵜⵉⴳ ⵏⵏⵙ ⵖ ⵓⵙⴳⴷ ⵓⵊⵊⴰⵏ ⵜ ⴰⴷ ⵉⵖⴰⵎⴰ ⴳ ⵓⵙⵡⵉⵔ ⵏⵏⵙ. ⵍⵍⵉⵖ ⵉⵎⵎⵓⵜ, ⴰⴷⵖⴰⵔ ⵍⵍⵉ ⴳ ⵉⵜⵜⵓⵢⵎⴹⴰⵍ ⵓⵔⴳⴰⵣ ⴰⴷ ⵉⴳⴰ ⵣⵓⵏ ⴷ ⵍⵃⵊⵊ.
ⴰⵎⵏⵏⵉ ⴰⴼⴰⵍⴽⴰⵢ
ⵜⴰⵎⴷⴷⵓⵍⵜ ⵏⵖ ⵜⴰⵎⴷⵓⵍⵜ ⵏⵖ ⵜⴰⵎⴷⴷⵓⵍⵜ ⵏ ⵡⴰⵇⵇⴰ, (ⴰⵙⵜⵓⵜⵍⴰⵢ ⴰⴷⵖⴰⵔⴰⵏ: [ⵜⴰⵎⴷⵓⵍⵜ ⵡⵡⴰⵇⵇⴰ] ⵏⵖ [ⵜⴰⵎⴷⴷⵓⵍⵜ ⵡⵡⴰⵇⵇⴰ]) ⵜⴳⴰ ⵜⵉⵖⵔⵎⵜ ⵜⴰⵎⵖⵔⵉⴱⵉⵜ ⵜⴰⵇⴱⵓⵔⵜ ⵉⵜⵜⵢⴰⵡⵙⵙⴰⵏⵏ ⵖⵓⵔ ⵉⵎⴰⵣⵉⵖⵏ ⵎⴰ ⵙ ⵜⵏⵖⵓⴱⴰ ⴷⴷⴰⵡ ⵓⴼⵓⵙ ⵏ ⵎⵃⵏⵏⴷ ⵓ ⵄⵍⵉ ⴰⵎⵏⵚⴰⴳ. ⵜⵍⵍⴰ ⵜⵖⵔⵎⵜ ⵏ ⵜⵎⴷⴷⵓⵍⵜ ⴳ ⵜⴰⵎⴰ ⵏ ⵜⵖⵔⵎⵜ ⵏ ⵡⴰⵇⵇⴰ, ⵜⴰⴳⴳⵓⴳ ⵖⵉⴼⵙ ⵙ 13 ⵉⴽⵉⵍⵓⵎⵉⵜⵔⵏ. ⵉⵙⴰⴳⵓⵔⵏ ⵏ ⵜⵎⴷⴷⵓⵍⵜ ⵙⵓⵍⵏ ⴳ ⵉⴳⴳⵉ ⵏ ⵢⴰⵜ ⵜⵓⴽⴰⵔⵜ ⵉⵎⵥⵥⵉⵢⵏ ⴳ ⵡⴰⵎⵎⴰⵙ ⵏ ⵓⵣⴰⵖⴰⵔ ⵏ ⵜⴳⵔⴰⵡⵜ ⵏ ⵜⵓⵣⵓⵏⵉⵏ. ⵜⵓⴳⵜ ⵏ ⵉⴷ ⴱⵓⵡⵎⵣⵔⵓⵢ ⵣⵓⵏ ⴷ ⵍⴱⴽⵔⵉ, ⵍⵢⴰⵄⵇⵓⴱⵉ ⴷ ⵉⵣⵎ ⴰⵎⴰⵣⵉⵖ (ⵍⵃⴰⵙⴰⵏ ⵍⵡⴰⵣⵣⴰⵏ) ⴰⵔ ⵜⵜⵉⵏⵉⵏ ⵎⴰ ⵙ ⵜⴻⵜⵜⵓⵚⴽⴰ ⵜⵎⴷⴷⵓⵍⵜ ⴳ ⵜⴰⵙⵓⵜ ⵜⵉⵙ 9 ⵏ ⵜⵍⴰⵍⵉⵜ, ⵜⴷⴷⵔ ⴰⵔ ⵜⴰⵙⵓⵜ ⵜⵉⵙ 16 ⵏ ⵜⵍⴰⵍⵉⵜ ⵍⵍⵉⴳ ⵜⵜ ⵉⵅⵍⴰ ⵎⵃⵏⵏⴷ ⵓ ⵄⵍⵉ ⴰⵎⵏⵚⴰⴳ ⴳ ⵓⵣⵎⵣ ⵏ ⵉⵙⵄⴷⵉⵢⵏ.
ⴰⵎⴰⵡⴰⵍ ⴰⵇⴱⵓⵔ ⵉⵙⴰⵡⵍⵏ ⵅⴼ ⵜⴳⵓⵔⵉ ⵏ "ⵜⴰⵎⴷⵓⵍⵜ" ⵉⴳⴰ ⵜ ⵓⴷⵍⵉⵙ ⵏ "ⴽⵉⵜⴰⴱ ⴰⵍ ⴰⵙⵎⴰ" ⵏ ⵉⴱⵏ ⵜⵓⵏⵔⵜ, ⵉⵜⵜⵢⵓⵔⴰ ⵓⴷⵍⵉⵙ ⴰⴷ ⴳ ⵓⵙⴳⴳⵯⴰⵙ ⵏ 1146 ⴷⴰⵜ ⵜⵍⴰⵍⵉⵜ. ⴰⵔ ⴳⵉⵙ ⵉⵜⵜⵉⵏⵉ ⵉⴱⵏ ⵜⵓⵏⵔⵜ ⵎⴰ ⵙ "ⵜⴰⵎⴷⵓⵍⵜ" ⵜⴳⴰ "ⵜⴰⵎⵖⴰⵔⵜ ⵅⴼ ⵉⴽⵛⵎ ⵓⵔⴳⴰⵣ".
ⴷⴰ ⵜⵜⵉⵏⵉⵏ ⵉⵎⴰⵙⵙⴰⵏⵏ ⵏ ⵓⵎⵣⵔⵓⵢ ⵎⴰ ⵙ ⵜⵍⵍⴰ ⵜⵓⵚⴽⴰ ⵏ ⵜⵎⴷⴷⵓⵍⵜ ⴳ ⵜⴰⵙⵓⵜ ⵜⵉⵙ 9 ⵏ ⵜⵍⴰⵍⵉⵜ ⴳ ⵓⵣⵎⵣ ⵏ ⵜⵓⵚⴽⴰ ⴰⵡⴷ ⵏ ⵜⵖⵔⵎⵜ ⵏ ⵉⴳⵍⵎⵓⵙⵏ, ⵙ ⵓⴼⵓⵙ ⵏ ⵄⴱⴷⵓⵍⵍⴰⵀ ⵓ ⴷⵔⵉⵙ, ⴰⴳⵍⵍⵉⴷ ⵏ ⵙⵓⵙ, ⴰⵖⵎⴰⵜ, ⵏⵏⴼⵉⵙ ⴷ ⵜⵎⴰⵣⵉⵔⵜ ⵏ ⵉⵎⵚⵎⵓⴹⵏ ⵏⵖ ⵉⵎⵥⵎⵓⴹⵏ. ⵎⴰⵛⴰ ⵉⴷ ⴱⵓⵡⵎⵣⵔⵓⵢ ⵢⴰⴹⵏⵉⵏ ⴰⵔ ⵜⵜⵉⵏⵉⵏ ⵎⴰ ⵙ ⵜⴰⵎⴷⴷⵓⵍⵜ ⵜⵣⵡⴰⵔ ⴰⵙⴰⴽⵓⴷ ⴰⴷ, ⴷ ⵎⴰ ⵙ ⵄⴱⴷⵍⵍⴰⵀ ⵓ ⴷⵔⵉⵙ (ⵄⴱⴷⵍⵍⴰⵀ ⴱⵏ ⴷⵔⵉⵙ) ⵉⵙ ⴽⴰ ⵢⵓⵍⵙ ⵜⵓⵚⴽⴰ ⵉ ⵜⵖⵔⵎⵜ ⵏ ⵜⵎⴷⵓⵍⵜ ⴰⵛⴽⵓ ⵜⴳⴰ ⴰⵖⴰⵔⴰⵙ ⵏ ⵜⵙⴱⴱⴰⴱⵜ ⵏ ⵡⵓⵔⵖ ⵙⴳ ⵓⵣⵎⵣ ⵏ ⵉⴼⵉⵏⵉⵇⵏ. ⴹⴰⵕⵜ ⵜⴰⵙⵓⵜ ⵜⵉⵙ 9, ⵜⵥⴹⴰⵕ ⵜⵎⴷⴷⵓⵍⵜ ⴰⴷ ⴷⴰⵔⵙ ⵢⵉⵍⵉ ⴽⵔⴰ ⵏ ⵢⵉⵙⵎ ⵢⴰⴹⵏⵉ ⴳ ⵉⵙⴰⵖⵓⵍⵏ ⵉⵇⴱⵓⵕⵏ.
ⵎⵙⴰⵙⴰⵏ ⴰⴽⴽⵯ ⵉⴷ ⴱⵓⵡⵎⵣⵔⵓⵢ ⵎⴰ ⵙ ⴷ ⵉⵎⵖⵓⵣⵏ ⴰⴷ ⵉⴳⴰⵏ ⴰⵥⵓⵕ ⵏ ⵜⵎⴷⴷⵓⵍⵜ ⵏⵜⵜⵏⵉ ⴰⴷ ⵢⵓⴷⴷⵊⴰⵏ ⵜⴰⵎⴷⴷⵓⵍⵜ ⴰⴷ ⵜⴻⵜⵜⵢⴰⵡⵙⵙⴰⵏ, ⵜⴰⴷⴷⵊ ⵓⵍⴰ ⵡⵉⵍⵍⵉ ⵜⵜ ⵉⵚⴽⴰⵏ ⴰⴷ ⵜⵜ ⵙⵔⵙⵏ ⴳ ⵓⴷⵖⴰⵔ ⵏⵏⴰ ⴳ ⵜⵍⵍⴰ. ⵜⴰⵎⴷⴷⵓⵍⵜ ⴳⵉⵙ ⴰⵏⴰⵙ, ⵣⵣⵏⴳ ⴷ ⵓⴷⵔⵉⵎ. ⵜⴰⵍⵄⴷⴷⴰⴷⵜ ⵜⴳⴰ ⴰⴷⵖⴰⵔ ⵏ ⵓⵎⵖⵉⵣ (ⵏⵖ ⴰⵎⵣⵖⵓⵣ) ⴰⵎⵇⵔⴰⵏ ⴳ ⵜⵎⴷⴷⵓⵍⵜ, ⴰⵔ ⴷ ⵙⴳⵉⵙ ⵙⵙⵓⴼⵓⵖⵏ ⴽⵉⴳⴰⵏ ⵏ ⵉⵎⵖⵓⵣⵏ. ⵜⴻⵜⵜⴰⵡⵙⵙⴰⵏ ⵜⵎⴷⴷⵓⵍⵜ ⵓⵍⴰ ⵙ ⵜⴰⵥⵓⵍⵜ. ⵉⵎⵖⵉⵣⵏ ⵏ ⵓⴷⵔⵉⵎ ⵓⵎⵥⵏ ⵎⵓⵏⵏ ⴰⴽⴽⵯ ⴷ ⵓⴷⵔⴰⵔ ⵏ ⵉⵄⴷⴷⴰⴷⵏ ⴷ ⵓⴷⵔⴰⵔ ⵏ ⴳⵉⵍⵉⵣ ⴷ ⵓⴷⵔⴰⵔ ⵏ ⴱⵓⵡⴷⴰⴷⵏ.
ⵜⴰⵍⴳⴰⵎⵜ ⵜⵓⴼⵔⵉⵏⵜ
ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵜⴳⴰ ⵙⵙⵉⵏⵉⵎⴰ ⴷⴰ ⵉⵙⴰⵡⴰⵍⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ. ⵜⵓⴷⴷⵎⴰ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵜⵍⵍⴰ ⴳ ⵓⵙⴳⴳⵯⴰⵙ ⵏ 1934 ⵙ ⵍⴼⵉⵍⵎ ⵏ ⵉⵟⵟⵓ, ⴰⴼⵉⵍⵎ ⴰⴷ, ⴰⴷ ⴰⴽⴽ ⵉⵣⵡⴰⵔⵏ ⵉⵙ ⴷ ⵉⴼⴼⴰⵖ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴰⵔ ⵉⵙⴰⵡⴰⵍ ⵙ ⵜⴰⵏⵜⴰⵍⴰ ⵏ ⵜⴰⵛⵍⵃⵉⵜ, ⴰⵙⵓⵍⴼ ⵏ ⵓⴼⵉⵍⵎ ⴰⴷ ⵉⵍⵍⴰ ⴳ ⵉⴷⵔⴰⵔⵏ ⵏ ⵡⴰⵟⵍⴰⵚ ⵎⵇⵇⵓⵔⵏ, ⵉⵎⵙⵙⵓⴼⴰⵖ ⵏⵏⵙ ⴳⴰⵏ ⵜⵏ: ⵊⵓⵏ ⴱⵉⵏⵡⴰ ⵍⵉⴼⵉ, ⵎⴰⵕⵉ ⵉⴱⵛⵜⴰⵢⵏ ⴷ ⵄⴱⴷⵍⵍⴰⵀ ⴰⴳⵍⴰⵡⵡⵓ. ⴰⴼⵉⵍⵎ ⴰⴷ ⵉⴳⴰ ⵜⴰⵢⴰⴼⵓⵜ ⵏ ⵓⵎⵢⴰⵡⴰⵙ ⵉⵏⴳⵔ ⵉⴼⵕⴰⵏⵚⵉⵚⵏ ⴷ ⵉⵎⴰⵣⵉⵖⵏ ⵏ ⵍⵎⵖⵔⵉⴱ .
ⵜⵓⴷⴷⵎⴰ ⵏⵏⵖ ⴰⵙⵏⵜⵉ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⴳ ⵜⵎⴰⵣⵉⵔⵜ ⵏ ⵙⵓⵙ ⵜⵍⵍⴰ ⴳ ⵓⵙⴳⴳⵯⴰⵙ ⵏ 1934 ⵙ ⵓⴼⵉⵍⵎ ⵍⵍⵉ ⴰⴽⴽⵯ ⵉⵣⵡⴰⵔⵏ ⵙ ⵜⴰⵏⵜⴰⵍⴰ ⵜⴰⵛⵍⵃⵉⵜ; ⴰⴷ ⵜ ⵉⴳⴰⵏ ⴷ ⵍⴼⵉⵍⵎ ⵏ "ⵉⵟⵟⵓ", ⵉⴼⴼⴰⵖ ⴷ ⵓⴼⵉⵍⵎ ⴰⴷ ⵙ ⵓⵎⵢⴰⵡⴰⵙ ⵏ ⵉⵎⴰⵣⵉⵖⵏ ⴷ ⵉⵕⵓⵎⵉⵢⵏ, ⵎⴰⵔⵉ ⵉⴱⵛⵜⴰⵢⵏ ⴷ ⵊⵓⵏ ⴱⵉⵏⵡⴰ ⵍⵉⴼⵉ , ⵉⵜⵜⵓⵚⵡⵡⴰⵕ ⵓⴼⵉⵍⵎ ⴰⴷ ⴳ ⵜⵎⴷⵉⵏⵜ ⵏ ⵜⴰⵍⵉⵡⵉⵏ ⴷ ⵜⵙⴳⴳⵉⵡⵉⵏ ⵏⵏⵙ. ⵉⵍⵎⵎⴰ ⴳ ⵓⵙⴳⴳⵯⴰⵙ ⵏ 1989 ⵉⴼⴼⴰⵖ ⴷ ⵍⴼⵉⵍⵎ ⵏ " ⵜⴰⵎⵖⴰⵔⵜ ⵏ ⵡⵓⵔⵖ " ⵍⵍⵉ ⴷ ⵉⵙⵙⵓⴼⵖ ⵙⵙⵉ ⵃⴰⵙⴰⵏ ⴱⵉⵢⵣⴳⴰⵔⵏ (ⵉⴹⴼⴰⵕ ⵜ ⵓⴼⵉⵍⵎ ⵏ ⵜⴳⵉⴳⵉⵍⵜ ⴳ ⵓⵙⴳⴳⵯⴰⵙ ⵏ 1993), ⴰⵡⵙⵏ ⴳⵉⵙ ⴽⵉⴳⴰⵏ ⵏ ⵉⵏⵓⵥⴰⵕ ⵉⵎⴰⵣⵉⵖⵏ. ⵉⵙⴰⵡⵍ ⴷ ⵓⴼⵉⵍⵎ ⴰⴷ ⵅⴼ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⴳⵉⵙⵏ ⵜⴰⵎⴰⴳⵉⵜ ⴷ ⵡⴰⴽⴰⵍ ⴷ ⵡⴰⴷⴷⵓⵔ. ⵉⴹⴼⴰⵕ ⵜ ⵉⴷ ⵏⵉⵜ ⴳ ⵓⵙⴳⴳⵯⴰⵙ ⵏ 1993 ⵍⴼⵉⵍⵎ ⵍⵍⵉ ⴰⴽⴽⵯ ⵉⵜⵜⴰⵡⵙⵙⴰⵏ ⴳ ⵙⵙⵉⵏⵉⵎⴰ ⵜⴰⵛⵍⵃⵉⵜ ⴷ ⵜⵎⴰⵣⵉⵖⵜ, ⴰⴷ ⵜ ⵉⴳⴰⵏ ⴷ ⵍⴼⵉⵍⵎ ⵏ " ⴱⵓ ⵜⴼⵓⵏⴰⵙⵜ " ⵍⵍⵉ ⵉⵙⴽⵔⵏ ⵢⴰⵜ ⵜⴳⵔⴰⵡⵍⴰ ⵎⵇⵇⵓⵔⵏ ⴳ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵙ ⵓⵎⵢⴰⵡⴰⵙ ⵏ ⵙⵙⵉ ⵎⵓⵃⴰⵎⵎⴰⴷ ⴰⴱⴰⵄⵎⵕⴰⵏ ⴷ ⵙⵙⵉ ⵃⴰⵙⴰⵏ ⵉⴱⵓⴽⴰ. ⵉⴹⴼⴰⵕ ⵜ ⵉⴷ ⵓⵍⴰ ⵏⵜⵜⴰ ⵓⴼⵉⵍⵎ ⵏ " ⴳⴰⵔ ⵜⵉⵎⵖⴰⵔⵉⵏ ", ⵄⴰⴷ ⴰⴷ ⴷ ⴰⵛⴽⵉⵏ ⴽⵉⴳⴰⵏ ⵏ ⵍⴰⴼⵍⴰⵎ ⵢⴰⴹⵏⵉ.
ⵎⴰ ⵜⴳⴰ ⵡⵉⴽⵉⴱⵉⴷⵢⴰ?
ⵡⵉⴽⵉⴱⵉⴷⵢⴰ ⵏⵖ ⵡⵉⴽⵉⵒⵉⴷⵢⴰ (Wikipedia ⵙ ⵜⵏⴳⵍⵉⵣⵜ) ⴷ ⵢⵓⵏ ⵓⵙⵏⴼⴰⵔ ⵏ ⵜⴳⵔⵓⵎⵙⵏⴰ ⵜⴰⵖⵣⵓⵔⴰⵏⵜ ⵜⴰⴳⵜⵓⵜⵍⴰⵢⵜ (291 ⵏ ⵜⵓⵜⵍⴰⵢⵉⵏ ⴳ ⵡⴰⵎⵎⴰⵙ ⵏ 2015). ⵡⵉⴽⵉⴱⵉⴷⵢⴰ ⵉⴳⴰ ⵢⴰⵏ ⵙⴳ ⵎⵔⴰⵡ ⵏ ⵡⴰⵏⵙⵉⵡⵏ ⴰⴽⴽ ⵉⵜⵜⵡⴰⵙⵙⵏⴻⵏ ⴳ ⵡⴰⵏⵜⵉⵔⵏⵉⵜ. ⵉⵙⵏⴼⵍⵓⵍ ⵜⵜ ⵊⵉⵎⵉ ⵡⵉⵍⵣ ⴷ ⵍⴰⵔⵉ ⵙⴰⵏⴳⵔ ⴰⵙⵙ ⵏ 15 ⵉⵏⵏⴰⵢⵔ 2001. ⴷ ⵙⴰⵏⵊⵔ ⴰⴷ ⴰⵙ ⵉⴼⴽⴰⵏ ⵢⵉⵙⵎ ⴰⴷ, ⵉⵙⵎ ⴰⴷ ⵏ ⵡⵉⴽⵉⴱⵉⴷⵢⴰ ⵉⴱⴹⴰ ⴼ ⵙⵏⴰⵜ ⵜⴳⵓⵔⵉⵡⵉⵏ, "ⵡⵉⴽⵉ" ⵙ ⵓⵏⴰⵎⴽ ⵏ ⴱⵣⵔⴱⴰ ⵙ ⵓⵏⴰⵎⴽ ⵏ ⴷⴰ ⴳⵉⵙ ⵜⵜⴰⴼⴰⴷ ⵓⵎⵍⴰⵏ ⴷⵖⵢⴰ, ⴷ "ⴱⵉⴷⵢⴰ" ⵍⵍⵉ ⴷ ⵉⴽⴽⴰⵏ ⵜⴳⵓⵔⵉ ⵏ ⴻⵏⵛⵢⵛⵍⵓⴱⴻⴷⵉⴰ. ⵍⵍⵉⵖ ⵃⵔⴰ ⵜⵙⵙⴱⵜⴰ ⵜⴽⴽⴰ ⵜⵜ ⵉⵏⵏ ⵖⴰⵔ ⵙ ⵜⵓⵜⵍⴰⵢⵜ ⵜⴰⵏⴳⵍⵉⵣⵜ, ⵎⴰⵛ ⴷⵖⵢⴰ ⵙ ⵍⵉⵖ ⴷ ⴳⵉⵙ ⴱⴰⵢⵏⵜ ⵜⵓⵜⵍⴰⵢⵉⵏ ⵏⵉⴹⵏ ⵍⵍⵉ ⵜⵏ ⵉⴽⴽⴰⵏ ⵥⵍⵉⵏⵜ ⵉⵎⵉⴽⴽ ⵖ ⵜⵓⵎⴰⵢⵉⵏ ⵍⵍⵉ ⵜⵏⵜ ⴳⵉⵙ ⴽⴽⴰⵏⵜ ⴷ ⵓⵍⴰ ⵜⴰⵖⴰⵔⴰⵙⵜ ⵏ ⵜⵉⵔⵔⴰ ⵏⵏⵙⵏⵜ. ⵖⵉⵍ ⴰⴷ ⵍⵍⴰⵏⵜ ⵓⴳⴳⴰⵔ ⵏ 300 (ⴽⵕⴰⴹⵜ ⵜⵎⴰⴹ) ⵏ ⵉⴷ ⵡⵉⴽⵉⴱⵉⴷⵢⴰ, ⵜⵉⵏ ⵜⴰⵏⴳⵍⵉⵣⵜ ⴰⴷ ⴰⴽⴽⵯ ⴳⵉⵙⵏⵜ ⵉⵎⵇⵇⵓⵔⵏ ⴷ ⵜⵟⵟⴰⴼ ⵓⴳⴳⴰⵔ ⵏ 5 ⵉⴷ ⵎⵍⵢⵓⵏ ⵏ ⵉⵎⴳⵔⴰⴷⵏ. ⵖ ⴽⵓⵍⵍⵓ ⵉⴷ ⵡⵉⴽⵉⴱⵉⴷⵢⴰ, ⵍⵍⴰⵏ ⴽⵔⴰ ⵏ 40 (ⴽⴽⵓⵥⵎⵔⴰⵡ) ⵉⴷ ⵎⵍⵢⵓⵏ ⵏ ⵉⵎⴳⵔⴰⴷⵏ ⵙ 300 (ⴽⵕⴰⴹⵜ ⵜⵎⴰⴹ) ⵏ ⵜⵓⵜⵍⴰⵢⵉⵏ. ⵖ ⴱⵕⴰⵢⵕ 2014 (ⵙⵉⵏ ⵡⴰⴼⴹⴰⵏ ⴷ ⴽⴽⵓⵥ ⴷ ⵎⵔⴰⵡ) ⵜⴻⵜⵜⵓⵢⵥⵕⴰ ⵡⵉⴽⵉⴱⵉⴷⵢⴰ ⴽⵔⴰ ⵏ 18 (ⵜⴰⵎ ⴷ ⵎⵔⴰⵡ) ⵉⴷ ⵎⵍⵢⴰⵔ ⵏ ⵜⵡⴰⵍ ⴷ ⴽⵔⴰ ⵏ 500 (ⵙⵎⵎⵓⵙ ⵜⵎⴰⴹ) ⵉⴷ ⵎⵍⵢⵓⵏ ⵏ ⵉⵔⴳⴰⴱⵏ ⴽⵔⴰⵢⴳⴰⵜ ⵡⴰⵢⵢⵓⵔ.
ⵉⵎⵉⴷⵉ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ
| ⴰⴷ ⵓⵔ ⵜⴰⵔⴰⴷ: ⴰⵔ ⵜⴻⵜⵜⴻⵜⵜⵓ ⵙⵉⵎⴰⵏ ⵉⵙⵎ ⵏⵏⵙ. ⵎⴰⵛⴰ ⴰⵔⴰ: ⴰⵔ ⵜⵜⴻⵜⵜⵓ ⵙⵉⵎⴰⵏ ⵉⵙⵎ ⵏⵏⵙ. ⴰⵛⴽⵓ: ⵓⵔ ⵉⵏⵉⵎ ⴰⴷ ⵉⵜⵜⵢⵔⴰ ⵓⵛⴼⴰ ⵙⵏⴰⵜ ⵜⵡⴰⵍ ⴳ ⵢⴰⵜ ⵜⴳⵓⵔⵉ. |
ⵉⵏⵖⵎⵉⵙⵏ
- 1 ⴷⵓⵊⴰⵏⴱⵉⵔ: ⵉⵎⵎⵓⵜ ⴰⵏⵟⵓⵏⵢⵓ ⴼⵉⵍⵉⴽⵙ ⵎⴰⵕⵜⵉⵏ ⴰⵙⵍⵡⴰⵢ ⴰⵎⵣⵡⴰⵔⵓ ⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⴳ ⵡⴰⵙⵙ ⵏ ⴰⵢⵏⴰⵙ 1 ⴷⵓⵊⴰⵏⴱⵉⵔ 2025. (ⵜⴰⵍⴰⵍⵉⵜ ⵏⵏⵙ: 14 ⴰⴱⵔⵉⵍ 1955).
- 19 ⴽⵟⵓⴱⵕ: ⵜⵉⵡⵉ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵖⵔⵉⴱⵉⵜ ⵏ ⵜⵛⴰⵎⵎⴰ ⵏ ⵓⴹⴰⵕ ⴳ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⴳ ⵓⵎⵣⵔⵓⵢ ⵏⵏⵙ ⴰⴽⵔⵡⴰⵙ ⵏ ⵓⵎⴰⴹⴰⵍ ⴼⵉⴼⴰ ⴷⴷⴰⵡ 20 ⵏ ⵓⵙⴳⴳⵯⴰⵙ ⵏ 2025 ⴳ ⵜⵛⵉⵍⵉ.
ⴰⵎ ⵡⴰⵙⵙ ⴰⴷ
- ⴳ ⵡⴰⵙⵙ 21 ⵉⵏⵏⴰⵢⵔ 1978, ⵉⵙⵙⵓⴼⵖ ⵓⵏⴰⵥⵓⵕ ⴰⵎⴰⵣⵉⵖ ⵊⴰⵎⴰⵍ ⵄⵍⴰⵎ ⵙⴳ ⴱⵊⴰⵢⴰ ⴰⴷⵍⵉⵙ ⵏⵏⵙ ⴰⵎⵣⵡⴰⵔⵓ "ⴰⵔⴳⵓ".
- ⴳ ⵡⴰⵙⵙ 21 ⵉⵏⵏⴰⵢⵔ 201, ⵉⵜⵜⵓⴱⵏⴰ ⵓⵖⵔⵎ ⵏ "ⴱⵓⵏⵊⵉⵎ" ⵙⴳ ⵜⴰⵎⴰ ⵏ ⵉⵔⵓⵎⴰⵏⵉⵢⵏ. ⵜⵜⴰⴼⵏ ⴷⵉⵙ ⵜⵉⵔⵔⴰ ⵏ ⵜⴼⵉⵏⴰⵖ ⵜⴰⵇⴱⵓⵔⵜ.
- ⴳ ⵡⴰⵙⵙ 21 ⵉⵏⵏⴰⵢⵔ 1856, ⵜⴷⵔⴰ ⵜⵎⵏⵖⵉⵡⵜ ⵏ "ⴰⵍⴽⴰⴷⵡⴰ" ⴳ ⵢⴼⵔⵏ (ⴰⵢⵜ ⵎⵊⵔⵙⴰⵏ). ⵉⵜⵜⵓⵖⵍⴱ ⵓⵏⵎⵖⵓⵔ ⴰⵎⴰⵣⵉⵖ ⵎⵉⵍⵓⴷ ⴰⵛⵇⵔⵓⵏⵉ ⵙⴳ ⵉⵜⵓⵔⴽⵉⵢⵏ.
- ⴳ ⵡⴰⵙⵙ 21 ⵉⵏⵏⴰⵢⵔ 1930, ⵉⵜⵜⵓⴰⴼ ⵉⵜⵔⵉ ⵏ ⴱⵍⵓⵜⵓ.
- ⴳ ⵡⴰⵙⵙ 21 ⵉⵏⵏⴰⵢⵔ 1954, ⵜⴼⴼⵖ ⵜⴰⵏⵓⴽⵜ ⵜⴰⵎⵉⵔⵉⴽⴰⵏⵉⵜ "ⵏⵓⵜⵉⵍⵓⵙ" ⵜⴰⵎⵣⵡⴰⵔⵓⵜ ⵉⵙⵙⵅⴷⴰⵎⵏ ⵜⴰⵣⵎⵔⵜ ⵜⴰⵏⵓⴽⵍⵉⵔⵜ.
ⵉⵙ ⵜⵙⵙⵏⴷ?
- 7 ⵏⵓⵡⴰⵏⴱⵉⵔ ⴳ ⵓⵙⴳⴳⵯⴰⵙ ⵏ 2023 ⴰⴷ ⵜⵏⵏⵓⵕⵥⵎ ⵡⵉⴽⵉⴱⵉⴷⵢⴰ ⵜⴰⵎⴰⵣⵉⵖⵜ ⵙ ⵓⵎⴰⴷⴷⵓⴷ.
- 5 ⴽⵟⵓⴱⵕ ⴷ ⴰⵙⵙ ⴰⵎⴰⴹⵍⴰⵏ ⵏ ⵓⵙⵍⵎⴰⴷ, ⴰⵔ ⴰⴽⴽⵯ ⵙⵔⵙ ⵙⴼⵓⴳⵍⴰⵏ ⵉⵏⴳⵔⴰⵡⵏ ⵉⵙⴳⵎⴰⵏⵏ ⴳ ⵓⵎⴰⴹⴰⵍ ⴽⵔⴰⵢⴳⴰⵜ ⴰⵙⴳⴳⵯⴰⵙ ⴳ ⵣⵓⵏ ⴷ ⴰⵙⵙ ⴰⴷ.
- 8 ⵎⴰⵕⵚ ⴷ ⴰⵙⵙ ⴰⵎⴰⴹⵍⴰⵏ ⵏ ⵜⵎⵖⴰⵔⵜ; ⴰⵔ ⵙⴼⵓⴳⵍⴰⵏⵜ ⵜⵎⵓⵔⴰ ⴰⴽⴽⵯ ⵏ ⵓⵎⴰⴹⴰⵍ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⵟⵟⵓⴹⵜ ⴰⵙⵙ ⵏ 8 ⵎⴰⵕⵚ ⴳ ⴽⵓ ⴰⵙⴳⴳⵯⴰⵙ.
- 19 ⵏⵓⵡⴰⵏⴱⵉⵔ ⴳ ⴽⵓ ⴰⵙⴳⴳⵯⴰⵙ ⴷ ⴰⵙⵙ ⴰⵎⴰⴹⵍⴰⵏ ⵏ ⵓⵙⴽⴽⵉⵍ ⵏ ⵜⴼⵉⵏⴰⵖ.
- 16 ⴽⵟⵓⴱⵕ ⴳ ⴽⵓ ⴰⵙⴳⴳⵯⴰⵙ ⴷ ⴰⵙⵙ ⴰⵎⴰⴹⵍⴰⵏ ⵏ ⵓⵏⵎⵀⴰⵍ
- ...ⴳ ⵓⵙⴳⴳⵯⴰⵙ ⵏ 2009, ⴳ ⵓⵡⵜⴰⵢ ⵏ 18 ⵏ ⵓⵙⴳⴳⵯⴰⵙ, ⴰⵏⵕⵡⵉⵊⵉ ⵎⴰⴳⵏⵓⵙ ⴽⴰⵔⵍⵙⵏ (ⵥⵕ ⵜⴰⵡⵍⴰⴼⵜ) ⵉⴳⴰ ⴰⵎⵓⵔⴰⵔ ⴰⵎⵥⵥⴰⵏ ⴳ ⵓⵎⵣⵔⵓⵢ ⵏ ⵛⵛⵟⵕⵏⵊ ⵏⵏⴰ ⵢⵉⵡⵉⵏ 2800 ⵏ ⵜⵏⵇⵇⵉⴹⵜ ⵙⴳ ⵓⵙⵏⵎⴰⵍⴰ ⵏ ⵉⵍⵓ?
- ...ⵢⵉⴼⵢⴰ ⵜⴳⴰ ⵜⴰⵎⴰⵣⵉⵔⵜ ⵏ ⵚⴱⴰⵏⵢⴰ ⵉⵍⵍⴰⵏ ⴳ ⵜⵙⴳⴰ ⵜⴰⴼⵕⴰⵏⵚⵉⵚⵜ ⴱⴱⵉⵔⵉⵏⵉ ⵜⴰⴳⵎⵓⴹⴰⵏⵜ?
- ...ⵉⵎⵕⴰⴱⵟⵏ ⴳⴰⵏ ⵉⵎⴰⵣⵉⵖⵏ ⵙⴳ ⵜⵇⵇⴱⵉⵍⵜ ⵜⴰⵎⴰⵣⵉⵖⵜ ⵉⵥⵏⴰⴳⵏ?
- ...ⵜⴰⵇⴱⵉⵍⵜ ⵏ ⵍⵎⵀⴷⵉ ⴱⵏ ⵜⵓⵎⵔⵜ ⵉⵙⵎ ⵏⵏⵙ ⴰⵔⵖⵏ?
- ...ⵜⴰⵎⴷⴷⵓⵍⵜ ⵜⴽⴽⴰ ⵜⵜ ⵏⵏ ⵜⴳⴰ ⴰⵎⵎⴰⵙ ⴰⴷⵎⵙⴰⵏ ⵏ ⵉⵎⵕⴰⴱⵟⵏ?
- ...ⵉⵙⵎ ⵏ ⴰⵍ ⴰⵏⴷⴰⵍⵓⵙ ⵉⴽⴽⴰ ⴷ ⵉⵙⵎ ⴰⵎⴰⵣⵉⵖ ⵉⵏⴷⵍⴰⵙ (ⵙ ⵜⴰⵄⵕⴰⴱⵜ الاندلس).
- ...ⴰⴳⵍⵍⵉⴷ ⴰⵎⴳⴳⴰⵔⵓ ⵏ ⵉⵏⴷⵍⴰⵙ ⵉⴳⴰ ⴰⵎⴰⵣⵉⵖ ⵉⵙⵎ ⵏⵏⵙ ⵄⴱⴷⵍⵍⴰⵀ ⴱⵏ ⴱⵍⵇⵉⵏ ⴰⵥⵏⴰⴳ?
ⵉⵎⴰⵔⴰⵜⵏ ⵉⵎⵣⵡⵓⵔⴰ
| ⴰⵏⵎⴰⵍⴰ | ⴰⵏⵙⵙⵎⵔⵙ | ⵉⵙⵏⴼⵍⵏ |
|---|---|---|
| 1 | Aguzul | 62 |
| 2 | ⴰⵏⴰⵙ ⵓⵍⵃⵍⵓ | 60 |
| 3 | Lhoussine AIT TAYFST | 43 |
| 4 | Aɣaras iḍlan | 19 |
| 5 | Essaidib2 | 13 |
| 6 | ~2025-27151-18 | 3 |
| 7 | Ahmed hajjy | 2 |
| 8 | MS Sakib | 2 |
| 9 | Lentokonefani | 2 |
| 10 | Tanbiruzzaman | 2 |
ⴰⵎⵏⵏⵉ ⴰⵎⴰⵢⵏⵓ
ⵡⵉⴽⵉⴱⵉⴷⵢⴰ ⵜⴰⵎⴰⵣⵉⵖⵜ ⴳⵉⵙ 12 097 ⵏ ⵓⵎⵏⵏⵉ, ⵖⴰⵏⵏ ⴰ ⵅⴼ ⵉⵖⵉ ⴰ ⵢⵉⵍⵉ ⵓⵎⵏⵏⵉ ⵏⵏⴰ ⵜⵔⵉⴷ ⴰ ⵜⴰⵔⴰⴷ. ⵉⴳ ⵜⵔⵉⴷ ⴰ ⵜⵉⵙⵙⴰⵏⴷ ⵉⵙ ⵉⵍⵍⴰ ⵓⵎⵏⵏⵉ ⵏⵏⴰ ⵜⵔⵉⴷ ⴰ ⵜⴰⵔⴰⴷ (ⵉⵖⵉ ⴰ ⵢⵉⵍⵉ ⵙ ⵢⵉⵙⵎ ⵢⴰⴹⵏⵉⵏ) ⵏⵖ ⵓⵀⵓ, ⵙⵙⵎⵔⵙ ⵜⴰⵙⵏⴰ ⵏ ⵓⵔⵣⵣⵓ. ⵉⴳ ⵓⵔ ⵉⵍⵍⵉ, ⴰⵔⴰ ⵉⵙⵎ ⵏ ⵓⵎⵏⵏⵉ ⴳ ⵜⴼⵏⵉⵇⵜ ⵏ ⵉⵣⴷⴷⴰⵔ, ⴰⴷ ⵉⵍⵎⵎⴰ ⵜⴹⴼⴰⵕⴷ ⵉⵙⵡⴰⵍⴰⵜⵏ ⵏⵏⴰ ⵉⵜⵜⵢⴰⵡⴼⴽⴰⵏ ⴳ ⵓⴼⵍⵍⴰ ⵏ ⵜⵙⵏⴰ ⵏ ⵜⵥⵕⵉⴳⵜ.
ⵉⵙⵏⵜⴰⵢⵏ ⴰⵢⵜⵎⴰⵜⵏ
ⵡⵉⴽⵉⵎⴰⵡⴰⵍ ⵏ ⵜⵎⴰⵣⵉⵖⵜ ⵜⴰⵏⴰⵡⴰⵢⵜ ⵎⵙⵎⵓⵏ ⴰⵡⴰⵍ ⵉⵍⴻⵍⵍⵉ
ⵡⵉⴽⵉⴱⵉⴷⵢⴰ ⵜⴰⵛⵍⵃⵉⵜ ⴰⵙⴰⵎⵓ ⵉⵍⴻⵍⵍⵉ ⵡⵉⴽⵉⴱⵉⴷⵢⴰ ⵜⴰⵇⴱⴰⵢⵍⵉⵜ ⵜⴰⵙⴰⵏⴰⵢⵜ ⵜⵉⵍⴻⵍⵍⵉⵜ ⵡⵉⴽⵉⵎⴰⵡⴰⵍ ⴰⵛⴰⵡⵉ ⵎⵙⵎⵓⵏ ⴰⵡⴰⵍ ⵉⵍⴻⵍⵍⵉ
ⴰⵍⴰⵏⴳⵡⴰ ⵍⵉⴱⵔⵉ ⴰⵙⵜⵓⴷⵢⵓ ⵏ ⵓⵙⵓⵙⵔ
ⵡⵉⴽⵉⵎⵉⴷⵢⴰ ⴽⴰⵎⵏⵣ ⴰⵏⴳⵔⴰⵡ ⵏ ⵉⵙⴼⴽⴰ ⵏ ⵜⴰⴳⵜⵎⵉⴷⵢⴰ
ⵎⵉⴷⵢⴰⵡⵉⴽⵉ ⴰⵙⵏⴼⴰⵔ ⵏ ⵉⵖⴰⵡⴰⵙⵏ ⵉⵡⵉⴽⵉⵜⵏ
ⵎⵉⵜⴰⵡⵉⴽⵉ ⴰⵎⵢⴰⵡⴰⵙ ⵅⴼ ⵉⵙⵏⴼⴰⵔⵏ ⵏ ⵡⵉⴽⵉⵎⵉⴷⵢⴰ
ⵡⵉⴽⵉⴷⵍⵉⵙⵏ ⴰⴳⵓⴷⵉ ⵏ ⵉⴷⵍⵉⵙⵏ ⴷ ⵉⴹⵕⵉⵚⵏ ⵉⴱⵉⴷⴰⴳⵓⵊⵉⵢⵏ
ⵡⵉⴽⵉⵙⴼⴽⴰ ⵜⴰⵙⵉⵍⴰ ⵏ ⵉⵙⴼⴽⴰ ⵉⵍⴻⵍⵍⵉⵢⵏ
ⵡⵉⴽⵉⵏⵖⵎⵉⵙⵏ ⴰⵙⵉⵜ ⵉⵍⴻⵍⵍⵉ ⵏ ⵉⵏⵖⵎⵉⵙⵏ
ⵡⵉⴽⵉⴱⴷⴰⵔ ⵜⴰⴷⵍⴰ ⵏ ⵉⴱⴷⴰⵔⵏ
ⵡⵉⴽⵉⵙⴰⴳⵎ ⵜⴰⵙⴷⵍⵉⵙⵜ ⵏ ⵜⵓⵎⴰⵢⵜ ⵜⵉⵍⴻⵍⵍⵉⵜ
ⵡⵉⴽⵉⵏⴰⵡⵏ ⵜⴰⴷⵍⴰ ⵏ ⵡⴰⵏⴰⵡⵏ
ⵡⵉⴽⵉⵜⴰⵙⴷⴰⵡⵉⵜ ⵉⵎⴰⵙⵙⵏ ⵏ ⵓⵙⵍⵎⴷ ⵉⵍⴻⵍⵍⵉⵢⵏ
ⵡⵉⴽⵉⵎⵓⴷⴷⵓ ⴰⵎⴰⵏⴰⵔ ⵏ ⵓⵎⵓⴷⴷⵓ ⵉⵍⴻⵍⵍⵉ